1 Corintios 5:10 - Nuevo Testamento Uwotjüja

¹⁰ Ja̧'wa̧nü̧ pädäjimä̧, o'katoi'ünä̧ pi̧jä̧nä̧ttü̧ ttirekua pokajuku jepä̧'chä̧tü̧ttü'i̧nä̧, ruwotü juotta pä'ätüttü'i̧nä̧, nä̧u̧kuä̧rä̧tü̧ttü̧'i̧nä̧, ttü̧ä̧nä̧wo̧tü̧rü̧ kku̧nä̧rä̧'chä̧tü̧ttü̧'i̧nä̧ jo̧mȩnü̧ räkuächätukua pä'ümä̧ pä'okü pinü̧sä̧; ja̧'wa̧nü̧ jü̧ttü̧mä̧ pi̧jä̧ttü̧ räkuopächätukua pä'ütä ja̧'a̧.

TÄ̧DO Ä̧CUÄ̧ I̧HUȨNȨ

¹⁰ O'ca toi'önä pi̧jä̧nä̧ ka̧cuä̧tö̧cu̧ ka̧ra̧ irecuarö usucu'inä, korotö ttu̧ju̧nä̧rö̧ ta'anö ttu̧ju̧nä̧ra̧ pä'ätöcu'inä, nä̧u̧cuä̧rä̧tö̧cu̧'i̧nä̧, pi̧jä̧ ttu̧mö̧nä̧ adicuä esetätöcu'inä cuecuhuächätucuä' pä'ocösä. Ja̧'hua̧nö̧ jȩpä̧tö̧cu̧ cuecuhuächätucu juiya pä'ö, pi̧jä̧ttö̧'i̧nä̧ rä'opötä jahuätö toönä cue'ächajatöjä.

1 Corintios 5:10 ပူးပေါင်းရင်းမြစ်များ

San Lucas 18:11

Fariseo wotü i̧sa̧mä̧ ä̧rä̧mi̧'ä̧ji̧'ka̧ kkä̧nü̧ pa̧'a̧nü̧ Dio-rü ukuokuinü̧: Chü̧ä̧nä̧wa̧ Dio, ukuru eseusä, kkorotü jü̧'a̧nü̧, nä̧u̧kuä̧rü̧'i̧nä̧, suronä̧ jȩpä̧'chü̧'i̧nä̧, ttirekua pokojuru kkä̧'chü̧'i̧nä̧ ja̧'wa̧ta̧nü̧ pide Roma-ra̧'a̧ weäwä pärätä ka̧ka̧kuä̧ i̧sa̧ jü̧'a̧nü̧'i̧nä̧ jȩpo̧kü̧ cha'attü,

San Juan 15:19

Ukutu pi̧jä̧ ttü̧ja̧ kuätukuttümä̧, pi̧jä̧ ttü̧ja̧mä̧ eseu repe'ajatü; ja̧'wa̧nü̧ ja̧'a̧nä̧ ukutumä̧ pi̧jä̧ ttü̧ja̧ kuätukuoka'attü̧, pi̧jä̧ttü̧ pojopü chȩmi̧nä̧u̧ kuätukua'attü pi̧jä̧ ttü̧ja̧mä̧ ttüjü'koko̧u̧jä̧.

San Juan 17:6

Pi̧jä̧ttü̧, ttürü pojopü kuiyinä̧u̧ru̧mä̧, uku kutü'kü ttu̧wo̧jui̧pü̧nä̧ jȩpi̧nü̧sä̧. Uku kuȩmi̧nä̧u̧ ja̧'a̧ttü̧, ttürü'i̧nä̧ iyinü̧jä̧ ja̧'wa̧nü̧ ja̧'a̧ttü̧ kui̧wȩnȩ wekumä̧ esetinä̧tü̧.

San Juan 17:9

Juätü jäwätä jä'epüsä; pi̧jä̧ ttü̧ja̧ jäwämä̧ jä'epoküsä; ttürü kui̧yi̧nä̧u̧ jäwätä jä'epüsä, ukú kuȩmi̧nä̧u̧ ja̧'a̧ttü̧.

San Juan 8:23

Pättiyäku Jesú päinä̧u̧: Ukutumä̧ po rȩjȩtä̧ isotüjä̧, ttümä̧ ju'toju i̧sa̧sä̧; ukutumä̧ pi̧jä̧nä̧ ttü̧ja̧jä̧, ttümä̧ pi̧jä̧ ttü̧ja̧sa̧mä̧kü̧sä̧.

