1 Corintios 9:1 - Nuevo Testamento Uwotjüja

¹ ¿Ttümä̧ apóto-mä̧kü̧sä̧? ¿Ttümä̧ unichä̧rü̧ chu̧ju̧nä̧ rä'epü ikuokoku pinü̧sä̧? ¿Ttümä̧ Tu̧ru̧wa̧ Jesucrito-rü topokü pinü̧sä̧? ¿Ukutumä̧ Tu̧ru̧wa̧ a̧'kua̧ iweyenä̧ chaditäwämä̧kü̧jä̧?

TÄ̧DO Ä̧CUÄ̧ I̧HUȨNȨ

¹ Ttömä Jesús huȩ'ä̧hua̧sä̧. Ja̧'hua̧nö̧ ja̧'a̧ttö̧ pi̧jä̧ ttöja̧rö̧ ädätocösä. Ttömä Tu̧ru̧hua̧ Jesúsru topinösä. Ja̧'hua̧ta̧nö̧ ucutumä Tu̧ru̧hua̧ hueö jȩcho̧mȩnä̧ esetinätöjä.

1 Corintios 9:1 ပူးပေါင်းရင်းမြစ်များ

Hechos 13:2

Ya'utenä̧ Dio-rü ukuoku kkä̧nü̧, ttu̧kuȩ'i̧nä̧ tta̧do̧chä̧ja̧'a̧, Epíritu Sa̧tu̧ päinä̧u̧: «Bernawérü'i̧nä̧, Sauro-rü'i̧nä̧ 'kȩ'ȩpi̧yä̧tu̧kui̧ttü̧, ttadita pä'ü wochinü̧ wedatü.»

Hechos 14:14

Ja̧'wa̧nü̧ ja̧'a̧, Pauru-mä̧, Bernawé-ku ja̧'wa̧nü̧ jȩtta̧ pä̧ttä̧u̧ wo̧jui̧'ü̧ ttü̧'ka̧tä̧wä̧ti̧yu̧ o̧ta̧ sȩrä̧wo̧'ü̧ iku, ttü̧ja̧ ttü̧'kä̧tȩ jo̧mȩnä̧ do'ächi'ü wopinä̧tü̧:

Hechos 14:4

Ja̧'wa̧nü̧ jo̧mȩnä̧, Iconio ttü̧ja̧mä̧ ttieruwünä̧ ji̧nä̧u̧, ju'totümä̧ judío-rü ttesekua'anä̧, kkorotütä Pauru-rü, Bernawé-rü esekuinä̧tü̧.

Hechos 23:11

Kkoro yodó, Tu̧ru̧wa̧mä̧ Pauru-rü i̧jȩku̧, pä'inü̧: «Pauru kua̧'kua̧ tta̧kuȩkuä̧, porü Jerusarȩ́-ttü̧ Ttü chütü'kü jikuäwäjita'anü, Roma ütawiyättü'i̧nä̧ kukuokua pä'ü rekuä rü̧ja̧'a̧.»

Hechos 9:15

Ja̧'wa̧nü̧ pä'anä̧, Tu̧ru̧wa̧mä̧ päinä̧ku̧: Täkü täi, jua̧u̧mä̧ ttü chȩmä̧jä̧ku̧ ttü chi̧mi̧ ȩpa̧ pä'ü, judío pokotürü'i̧nä̧, ruwotürü'i̧nä̧ ja̧'wa̧ta̧nü̧ Irae ttü̧ja̧rü̧'i̧nä̧, jü̧nä̧.

Hechos 9:17

Ja̧'wa̧nü̧ weäjäku, Ananía-mä̧, isodenä̧ do'ächi'ü, jua̧u̧ru̧ u̧mü̧ mȩ'ü̧ pä'inü̧: —Cha̧wa̧ru̧wa̧ chi̧jä̧wa̧ Sauro, uku mä̧nä̧nä̧ kuichomȩnä̧ i̧jȩkuä̧ji̧, Tu̧ru̧wa̧ Jesú weäjäkusä kui'äre pä'äjita'anü̧ to'kua pä'ü'i̧nä̧ ja̧'wa̧ta̧nü̧ Epíritu Sa̧tu̧rü̧ jo̧mȩnü̧ päkui'a pä'ü'i̧nä̧, jü̧nä̧.

