1 Corintios 7:19 - Nuevo Testamento Uwotjüja

¹⁹ Isopäi'ünä̧ ji̧nä̧so ji̧yȩtä̧ ukuo kkü̧mä̧ Dio weinü̧ wȩnȩtä̧ ja̧'a̧ ja̧'wa̧ta̧nü̧ circuncisión jȩä̧kuä̧wä̧'i̧nä̧, jȩä̧kuä̧wo̧kü̧'i̧nä̧ iso jäwämä̧kü̧ ja̧'a̧.

TÄ̧DO Ä̧CUÄ̧ I̧HUȨNȨ

¹⁹ Ja̧u̧ juäimä, circuncisión jȩä̧cuä̧huä̧mä̧, adiunä micuähuocö. Ji̧yȩä̧cuȩtä̧ Diosrö pä̧huä̧ rö̧jo̧mȩnä̧ jȩä̧cuä̧huä̧tä̧, adiu micuähua'a.

1 Corintios 7:19 ပူးပေါင်းရင်းမြစ်များ

Gálatas 6:15

Isopäi'ünä̧ circuncisión jȩtta̧ja̧ pä'ü'i̧nä̧, jȩttü̧ juiyaja pä'ü'i̧nä̧ mikuäwoka'a; ji̧nä̧somä̧ pärokuänä̧ ttuwäpächütä ja̧'a̧ mikuäumä̧.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

Apocalipsis 22:14

Eseäkuäwä kka̧'a̧ kkä̧kuä̧wä̧ dauttü ttukua pä'ü ja̧'wa̧ta̧nü̧ ütawiyä äpatenä̧ dodetta pä'ü ttü̧'ka̧tä̧wä̧ti̧yu̧ tükätürümä̧.

Colosenses 3:11

Ja̧'wa̧nü̧ ja̧'a̧ttü̧, judío i̧sa̧ ja̧ pä'ü'i̧nä̧, Grecia i̧sa̧ ja̧ pä'ü'i̧nä̧, circuncisión jȩpä̧kuä̧wa̧ ja̧ pä'ü'i̧nä̧, circuncisión jȩpä̧kuä̧wo̧kü̧ ja̧ pä'ü'i̧nä̧, esclavo pättäku ja̧ pä'ü'i̧nä̧, esclavo pättäku wokü ja̧ pä'ü'i̧nä̧ Crito-nä̧mä̧ o'kajuiyünä̧ jo̧mȩnü̧ wotüjä̧, o'kajuiyünä̧tä̧ ü̧ja̧'a̧ttü̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

1 Corintios 8:8

Ja̧'wa̧nü̧ ja̧'a̧ttü̧, tu̧kuȩ tukú jäwättümä̧ Dio-mä̧ ȩmo̧ko̧ujä̧; tu̧kuȩ tukuajá pä'ü'i̧nä̧ adiwämä̧ isotü pokotüjä̧, tukú juiyajá pä'ü'i̧nä̧ suropokotüjä̧.

Romanos 3:30

Isopäi'ünä̧ Dio-mä̧ ya̧tȩtä̧ ja̧'a̧ttü̧, o'katoi'ünä̧ circuncisión pättü juei jȩpi̧nä̧tü̧rü̧'i̧nä̧, circuncisión jȩpo̧ko̧tü̧rü̧'i̧nä̧ tta̧'kua̧ ttu̧wȩnä̧rü̧nä̧tä̧ adiwä juei isotü päi'ünä̧ ȩmi̧nä̧u̧jä̧.

San Juan 15:14

Ukutumä̧ ttü chawaruwä kuäkuotüjä̧, ttü wedü wȩnȩ jȩ'kuä̧tu̧ku̧ttü̧tä̧.

San Mateo 5:19

Ja̧'wa̧nü̧ ja̧'a̧ttü̧, ji̧yȩtȩ weäwä wȩnȩttü̧ ppo̧ü̧ ja̧ pä'ü'i̧nä̧ ukuotokümä̧, jua̧u̧ pä'aku ttukuotünä̧ wo̧juȩto̧kü̧mä̧, mo̧ro̧jä̧ jäwä weomȩttü̧mä̧ a̧'u̧kua̧ jü̧nä̧ pä̧wi̧'ä̧kua̧. Ja̧'wa̧nü̧ ja̧'a̧nä̧ jua̧u̧ wȩnȩ jȩpü̧ kkä̧nü̧ wo̧juȩtü̧ru̧mä̧, mo̧ro̧jä̧ jäwä weomȩttü̧mä̧ ttu̧wä̧mȩnä̧ wa̧ pä̧ttä̧kua̧.