1 Corintios 1:20

¿Tó tti̧rȩbȩä̧kuä̧wi̧nä̧ttü̧ wo̧juä̧wä̧ kku̧nä̧ri̧nä̧tü̧mä̧, wo̧juȩkuä̧ isotü pinä̧tü̧mä̧, pi̧jä̧ jäwä ukuokui'enä̧tü̧mä̧? ¡Dio-mä̧, pi̧jä̧ ttü̧ja̧ ttu̧wo̧juö̧ jerutu ikuinä̧u̧ ja̧'a̧!

1 Corintios 10:27

Ja̧'wa̧ta̧nü̧, Dio-rü esetokü kukuätukua pä'ü ä̧tȩpa̧'a̧ kui̧'cha̧ päkuätukuttümä̧, tätukui, o'kajuiyünä̧ ttu̧ju̧nü̧mä̧ kuätukui, jä̧ȩpä̧rä̧kuä̧wä̧ juiyünä̧, kkoro kuamükuädätuku juiyäkua'anü̧.

1 Corintios 5:11

Ja̧'wa̧ta̧nü̧ pä'üsä, wȩyu̧tu̧ we'inü̧sä̧ Crito-nä̧ chi̧jä̧wa̧tü̧ tta'anä̧, tti̧rȩkua̧mü̧ wokotüku jȩä̧'chä̧kuä̧wä̧nä̧'i̧nä̧, ruwotü juotta pä'ü tta̧'kua̧ roekuäkuäwänä'i̧nä̧, ttü̧ä̧nä̧wo̧tü̧rü̧ kku̧nä̧rä̧'chä̧kuä̧wä̧nä̧'i̧nä̧; surojuo'epü pä'chäkuäwänä̧'i̧nä̧, tä̧mä̧'chä̧kuä̧wä̧nä̧'i̧nä̧, nä̧u̧kuä̧rä̧kuä̧wä̧nä̧'i̧nä̧ kka̧kuä̧tü̧rü̧. Ja̧'wa̧nü̧ wa̧ku̧mä̧ ttu̧kuȩ'i̧nä̧, ttüku juiya pä'ü.

1 Corintios 5:9

Ä'kanä̧ chi̧wȩyu̧ti̧nä̧'tänä̧mä̧, pä'inü̧sä̧, tti̧rȩkua̧mü̧ pokotürü jȩpä̧'chä̧tü̧ku̧ ppä̧ttä̧chä̧rü̧ juiya pä'ü.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

Filipenses 2:15

Ukuturu suronä̧ pättü juiyünä̧ kka̧kuä̧tu̧kui̧, pi̧jä̧ ttü̧ja̧ suropätü ttü̧'kä̧tȩnä̧ ku̧ja̧kuä̧tu̧kua̧'a̧ttü̧, ukutumä̧ Dio i̧tti̧mü̧jä̧, isopäi'ünä̧ ukutumä̧ pi̧jä̧ttü̧mä̧ tejäwore kkȩdȩpa̧'a̧ jä̧'i̧nü̧'a̧nü̧ kka̧kuä̧tu̧kui̧.

1 Juan 4:5

Juätümä̧ iweye pi̧jä̧ isotü wotü ja̧'wa̧nü̧ ja̧'a̧ttü̧ pi̧jä̧ jäwä ttukuokuomȩnä̧mä̧ ttä̧ju̧kuä̧u̧.

1 Juan 4:7

Chawaruwä chü̧jä̧wa̧tü̧, eseu repeäkuäwämä̧ Dio-ttü ichü ja̧'a̧ttü̧, yotükupünä̧ eseu repetäkuäu'anü̧ ja̧'a̧. Isopäi'ünä̧ eseu repeäkuäwä kku̧nä̧rä̧tü̧mä̧ o'katoi'ünä̧ Dio i̧tti̧mü̧ ja̧'a̧ ja̧'wa̧ta̧nü̧ juätümä̧ Dio-rü wo̧juä̧tü̧ ja̧'a̧.

1 Juan 5:19

Ujutumä̧ Dio-ku ji̧nä̧ ji̧yȩtȩ wotüjä̧ ja̧'wa̧ta̧nü̧ pi̧jä̧ ttü̧ja̧mä̧ o'katoi'ünä̧ äwettä weünä̧tä̧ kka̧kuä̧tü̧.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.