1 Corintios 8:12 - Nuevo Testamento Uwotjüja

¹² Ja̧'wa̧nü̧ jȩpü̧, tawaruwä ti̧jä̧wa̧tü̧ jiyupätü ttu̧wo̧juö̧ surojuo'epätüjä̧ ja̧'wa̧nü̧ jȩpü̧mä̧ Crito üjü'kokü jȩpä̧tü̧jä̧.

TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ ja̧'a̧ttö̧ cu̧jä̧hua̧tö̧ ji̧'qui̧cha̧nö̧ esetätö, ucuturu topö suronä jȩtto̧mȩnä̧, ucutu'inä Cristorö suronä jȩpä̧tö̧jä̧.

1 Corintios 8:12 ပူးပေါင်းရင်းမြစ်များ

San Mateo 18:10

Pitü ppo̧'ä̧tü̧ttü̧ ya̧tȩrü̧'i̧nä̧ kuju'kätukuoka'amä̧ jȩ'kuä̧'chä̧tu̧kuä̧; juätümä̧ mo̧ro̧jä̧ra̧'a̧ttü̧ A̧gȩrȩ-mä̧ tta̧'a̧rä̧tü̧ 'kuäopünä̧tä̧.

San Mateo 18:21

Ja̧'wa̧nü̧ ja̧'a̧ Peduru-mä̧, Jesú-ru jä'epü ä̧ju̧kui̧nü̧: —Chu̧ru̧wa̧, ¿cha̧wa̧ru̧wa̧ chi̧jä̧wa̧ ttürü suronä̧ jȩü̧ttü̧mä̧, tta̧'a̧nü̧ rü̧ȩnä̧ jo̧mȩnä̧ chesekuäkua'ajättü̧, jua̧u̧ru̧mä̧? ¿Kko̧ro̧mü̧ttü̧nü̧ todäre jo̧mȩnä̧tä̧?

San Mateo 18:6

Ja̧'wa̧nü̧ ja̧'a̧nä̧, pitü ppo̧'ä̧tü̧ttü̧ ttürü esetätürü, ya̧tȩrü̧ ma̧ä̧chü̧nä̧ jȩpü̧rü̧mä̧, molino pättäyu i̧nä̧yunä̧ u̧ru̧pä̧'kȩnä̧ ti̧'ä̧dü̧ rü̧ä̧ duboranä̧ täkuomȩku̧, ya'uteku do'opü ttiku'anü̧tä̧ wotü.

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

San Mateo 25:45

Ja̧'wa̧nü̧ pättomȩnä̧ chä̧dä̧tä̧kua̧sä̧: Isopäi'ünä̧ pä'üsä ukuturu, pitü ppo̧'ä̧tü̧ ja̧'a̧nä̧ ya̧tȩrü̧ ppäkuädätukuoka'a ji̧na̧'a̧mä̧, ttürü'i̧nä̧ ppä'ädokotü pinä̧tü̧jä̧.

San Marcos 9:42

Ya̧tȩ, pitü ppo̧'ä̧tü̧rü̧, ttürü esetätürü suronä̧ jȩä̧kuä̧wä̧nä̧ ma̧ttä̧chü̧nä̧ jȩpü̧rü̧mä̧, molino ido'kiku u̧ru̧pä̧'kȩnä̧ ti̧'ä̧dü̧, rü̧ä̧ duboranä̧ do'opü ttikuttütä adiu'anü̧ ja̧'a̧.

San Lucas 17:2

Ttü cho'ka'anä̧ ichätü ppo̧'ä̧tü̧ttü̧, ya̧tȩrü̧ Dio-rü esetä'ija'a ma̧ä̧chü̧nä̧ jȩpü̧rü̧mä̧, ya'utettü u̧ru̧pä̧'kȩnä̧, trigo kkäräwä ido'ki ti̧'ä̧dü̧, rü̧ä̧ duboranä̧ do'opü ttikuarü pä'ütä adiwa ja̧'a̧.

Romanos 14:20

Dio aditäwämä̧ surojuokuepätukuä ttu̧kuȩ jäwänä̧mä̧. O'kajuiyünä̧tä̧ ttu̧kuȩmä̧ surojü juiyü ja̧'a̧ttü̧; surojümä̧ ttu̧kuȩnä̧ Dio-rü a̧'kua̧ u̧wȩnä̧rü̧ttü̧ ya̧tȩrü̧ ma̧ä̧chü̧nä̧ jȩä̧kuä̧wä̧tä̧ ja̧'a̧.

1 Corintios 12:12

Ja̧'wa̧ta̧nü̧ ttü̧ja̧sa̧ ya̧tȩnä̧tä̧mä̧, rü̧ȩnä̧ todewa'a jua̧u̧ru̧ ppädümä̧: i'äre'i̧nä̧, ä'i̧nä̧, üjo'i̧nä̧, rü̧ȩnä̧, ttü̧ja̧sa̧mä̧ ya̧tȩtä̧ ja̧'a̧nä̧. Ja̧'wa̧nü̧ jü̧ta̧'a̧nü̧ o'katoi'ünä̧ ji̧nä̧ ji̧yȩtȩnä̧tä̧ todewa'a, Jesucrito-nä̧mä̧.