1 Corintios 6:5 - Nuevo Testamento Uwotjüja

⁵ Pi̧yȩmä̧ dä'ä ttukuätukua pä'ü pädäu̧jä̧: ¿Ukutu Dio-rü esetinä̧tü̧ttü̧mä̧ juiyo ya̧tȩ'i̧nä̧ toa'a tä̧jí̧, wȩnȩ jo̧mȩnä̧ wo̧juȩku̧nä̧ wȩnȩ aditü ikumä̧?

TÄ̧DO Ä̧CUÄ̧ I̧HUȨNȨ

⁵ Pi̧yȩmä̧ ji'äusä ucutu cudäpecuätucua pä'ö. Ucutu cu̧jä̧hua̧tö̧cu̧ curohuähuätucuomenä, ucututtu adiu pä'ömä ¿ya̧tȩ'i̧nä̧ yoröiso toa'a tä̧ji̧?

1 Corintios 6:5 ပူးပေါင်းရင်းမြစ်များ

Hechos 1:15

Ja̧'wa̧nü̧ ttü̧'ȩjü̧ mo̧ro̧, ciento veinte-nü̧ jo̧mȩnä̧ ji̧yȩtȩnä̧ wotü ka̧ka̧kuä̧jä̧tü̧rü̧ Peduru-mä̧ ä̧rä̧mi̧'ü̧ pä'inü̧:

Hechos 9:13

Pä'ü weäku Ananía-mä̧ pä'inü̧: Chu̧ru̧wa̧, päkuäku ütü'kümä̧ rü̧ȩnä̧ ä̧ju̧kuä̧'i̧jü̧sä̧ ja̧'wa̧ta̧nü̧ Jerusarȩ́-ttü̧ uku kuȩmi̧nä̧u̧ru̧ suronä̧ jȩa̧'a̧'i̧nä̧ ä̧ju̧kuä̧'i̧jü̧sä̧;

1 Corintios 11:14

Ä̧tȩkuä̧nä̧tä̧ päi'ünä̧, uborümä̧ adiu uwäwoka'a uwo'che otoächa'anä̧ u̧wȩnä̧ro̧mȩnä̧mä̧;

1 Corintios 15:34

Porächätukui, suronä̧ jȩ'kuä̧'i̧jä̧tu̧ku̧ käkuädächätukua pä'ü rekuä rü̧ja̧'a̧; ukututtü yotüte Dio-rü jerupätü kka̧kuä̧tü̧ pätta'a ä̧ju̧ku̧sä̧, dä'ä ttukuätukunä̧ pädäu̧jä̧.

1 Corintios 3:18

Kua̧mü̧nä̧ pa̧ja̧tü̧mä̧ kuyapareäkuäwätukuä: pi̧jä̧nä̧ttü̧ ya̧tȩ wo̧juä̧wä̧ wȩnȩ u̧ju̧nä̧rü̧ttü̧mä̧, wo̧juo̧kü̧ 'kua̧rü̧nä̧ kkä̧wi̧, isopäi'ünä̧ wo̧juä̧wä̧ wȩnȩ ku̧ju̧nä̧rä̧kua̧'a̧nü̧.

1 Corintios 4:10

Ujutumä̧, Crito jäwänä̧, amükuädokotü ttü̧ja̧ 'kua̧rü̧nä̧ wotüjä̧; ja̧'wa̧nü̧ ja̧'a̧nä̧ ukutumä̧, Crito re ü̧ji̧na̧'a̧ttü̧, rü̧ȩnä̧ amükuädäkuäwä kku̧nä̧rä̧tü̧ 'kua̧rü̧nä̧ wotüjä̧; Ujutumä̧ tijuiyuwa'anä̧, ukutumä̧ kujuru kku̧nä̧rä̧tü̧jä̧; Ujutumä̧ ttüjü'koko̧u̧ ta'anä̧, ukutumä̧ ukuo isotü jü̧nä̧ ttukuotäu̧jä̧.

1 Corintios 4:14

Pi̧yȩmä̧, ukuturumä̧ dä'ä ttu'epumä̧ wȩyu̧to̧kü̧sä̧ ja̧'wa̧nü̧ ja̧jü̧jueimä̧ rettü, ro̧'ȩpü̧ wȩdä̧u̧jä̧, chi̧tti̧mü̧ 'kua̧rü̧nä̧.

1 Corintios 6:1

Ukututtü ya̧tȩ kka̧ra̧ igresia i̧sa̧ku̧ wȩnȩ ku̧ju̧nä̧rä̧tu̧kuo̧mȩnä̧mä̧, pi̧jä̧nä̧ttü̧ juez pättäkurumä̧ aditü ikuätukuaku pä'ümä̧ kusätuku juiyü'anü̧ ja̧'a̧. Ja̧'wa̧nü̧ jo̧ka̧'a̧ igresia i̧sa̧ juez-rü usätukui.

1 Corintios 6:4

Ja̧'wa̧nü̧ ja̧'a̧ttü̧, pi̧jä̧nä̧ttü̧ wȩnȩ ku̧ju̧nä̧rä̧tu̧kuo̧mȩnä̧mä̧ ¿tta̧'a̧nü̧ pä'ü igresia-ttü tta̧'kua̧ ttu̧wȩnä̧ro̧ko̧u̧ru̧ wȩnȩ aditü ttikua pä'ü kusätukua'ajä̧ttü̧?

Santiago 1:5

Ja̧'wa̧ta̧nü̧ ukututtü ya̧tȩ wo̧juä̧wä̧ wȩnȩ juiüttümä̧, Dio-rü jä'epätukui, jua̧u̧tä̧ ja̧'a̧ o'katoi'ünä̧rü̧ rü̧ä̧nä̧ iyümä̧; ja̧'wa̧ta̧nü̧ yawokuoka'atä iyü.