Hechos 9:3

Ja̧'wa̧nü̧ jä̧ja̧'a̧, Damasco ütawiyä ütü'küwächi'omȩnä̧, u̧ni̧chä̧ra̧'a̧nä̧ jä̧ttä̧pä̧ya̧rü̧ mo̧ro̧jä̧ra̧'a̧ttü̧ tȩya̧u̧ kkȩdȩ'a̧'a̧ttü̧;

Hechos 9:5

päku ädätinä̧ku̧: ¿Chu̧ru̧wa̧, ukumä̧ dí kua'ajä̧ttü̧? jäepomȩnä̧ päinä̧ku̧: «ttümä̧ Jesú-sä, ttürü ja̧'a̧ uku suronä̧ jȩ'kua̧ pä'ü kusa'amä̧. Kua̧mü̧nä̧ pa̧ja̧tü̧ suronä̧ jȩpä̧kuä̧u̧jä̧, päkäyä aboja'aku̧nä̧ i̧sa̧rinä̧ kuättomȩnä̧, jarodü yabokutä teächäkuäwa'a jä̧'i̧nü̧'a̧nü̧.

Romanos 1:1

Ttü Pauru-mä̧, Jesucrito u̧mü̧wä̧ya̧ jü̧nä̧, apóto cha pä'ü, jareü wȩnȩ Dio jäwä ujuturu iyinü̧ jidäwiyarü pä'ü woinä̧ku̧sä̧.

Romanos 1:5

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.

Romanos 11:13

Ja̧'wa̧nü̧ ja̧'a̧nä̧ ukutu judío pokotürü pä'üsä: Ttü ukutu judío pokotürü Dio-mä̧ i̧wȩnȩ jidäwiyarü pä'ü weinä̧ku̧ cha'attü, jua̧u̧ juiyo eseusä.

1 Corintios 1:1

Ttü Pauru, Dio-rü pä̧wä̧rü̧jo̧mȩnä̧, Crito apóto päi'ünä̧ woinä̧ku̧ cha'attü, cha̧wa̧ru̧wa̧ chi̧jä̧wa̧ Sóstenes-ku̧ te'äusä Corinto ütawiyättü Dio iäre igresia wotürü. Jesucrito, Dio-rü usäwäku 'kȩ'ȩpü̧ ȩmü̧, umüwäyotü jü̧nä̧ juoepinä̧u̧ru̧'i̧nä̧, ja̧'wa̧ta̧nü̧ jitü Tu̧ru̧wa̧ Jesucrito i̧mi̧nä̧ jä'epü ukuokuätürü'i̧nä̧, te'äusä, jua̧u̧mä̧ ujutu'i̧nä̧ Tu̧ru̧wa̧ ja̧'a̧nä̧, juätü'i̧nä̧ ttu̧ru̧wa̧ ja̧'a̧.

1 Corintios 10:29

Ukutu kuamükuädätukumä̧ pä'oküsä, kkorotü tta̧mü̧kuädü pä'üsä. Jua̧u̧nu̧mä̧ ¿Tta̧'a̧nü̧ pä'ü, ttü wȩnȩ juiyünä̧ jȩchü̧mä̧, kka̧ra̧ amükuädomȩnä̧ pä̧ttä̧kua̧ cha'ajä̧ttü̧?

1 Corintios 10:30

Dio-rü ukuoku chukuäja'amä̧, ¿Tta̧'a̧nü̧ pä'ü chu̧kuȩ chukuokuäjinä̧mä̧, suronä̧ ttukuokua'ajä̧ttü̧?

