1 Corintios 8:1 - Nuevo Testamento Uwotjüja

¹ Ja̧'wa̧ta̧nü̧ ttu̧kuȩ, ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ tü'kümä̧, isopäi'ünä̧ o'katoi'ünä̧tä̧ wo̧juä̧tü̧jä̧. Ja̧'wa̧nü̧ ja̧'a̧nä̧, wo̧juä̧wä̧mä̧ ukuo tettäunä̧tä̧ juoepü, pärokua'aku eseäkuäwämä̧, äräbe'ü wȩnȩ ja̧'a̧.

TÄ̧DO Ä̧CUÄ̧ I̧HUȨNȨ

¹ Jitämä ji'äusä koro huȩnȩ, cuäcuähuä ttucuäcua'a ä'canä, ttu̧mö̧nä̧ adicuä juäi ttä'ca ttucuocu huȩnȩ. Ja̧u̧ juäi huȩnȩ amöcuädö, o'ca toi'önä pä'ätöjä ttö ja̧u̧ juäi rö̧ȩnä̧ huo̧jua̧sä̧ pä'ö. Ja̧'hua̧nö̧ pätomenä, iso päi'önä adiu ppädoca'a ujuturu. Ji̧yȩä̧cuȩtä̧ tahuaruhuärö repeähuätä adiu ppäda'a ujuturu.

1 Corintios 8:1 ပူးပေါင်းရင်းမြစ်များ

Hechos 15:10

Ja̧'wa̧nü̧ ja̧'a̧ttü̧mä̧ ¿ukutumä̧ tta̧'a̧nü̧ pä'ü, Dio jȩü̧mä̧ to'ija̧'a̧ku̧ kuamükuädätukua'ajä̧ttü̧, pitü Jesucrito-rü esetätürü, ujutu'i̧nä̧, tü̧tä̧mü̧ mi̧nä̧'i̧nä̧, jȩttü̧ juiyünä̧ ji̧nü̧ kä'epü wȩnü̧mä̧?

Hechos 15:29

Ttü̧ä̧nä̧wa̧ dio-tü̧rü̧ ukuoku jȩttü̧ kuäkuäwätä ja̧'wa̧ta̧nü̧ isotü ttukuoja kuäkuäwätä, nu̧'ä̧wo̧tü̧rü̧ kuäkuäwätä, ttȩmo̧ka̧'a̧nä̧ nä̧tü̧rü̧ kkä̧'chä̧kuä̧wä̧tä̧, jȩ'kuä̧tu̧kua̧mä̧ pä'okotüjä̧. ¡Adiutä 'kuä'opätukui!

Hechos 21:25

Ja̧'wa̧ta̧nü̧ judío pokotü Jesucrito-rü esetätürü'i̧nä̧, tamükuädäji wȩyu̧tu̧ we'ü ikuinä̧tü̧jä̧: Suro, ttü̧ä̧nä̧wo̧tü̧rü̧ iyü ttukuokutä, isotü ttukuojatä, nu̧'ä̧wo̧tü̧rü̧tä̧ ja̧'wa̧ta̧nü̧ ttü'käwokokuarü kkä̧'chä̧kuä̧wuö̧ jȩttü̧ juiya pä'ütä.

Romanos 11:25

Chawaruwä chü̧jä̧wa̧tü̧ pi̧yȩ Dio ttieruwuönä̧ amükuädinü̧mä̧ kuieruwätukuamä̧ pä'oküsä, kua̧mü̧nä̧ pa̧ja̧tü̧ ukuotekuäwätuku juiyäkua'anü̧. Judío yotukunä̧mä̧ rü̧ȩnä̧ tta̧mi̧ 'ki'ächächinü̧'kotü Jesucrito-rü tteseta pä'okotü; ja̧'wa̧nü̧ ja̧'a̧nä̧ iweye ja̧'wa̧ta̧nü̧tä̧ ttäkuotü judío pokotü i̧tti̧mü̧ pätti'omȩbü päi'ünä̧;

Romanos 12:16

Ji̧nä̧ ji̧yȩtȩnä̧tä̧ amükuädü, rȩrü̧jü̧ topäkuäwätukui suronä̧ 'kuäopomȩnä̧. Ku̧ra̧wä̧rä̧tu̧kuo̧ka̧'a̧, esekuäkuäu kka̧kuä̧tu̧kui̧. Ttümä̧ wo̧jua̧sä̧ päkuä'chätukuoka'a.

