1 Corintios 8:4 - Nuevo Testamento Uwotjüja

⁴ Ja̧'wa̧nü̧ ja̧'a̧ttü̧, ttu̧kuȩ ttü̧ä̧nä̧wo̧tü̧ tti̧mi̧nä̧ ukuokuä'chü jȩttü̧ tü'kümä̧, jua̧u̧mä̧ pi̧jä̧ttü̧mä̧ mikuäwokü pä'ü wo̧juä̧tü̧jä̧, Dio-mä̧ ya̧tȩtä̧ ja̧'a̧ pä'ü tu̧wo̧jua̧'a̧ttü̧.

TÄ̧DO Ä̧CUÄ̧ I̧HUȨNȨ

⁴ Ja̧'hua̧ ja̧'a̧ttö̧ cuäcuähuä ttucuäcua'a ä'canä, ttu̧mö̧nä̧ adicuä juäi ttä'ca ttucuocuomenä, yoröiso micuähuoca'a huo̧juä̧tö̧jä̧. Iso päi'önä huo̧juä̧tö̧jä̧ ya̧tȩä̧tä̧ kö̧ Diosmä.

1 Corintios 8:4 ပူးပေါင်းရင်းမြစ်များ

San Marcos 12:29

Jesú-mä̧, ädätinä̧ku̧: —Weäwä wȩnȩ o'kajuiyünä̧ttü̧ ji̧nä̧so ukuo jäwämä̧ pi̧yȩ ja̧'a̧: «Irae ttü̧ja̧, ä̧ju̧kuä̧tu̧kui̧: Tu̧ru̧wa̧ Tü̧ä̧nä̧wa̧mä̧, ya̧tȩtä̧, Ru̧wa̧ ja̧'a̧.

Hechos 14:15

Chawaruwä, ¿tta̧'a̧nü̧ pä'ü pi̧yȩmä̧ jȩ'kuä̧tu̧kua̧'a̧jä̧ttü̧? ujutu'i̧nä̧ ukutu jü̧ta̧'a̧nü̧ ttü̧ja̧jä̧. Suronä̧ jȩ'kuä̧tu̧ku̧ttü̧ kä'ädi'ü, Dio a̧'kua̧rü̧ku̧, mo̧ro̧jä̧'i̧nä̧, pi̧jä̧'i̧nä̧, rü̧ä̧ aje'i̧nä̧, juotonä̧ kka̧ku̧'i̧nä̧ o'kajuiyünä̧ aditinü̧ku̧ ppa̧kuä̧chä̧tu̧kua̧ pä'ü ji'äwätüjä̧.

Hechos 15:20

Suro, ttü̧ä̧nä̧wo̧tü̧rü̧ wȩnȩtü̧ ukuokuäkuäwa'a ttukutä, ttü'käwoka'a ttü̧jä̧'chü̧'tä̧ ja̧'wa̧ta̧nü̧ nu̧'ä̧wo̧tü̧rü̧ ttukutä, isotü ttukuoja ttukutä, kättädäkuäwa pä'ü wȩyu̧kuojänä̧ wȩyu̧tu̧ wȩtta̧ja̧u̧,

Hechos 19:26

Ja̧'wa̧nü̧ ja̧'a̧nä̧ ukutu to'kuätukutämä̧ ja̧'wa̧ta̧nü̧ kuä̧ju̧kuä̧tu̧ku̧tä̧mä̧, pide Pauru pä'a ä̧ju̧kuä̧tü̧jä̧, ttu̧mü̧ttü̧ adikuotü ttü̧ä̧nä̧wa̧tü̧mä̧, ttü̧ä̧nä̧wa̧tü̧mä̧kü̧, jü̧nä̧; suro, porü Éfeso ütawiyättütämä̧kü̧, Asia rȩjȩnä̧'i̧nä̧ o'kajuiyünä̧tä̧ rekuätü esetü ttikunä̧ jȩa̧'a̧mä̧.

1 Corintios 8:1

Ja̧'wa̧ta̧nü̧ ttu̧kuȩ, ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ tü'kümä̧, isopäi'ünä̧ o'katoi'ünä̧tä̧ wo̧juä̧tü̧jä̧. Ja̧'wa̧nü̧ ja̧'a̧nä̧, wo̧juä̧wä̧mä̧ ukuo tettäunä̧tä̧ juoepü, pärokua'aku eseäkuäwämä̧, äräbe'ü wȩnȩ ja̧'a̧.

1 Corintios 8:10

Isopäi'ünä̧, ukú wo̧jua̧rü̧, ttü̧ä̧nä̧wo̧tü̧ tti̧mi̧nä̧ ukuokuäkuäwomȩ mesa isodä kuä̧nü̧ ku̧'a̧'a̧, kui̧jä̧wa̧ juiyu̧pa̧ toüttümä̧, ¿jua̧u̧'i̧nä̧ juȩnȩmä̧ pä̧wä̧rü̧jä̧chi̧'ä̧ku̧ pä̧mä̧dü̧mä̧, jua̧u̧ ukuoka'a jä̧kua̧'a̧?

1 Corintios 8:11

Ja̧'wa̧nü̧ jo̧mȩnä̧, ukú ku̧wo̧juä̧ji̧nä̧mä̧, kui̧jä̧wa̧ ji̧yü̧pa̧mä̧, toe'ächünä̧ jȩpü̧jä̧, jua̧u̧'i̧nä̧ Crito mitäu 'korujuoächinä̧ku̧ru̧.

Gálatas 4:8

Pä'äjimä̧, Dio-rü ku̧wo̧juä̧tu̧ku̧ juiyäimä̧, yapareäkuäwä isotü ttü̧ä̧nä̧wo̧tü̧rü̧ ukuotü kka̧kui̧nä̧tü̧jä̧.

Efesios 4:6

Dio'i̧nä̧ ji̧nä̧ ya̧tȩtä̧ ja̧'a̧, jua̧u̧mä̧ o'katoi'ünä̧ ttä'o ja̧'a̧, o'katoi'ünä̧tä̧ ttu̧wä̧mȩnä̧ wa̧, o'katoi'ünä̧rü̧ ppä'ädü ja̧'wa̧ta̧nü̧ o'katoi'ünä̧tä̧ kkü̧ ja̧'a̧.

1 Timoteo 1:17

¡'Kuäopünä̧tä̧ kkü̧ Ru̧wa̧rü̧, topäkuäwokü ya̧tȩtä̧ Dio-rü ukuotü tesewätukua! Amȩ́.

1 Timoteo 2:5

Ja̧'wa̧ta̧nü̧ Dio-ttü abonä̧nü̧ wa̧mä̧ toa'a, ya̧tȩtä̧ ja̧'a̧ ttü̧ja̧ Dio kkü̧ ttütodeunä̧ jȩpü̧mä̧: Jesucrito-tä ja̧'a̧

Judas 1:25

Chutä, Dio ya̧tȩrü̧tä̧, Jesucrito-nä̧ ujuturu surojüttü rä'epü ikuinü̧rü̧, eseäkuäu tiyätukua gloria pättü'i̧nä̧, Chutä ukuo jäwä'i̧nä̧, mo̧ro̧ kki̧ä̧mü̧nä̧. Amȩ́.