1 Corintios 11:16

Ja̧'wa̧nü̧mä̧ jidäwa'anä̧, yotüte pi̧yȩ pättä'cha pättüttümä̧, ujutumä̧ ja̧'wa̧ta̧nü̧ Dio-rü esetätü'i̧nä̧ kkoromä̧ jerupätüjä̧.

1 Corintios 3:6

Ttümä̧ Jesucrito jäwä jareü wȩnȩ jidäwa'anä̧ Aporo-mä̧ yabonü̧ Jesucrito-rü tta̧'kua̧ ttu̧wȩnä̧rü̧nä̧ wo̧juȩti̧nü̧ ja̧'wa̧nü̧ ja̧'a̧nä̧ ji̧nä̧so tä̧mü̧ juottünä̧ jȩpi̧nü̧mä̧ Dio-tä ja̧'a̧.

1 Corintios 9:19

Ya̧tȩ'i̧nä̧, esclavo chunä̧ u̧mü̧wä̧ya̧mä̧ choka'anä̧, o'katoi'ünä̧ esclavo jü̧nä̧ ttu̧mü̧wä̧ya̧tä̧ juo'ächinü̧sä̧, rekuätü Jesucrito-rü esetü ttikunä̧ jidäwa pä'ü.

2 Corintios 10:7

Ukutumä̧, ttü̧ja̧rü̧mä̧ wä̧mȩnä̧ jȩttü̧tä̧ topätüjä̧. Ya̧tȩ, a̧mü̧nä̧ pa̧ja̧tü̧ toäkuäwomȩnä̧ Crito u̧mü̧wä̧ya̧sä̧ päüttümä̧, jua̧u̧ jü̧ta̧'a̧nü̧ ujutu'i̧nä̧ Crito umüwäyotü wotüjä̧.

2 Corintios 11:5

Ja̧'wa̧nü̧ ja̧'a̧nä̧ ttü'i̧nä̧, juätü apótore ukuo te'äkuäwätü, o'ka'anä̧ ichinä̧tü̧ tti̧dȩa̧'a̧nä̧mä̧ woküsä.

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

Gálatas 1:1

Ttü Pauru, Apóto päi'ünä̧ wa̧, ttü̧ja̧ weäwänä̧'i̧nä̧, ttü̧ja̧nä̧'i̧nä̧ u̧ju̧no̧ko̧ku̧ pinü̧, Tu̧ru̧wa̧ Jesucrito-nä̧tä̧, jua̧u̧ru̧ wa'arettü tto'ädinü̧ Dio-tä weinä̧ku̧,

Gálatas 5:1

Crito rä'epü ikuinü̧nä̧tä̧, 'kiyünä̧ kka̧kuä̧tu̧kui̧, pä'äjita'anü̧mä̧ weäwä wȩnȩ kkȩdä̧ra̧'a̧ku̧mä̧ ku̧ja̧kuä̧tu̧kuä̧.

1 Tesalonicenses 2:6

Ukuturu'i̧nä̧, kkorotürü'i̧nä̧, ttü̧ja̧ ttukuotatü pä'ümä̧ usokotüjä̧.

1 Timoteo 2:7

Pi̧yȩ jidäwa pä'ü, apóto pä'ü'i̧nä̧, jiäkuäwä i̧sa̧ pä'ü'i̧nä̧, o̧ä̧wa̧sä̧, chäditäwämä̧ Judío pokotürü isopäi'ünä̧ wȩnȩ tta̧'kua̧ wȩnä̧rä̧kuä̧wä̧ tü'kü jidäwa pä'ü ja̧'a̧, yaparewoküsä, Pi̧yȩ jidäumä̧ isopäi'ünä̧ ja̧'a̧.

2 Timoteo 1:11

Dio-mä̧ pi̧yȩ jareü wȩnȩ jidäwa pä'ü'i̧nä̧, apóto pättäku jü̧nä̧'i̧nä̧, judío pokotürü wo̧juȩkuä̧ i̧sa̧ jü̧nä̧'i̧nä̧ weinä̧ku̧sä̧.