1 Corintios 7:21 - Nuevo Testamento Uwotjüja

²¹ ¿Esclavo pättäku jü̧nä̧ ku̧ja̧'a̧ woinü̧ttü̧mä̧? kua̧'kua̧ tta̧kuȩkuä̧; ja̧'wa̧nü̧ ja̧'a̧nä̧, jua̧u̧ttü̧ räkuopächü'anü̧ jü̧ttü̧mä̧, kusu'anü̧ ja̧'a̧.

TÄ̧DO Ä̧CUÄ̧ I̧HUȨNȨ

²¹ Dios ucuru huomenä, ¿ka̧ra̧ u̧mö̧huä̧ya̧ i̧sa̧ päi'önä micuä juiyönä aditinöjä tä̧ji̧? Juhua'acumä huäinä ja̧'a̧. Koronö päi'omenä, ja̧u̧ru̧ räcuhuopächa pä'ö jö̧ttö̧mä̧, huäinä ja̧u̧ru̧ jaropi'ö räcuhuopächaja.

1 Corintios 7:21 ပူးပေါင်းရင်းမြစ်များ

San Lucas 12:29

Ja̧'wa̧nü̧ ja̧'a̧ttü̧, kua̧'kua̧ tta̧kuȩkuä̧tu̧kuä̧, däjé tukuäkua'ajó ja̧'wa̧ta̧nü̧ däjé tawäkua'ajó pä'ü, kua̧'kua̧ ro'ekumä̧.

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.

1 Corintios 12:13

Ujututtümä̧ judío'i̧nä̧, judío pokotü'i̧nä̧, Grecia ttü̧ja̧'i̧nä̧, esclavo jü̧nä̧ ttumüwäyotü'i̧nä̧, esclavo jü̧nä̧ ttu̧wo̧juȩtä̧u̧ pokotü'i̧nä̧ ji̧nä̧ yotütetä päti'ünä̧, Epíritu-nä̧ bautizo jȩpä̧kuä̧wi̧nä̧tü̧jä̧, ji̧yȩtȩ igresia päti'ünä̧, ji̧nä̧ yotüte wotütä, ji̧nä̧ ya̧tȩ Epíritu Sa̧tu̧rü̧ iyinä̧u̧jä̧ Dio-mä̧.

1 Corintios 7:20

Yotukunä̧, Dio woinü̧ ku̧ja̧kui̧nä̧tu̧ku̧'a̧kuä̧, kka̧kuä̧tu̧kui̧.

1 Corintios 7:22

Isopäi'ünä̧, esclavo jü̧nä̧ ttu̧mü̧wä̧ya̧ wa̧rü̧ Tu̧ru̧wa̧ woinä̧ku̧ jü̧ttü̧mä̧, Tu̧ru̧wa̧tä̧ rä'epü ikuinä̧ku̧ ja̧'a̧; ja̧'wa̧nü̧ jü̧ta̧'a̧nü̧, u̧ru̧wa̧ to̧'a̧ esclavo pättäku wokürü woinä̧ku̧ jü̧ttü̧mä̧, jitämä̧ Crito-tä ja̧'a̧ esclavo jü̧nä̧ u̧ru̧wa̧mä̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

Filipenses 4:11

Jua'amä̧ rekuä rü̧jä̧ku̧mä̧ pädokü, eseu weyejuodina̧'a̧ttü̧ pä'üsä juidomȩnä̧'i̧nä̧, chu̧ju̧nä̧ro̧mȩnä̧'i̧nä̧, jü̧nä̧.

Filipenses 4:6

Kkorojueinä̧mä̧ kua̧'kua̧ rokuekuätukuä, ja̧'wa̧nü̧ ja̧jü̧ jueimä̧, ukuturu rekuä rü̧jü̧mä̧ Dio u̧wo̧juö̧nä̧tä̧ ji'äwätukuirü; churutä esewuönü̧.

Colosenses 3:11

Ja̧'wa̧nü̧ ja̧'a̧ttü̧, judío i̧sa̧ ja̧ pä'ü'i̧nä̧, Grecia i̧sa̧ ja̧ pä'ü'i̧nä̧, circuncisión jȩpä̧kuä̧wa̧ ja̧ pä'ü'i̧nä̧, circuncisión jȩpä̧kuä̧wo̧kü̧ ja̧ pä'ü'i̧nä̧, esclavo pättäku ja̧ pä'ü'i̧nä̧, esclavo pättäku wokü ja̧ pä'ü'i̧nä̧ Crito-nä̧mä̧ o'kajuiyünä̧ jo̧mȩnü̧ wotüjä̧, o'kajuiyünä̧tä̧ ü̧ja̧'a̧ttü̧.

Hebreos 13:5

Pärätänä̧mä̧, juiyomä̧ kua̧'kua̧ rokuekuätukuä; ku̧ju̧nä̧rä̧tu̧ku̧tä̧ esewätukui, Dio-mä̧ pä'inü̧: «usurä kuȩmä̧u̧nä̧mä̧ chikuipokoku jä̧kua̧jä̧»;

1 Pedro 5:7

O'kajuiyünä̧ kua̧'kua̧ rokuekuätukumä̧ Dio-rütä iyätukui, jua'amä̧ ukuturu tta̧wä̧ra̧'a̧ttü̧.