Romanos 14:10

Ja̧'wa̧nü̧ ja̧'a̧mä̧, ¿Tta̧'a̧nü̧ pä'ü, ukumä̧ kua̧wa̧ru̧wa̧ kui̧jä̧wa̧rü̧ ja̧'wa̧nü̧ wa̧jä̧, jü̧nä̧ pätetü päkua'ajä̧ttü̧? ja̧'wa̧ta̧nü̧ ¿tta̧'a̧nü̧ pä'ü kuju'koka'a to'kuäkujä̧ttü̧? ujutumä̧ o'katoi'ünä̧tä̧ Crito ä'ka jo̧mȩ ti̧'chi̧'ä̧kuo̧tü̧jä̧, jua̧u̧tä̧tä̧ jȩpü̧ tü̧ja̧kui̧nü̧ päatü pä'ümä̧.

Romanos 14:14

Ja̧'wa̧ta̧nü̧ wo̧jua̧sä̧ Chu̧ru̧wa̧ Jesucrito-nä̧tä̧ tu̧kuȩ ji̧yȩnä̧tä̧mä̧ surojümä̧ juiya'a pä'ü. Ja̧'wa̧nü̧ ja̧'a̧nä̧, ya̧tȩ pi̧yȩmä̧ surojü pä'ü amükuädüttümä̧, iweye churutämä̧ surojü ja̧'a̧.

Romanos 14:19

Ja̧'wa̧nü̧ ja̧'a̧ttü̧, wȩnȩ juiyünä̧ kkä̧kuä̧wä̧nä̧tä̧ jȩpü̧ ti̧'chä̧tu̧kua̧ ja̧'wa̧ta̧nü̧ ujutu tä̧rä̧mü̧nä̧ ppädünä̧tä̧.

Romanos 14:22

¿Kua̧'kua̧ wȩnä̧rü̧jä̧? ukutätä kua̧'kua̧ wȩnä̧ri̧ Dio ä'ka jo̧mȩttü̧. ¡Eseäkuäwä po̧kui̧pä̧tü̧ surojü juiyünä̧ jȩpä̧tü̧mä̧; jȩtto̧mȩnä̧mä̧ surojoko̧u̧!

Romanos 14:3

O'kajuiyünä̧ u̧kuȩ kumä̧, kuokürümä̧ suronä̧ kukuokuä; ja̧'wa̧nü̧ jü̧ta̧'a̧nü̧ pättiyu o̧'tȩtä̧ ku'i̧nä̧ o'kajuiyünä̧ kurumä̧ suronä̧ kukuokuä; Dio-mä̧ o'katoi'ünä̧rü̧ ȩmi̧nä̧u̧jä̧.

Romanos 15:14

Chawaruwä chü̧jä̧wa̧tü̧ ukuturumä̧ isopäi'ünä̧ wo̧jua̧sä̧ adiwä juei jȩ'kuä̧tu̧ku̧'i̧nä̧, jo̧mȩnü̧ ku̧wo̧juä̧tu̧ku̧'i̧nä̧, jü̧nä̧. Ja̧'wa̧ta̧nü̧ isopäi'ünä̧ ji'äkuä̧wä̧rü̧ kka̧kuä̧tü̧jä̧.

1 Corintios 1:5

Isopäi'ünä̧ epíritu jäwä ru̧kuä̧chä̧tu̧ku̧nä̧, Dio-mä̧ jua̧u̧nä̧tä̧ iyinä̧u̧jä̧ jo̧mȩnü̧ kukuokuätukua pä'ü'i̧nä̧, ku̧wo̧juä̧tu̧kua̧ pä'ü'i̧nä̧, jü̧nä̧.

1 Corintios 10:15

Ukuturu wo̧juȩku̧nä̧ amükuädätürü ukuokusä: Pi̧yȩ pädü, adiwomȩnä̧ ukututä amükuädü topätukui.

