1 Corintios 7:10 - Nuevo Testamento Uwotjüja

¹⁰ Ja̧'wa̧nü̧ ja̧'a̧nä̧ ttirekuorü ȩmä̧wi̧nä̧tü̧rü̧mä̧, Tu̧ru̧wa̧mä̧ we'ü, ttümä̧ wedokü: Kkirekuorümä̧ jaroji'a pä'ümä̧ juiya'a, pä'ü.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧ta̧nö̧ ttirecuorö ku̧nä̧rä̧tö̧rö̧ hue'ösä, isaju kirecuorö yoröiso jaroji'ö juiya pä'ö. Ttömä ja̧'hua̧nö̧ hue'ocösä. Tu̧ru̧hua̧ ji̧nä̧ isocu hue'ö ja̧'hua̧nö̧mä̧.

1 Corintios 7:10 ပူးပေါင်းရင်းမြစ်များ

San Mateo 5:32

Ja̧'wa̧nü̧ ja̧'a̧nä̧ ttümä̧ ukuturu pä'üsä: Ya̧tȩ irekuarü, kka̧ra̧ku̧mä̧ jȩjo̧ka̧'a̧nä̧ divorcio pättü jȩpü̧ jaroi'üttümä̧, irekuarü adulterio pättünä̧ kka̧ra̧ku̧ suronä̧ jȩja̧ pä'ü jȩpü̧. Ja̧'wa̧nü̧ ja̧'a̧ttü̧ jaroi'äkuarü ȩmü̧mä̧, adulterio pättünä̧ irekua pokojuru kkü̧.

San Marcos 10:2

Ja̧'wa̧nü̧ u̧wo̧juȩta̧'a̧, fariseo wotüttü yotüte, Jesú ü̧ja̧'a̧ku̧ 'chä̧wi̧'ü̧, ji̧nä̧ ttiweyettü, jä'epü ttä̧ju̧kui̧nä̧ku̧. ¿Ya̧tȩ irekuarümä̧ jaroi'ü'anü ja̧'a̧ tä̧jí̧? pä'ü.

San Lucas 16:18

Ya̧tȩ irekuarü jaropi'ü, kkarajuru ȩmü̧ kkü̧mä̧, adulterio pättünä̧ kkü̧. Ja̧'wa̧ta̧nü̧ kkirekuo jaroi'äkuarü ȩmü̧ kkü̧'i̧nä̧, adulterio pättünä̧ kkü̧.

1 Corintios 7:11

Ja̧'wa̧nü̧ ja̧'a̧nä̧, kkirekuorü jaropi'äjumä̧, kka̧ra̧rü̧mä̧ kuȩmo̧ka̧'a̧tä̧ kkä̧wi̧ ja̧'wa̧nü̧ jo̧ka̧'a̧ jü̧ttü̧mä̧ pä'äjita'anü̧ kuirekuoku eseku iku kkä̧wi̧; ja̧'wa̧ta̧nü̧ ubo'i̧nä̧ kuirekuarümä̧ jaro'kui'ä.

1 Corintios 7:12

Ja̧'wa̧ta̧nü̧ kkorotürü pä'üsä, ttütätä, Chu̧ru̧wa̧mä̧ päokü ja̧'a̧nä̧: Ya̧tȩ ta̧wa̧ru̧wa̧ ti̧jä̧wa̧ Dio-rü esetokojuru irekua ü̧ja̧'a̧, juäju repe'ü kkü̧jü̧ttü̧mä̧, juäjurumä̧ jaro'kui'ä.

1 Corintios 7:15

Ja̧'wa̧nü̧ ja̧'a̧nä̧, ubo ja̧ pä'ü'i̧nä̧, isaju ja̧ pä'ü'i̧nä̧, Dio-rü esetokü ja̧'a̧ jaroi'a, päjüttümä̧, jaropi'i. Ta̧wa̧ru̧wa̧ ti̧jä̧wa̧ jü̧ttü̧'i̧nä̧, tijäwaju jü̧ttü̧'i̧nä̧ jua̧u̧ttü̧ rä'opächätü. Isopäi'ünä̧ Dio-mä̧ wȩnȩ juiyünä̧ tü̧ja̧ pä'ü woinä̧u̧jä̧, jua̧u̧ surojü kkȩdä̧ra̧tü̧ pä'ümä̧ wooko̧u̧ pinä̧tü̧jä̧.

1 Corintios 7:25

Jitü, nä̧tü̧ Tti̧rȩkua̧mü̧ku̧ ü'käwokotü ttütü'kü, Tu̧ru̧wa̧ weinü̧mä̧ jui̧'a̧sä̧; ja̧'wa̧nü̧ ja̧'a̧nä̧ ttü päda'aku pä'üsä, Tu̧ru̧wa̧ rȩrü̧jü̧ toinü̧nä̧ chü̧ja̧'a̧ttü̧, jua̧u̧nä̧tä̧ yaboku 'chä̧nü̧ kkä̧nü̧.

1 Corintios 7:40

Ja̧'wa̧nü̧ ja̧'a̧nä̧, ttü pädümä̧, rü̧ȩnä̧ eseu kkü̧jä̧kua̧ju̧ kkȩmo̧ka̧'a̧ to'aju kkü̧ji̧pü̧ttü̧tä̧, pä'üsä; Ttü'i̧nä̧ Dio i̧sa̧ Epíritu-ru kku̧nä̧rü̧sä̧ pä'ü, amükuädüsä.

1 Corintios 7:6

Ja̧'wa̧nü̧ ja̧'a̧nä̧, pi̧yȩ o'kajuiyünä̧ pädümä̧ ro̧'ȩpü̧tä̧ pädäu̧jä̧, weäwä wȩnȩ jä̧'i̧jü̧'a̧nü̧mä̧kü̧tä̧.