1 Juan 1:10 - Nuevo Testamento Uwotjüja

¹⁰ Ja̧'wa̧nü̧ ja̧'a̧nä̧, «surojümä̧ jȩpo̧ko̧tü̧ pä'ijätüjä̧ pätüttümä̧» Dio-rümä̧ ya̧pa̧rȩwa̧tä̧ ü̧ji̧pü̧nä̧ pä'ätüjä̧. Chutä i̧wȩnȩ'i̧nä̧ juiya'a ujutunä̧mä̧.

TÄ̧DO Ä̧CUÄ̧ I̧HUȨNȨ

¹⁰ “Ujutu yoröiso suronä jȩpo̧co̧tö̧ pi̧nä̧töjä̧” pätöttömä, “Dios yaparehua̧” pä'ätöjä. Ja̧'hua̧nö̧ pätomenä, Dios i̧huȩnȩ jui'ätöjä.

1 Juan 1:10 ပူးပေါင်းရင်းမြစ်များ

San Juan 3:33

Ja̧'wa̧nü̧ ja̧'a̧nä̧, ya̧tȩ Jua̧u̧ru̧ esetümä̧, Dio-mä̧ Jueü wȩnȩ ja̧'a̧ pä'ü wo̧jui̧'ü̧.

Colosenses 3:16

Adiwäjuei Crito u̧wo̧juȩti̧nü̧mä̧ ku̧ni̧chi'ätukuä. Yotukunä̧ wo̧juȩtü̧'i̧nä̧, ro̧'ȩku̧'i̧nä̧ jȩ'kuä̧tu̧kuo̧mȩnä̧mä̧, wo̧juȩku̧nä̧ jȩpä̧tu̧kui̧. Dio-rü eseu ra̧'ä̧tu̧kui̧ kua̧mi̧'iso'kitukunä̧, salmos'i̧nä̧, ra̧wä̧wä̧ otoü'i̧nä̧, epíritu-nä̧ ra̧wä̧wä̧'i̧nä̧, jü̧nä̧.

1 Juan 1:8

Isopäi'ünä̧, «Surojü jui'ätüjä̧ pätüttümä̧,» ta̧mü̧nä̧ pa̧ja̧tü̧ yapareäkuäwätüjä̧, ja̧'wa̧nü̧ jo̧mȩnä̧mä̧ jueü wȩnȩmä̧ juiya'a ujutunä̧mä̧.

1 Juan 2:14

Ukuturu wȩyu̧ti̧nü̧sä̧ chi̧tti̧mü̧ wotürü, jua'amä̧ Jä'o Dio-rü ku̧wo̧jui̧yä̧tu̧kuä̧ku̧ cha'attü. Ja̧'wa̧ta̧nü̧ ukutu ttä̧'o̧tü̧rü̧ wȩyu̧ti̧nü̧sä̧ jua'amä̧ ä̧kuo̧mȩnä̧tä̧ päi'ünä̧ kki̧nü̧rü̧ ku̧wo̧jui̧yä̧tu̧kuä̧ku̧ cha'attü. Ja̧'wa̧ta̧nü̧ ukutu mü̧ä̧yotürü wȩyu̧ti̧nü̧sä̧, kujuru ku̧ju̧nä̧ri̧yä̧tu̧kuä̧ku̧ ja̧'wa̧ta̧nü̧ kua̧mi̧'iso'kitukunä̧ Dio i̧wȩnȩ ku̧ju̧nä̧ri̧yä̧tu̧kuä̧ku̧, ja̧'wa̧nü̧ jȩpü̧ äwettärü kkȩdü̧ kuikuiniyä̧tu̧kuä̧ku̧ cha'attü.

1 Juan 2:4

Ttümä̧, «Jua̧u̧ru̧ wo̧jua̧sä̧» pä'anä̧, weinü̧ ukuotokomȩnä̧mä̧, ja̧'wa̧nü̧ pä'ümä̧ ya̧pa̧rȩwa̧, jueü wȩnȩmä̧ kko̧ka̧'a̧ jua̧u̧nä̧mä̧.

1 Juan 4:4

Chi̧tti̧mü̧ wotü, ukutumä̧ Dio-ku kka̧kuä̧tü̧jä̧ ja̧'wa̧nü̧ ja̧'a̧ttü̧, täkü juätü yaparewätürümä̧ kkȩdü̧ ikuinä̧tü̧jä̧. Isopäi'ünä̧ ukutuku kkü̧mä̧, pi̧jä̧nä̧ kkü̧ttü̧'i̧nä̧ abonä̧nü̧ ujuru kku̧nä̧rü̧.

1 Juan 5:10

Dio I̧tti̧rü̧ ta̧'kua̧ tu̧wȩnä̧ro̧mȩnä̧mä̧, Dio pä'inü̧ esetätüjä̧. Ja̧'wa̧nü̧ ja̧'a̧nä̧ Dio-rü esetokümä̧, Jua̧u̧ru̧ ya̧pa̧rȩwa̧ jü̧nä̧ kku̧ni̧pü̧, jua'amä̧ Chutä Dio I̧tti̧ Jesucrito ütü'kü ukuokuinü̧ esetoka'attü̧.

2 Juan 1:2

Ukuturumä̧ isopäi'ünä̧ jäwä tamiso'kinä̧ tu̧ju̧nä̧rü̧nä̧ ja̧'wa̧ta̧nü̧ 'kuäopünä̧tä̧ kkä̧kuȩnä̧ eseu repedä̧u̧jä̧.