1 Corintios 10:28

Ja̧'wa̧nü̧ ja̧'a̧nä̧ ya̧tȩ, ukuturu: «Pi̧yȩ idepämä̧ sacrificio pättü jȩttä̧jí̧» päüttümä̧; jua̧u̧nu̧mä̧ kukuätukuä, jua̧u̧ ji'äu ikuomȩttü̧ ja̧'wa̧ta̧nü̧ kkoro kuamükuädätuku juiyäkua'anü̧.

1 Corintios 14:20

Chawaruwä chi̧jä̧wa̧tü̧, ppo̧'ä̧tü̧ jä̧'i̧nü̧'a̧nü̧ amükuädätukui surojünä̧mä̧; ja̧'wa̧nü̧ ja̧'a̧nä̧ kuamükuädätukunä̧mä̧ tä̧mü̧ 'kua̧rü̧nä̧ amükuädätukui.

1 Corintios 15:34

Porächätukui, suronä̧ jȩ'kuä̧'i̧jä̧tu̧ku̧ käkuädächätukua pä'ü rekuä rü̧ja̧'a̧; ukututtü yotüte Dio-rü jerupätü kka̧kuä̧tü̧ pätta'a ä̧ju̧ku̧sä̧, dä'ä ttukuätukunä̧ pädäu̧jä̧.

1 Corintios 4:10

Ujutumä̧, Crito jäwänä̧, amükuädokotü ttü̧ja̧ 'kua̧rü̧nä̧ wotüjä̧; ja̧'wa̧nü̧ ja̧'a̧nä̧ ukutumä̧, Crito re ü̧ji̧na̧'a̧ttü̧, rü̧ȩnä̧ amükuädäkuäwä kku̧nä̧rä̧tü̧ 'kua̧rü̧nä̧ wotüjä̧; Ujutumä̧ tijuiyuwa'anä̧, ukutumä̧ kujuru kku̧nä̧rä̧tü̧jä̧; Ujutumä̧ ttüjü'koko̧u̧ ta'anä̧, ukutumä̧ ukuo isotü jü̧nä̧ ttukuotäu̧jä̧.

1 Corintios 4:18

Ukututtü yotukunä̧mä̧, täkü topü ichokü pä'ü pä̧wä̧rü̧ja̧'a̧ku̧ kka̧kuä̧tü̧;

1 Corintios 4:6

Chawaruwä chi̧jä̧wa̧tü̧, pi̧yȩ ukuturu ukuokuäjisä, ujututä wȩnȩku̧, ttütä chütü'kü'i̧nä̧ ja̧'wa̧ta̧nü̧ Aporo ütü'kü'i̧nä̧, jü̧nä̧ ukuturu repeta'attü̧. Kkorojuei päkuätukuomȩnä̧, wȩyu̧kuä̧ wȩnȩ päomȩttü̧'i̧nä̧ abonä̧nü̧ päkuätuku juiya pä'ü, ya̧tȩ Dio i̧wȩnȩ jiäkuäwä i̧sa̧mä̧, kkorotüttü'i̧nä̧ u̧wä̧mȩnä̧ wa̧sä̧ pä'ü amükuädäkuäu juiya pä'ü.

1 Corintios 5:2

Ja̧'wa̧ta̧nü̧ ¡ukutumä̧ ukuo te'äkuäwätüjä̧! Ja̧'wa̧nü̧ jo̧mȩnä̧ tta̧'kua̧ tta̧'ȩku̧, jua̧u̧ jȩpü̧rü̧ ukututtü rä'epü ttikuaju jueimä̧.

1 Corintios 5:6

Pi̧yȩ jäwänä̧ ukuo te'äu kueseäkuäwätukua pä'ümä̧ jui'ätüjä̧. ¿Ukutumä̧ jerupätüjä̧ tä̧jí̧?: ¿«Levadura-mä̧ a̧'u̧ku̧nä̧tä̧ ja̧'a̧nä̧'i̧nä̧ isäwa ppü̧ä̧mi̧'ü̧nä̧ jü̧ pä'ümä̧»?

1 Corintios 8:2

Isopäi'ünä̧tä̧, ya̧tȩ rü̧ȩnä̧ wo̧jua̧sä̧ pä'ü amükuädüttümä̧, isopäi'ünä̧mä̧ jȩru̧pa̧ ja̧'a̧.

1 Corintios 8:4

Ja̧'wa̧nü̧ ja̧'a̧ttü̧, ttu̧kuȩ ttü̧ä̧nä̧wo̧tü̧ tti̧mi̧nä̧ ukuokuä'chü jȩttü̧ tü'kümä̧, jua̧u̧mä̧ pi̧jä̧ttü̧mä̧ mikuäwokü pä'ü wo̧juä̧tü̧jä̧, Dio-mä̧ ya̧tȩtä̧ ja̧'a̧ pä'ü tu̧wo̧jua̧'a̧ttü̧.

1 Corintios 8:7

Ja̧'wa̧nü̧ ja̧'a̧nä̧ pi̧yȩ wȩnȩmä̧ o'katoi'ünä̧mä̧ wo̧juo̧ko̧tü̧. Yotukunä̧mä̧, weye juo'inü̧'kotü ttü̧ä̧nä̧wo̧tü̧rü̧ ukuokuäkuäwa'a idepä kuätü; ja̧'wa̧ta̧nü̧ tta̧mü̧kuädüttü, jo̧mȩnü̧ ttoka'amä̧, jitütä surojuo'ekuätü.

Efesios 4:16

Crito-tä ja̧'a̧, igresia isotü yotukunä̧rü̧ ka̧ka̧tü̧mä̧, ttaditäwä jü̧'a̧kuä̧, ja̧'wa̧nü̧ jȩa̧'a̧ttü̧ yo̧mȩtȩnä̧ ttaditünä̧ jȩpü̧ jua̧u̧mä̧, igresia isotü yaboku eseäkuäu kkä̧nü̧ ttä̧rä̧mü̧nä̧.

Colosenses 2:18

Ja̧'wa̧nü̧ ja̧'a̧ttü̧ adiwä juei kuȩmä̧tu̧kuä̧kuȩ, kuȩmä̧tu̧ku̧ juiyünä̧ jȩtta̧'a̧nä̧ ja̧'a̧tä̧ to'kuätukuä, juätü á̧gȩrȩ-tü̧rü̧ esetü, adiu esetätü 'kua̧rü̧nä̧ jȩpä̧tü̧rü̧mä̧. Visión pättü topätüjä̧ pä'ü ukuo te'äutä suronä̧ jȩpä̧tü̧rü̧mä̧.

Apocalipsis 2:14

Ja̧'wa̧nü̧ ja̧'a̧nä̧, ji̧yȩtȩ kkorojuei a̧'u̧ku̧nä̧ jȩpü̧jä̧, ttü chüjü'kokü jäwä: Balac jȩpü̧ ü̧ji̧nü̧ jȩpä̧tü̧rü̧ kku̧nä̧rü̧jä̧, jua̧u̧mä̧ wo̧juȩti̧nü̧ Barac-rümä̧, Irae ttü̧ja̧rü̧ ma̧ttä̧chü̧nä̧ jȩa̧ pä'ü. Ja̧'wa̧nü̧ jȩpü̧mä̧ ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ ttukunä̧'i̧nä̧, nä̧tü̧ku̧ jȩttä̧'chä̧kuä̧u̧nä̧'i̧nä̧ we'inü̧.

Apocalipsis 2:20

Ja̧'wa̧nü̧ ja̧'a̧nä̧, ukuru chüjü'kokü ji̧yȩtȩ a̧'u̧ku̧nä̧ kku̧nä̧rü̧sä̧: Juäju profeta isajusä pä'äkuäwäju Jezabe-rü, chu̧wo̧juȩtä̧u̧rü yaparetü nä̧tü̧rü̧'i̧nä̧, u̧mä̧tü̧rü̧'i̧nä̧ jȩttä̧'chü̧nä̧ jȩpü̧ kkä̧nü̧'i̧nä̧, ttü̧ä̧nä̧wo̧tü̧rü̧ sacrificio pättü ukuoku jȩä̧kuä̧wä̧'i̧nä̧ ttukunä̧ jȩpä̧'chä̧ju̧ru̧ ja̧'a̧tä̧ to'kuomȩnä̧.