1 Corintios 4:5 - Nuevo Testamento Uwotjüja

⁵ Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

TÄ̧DO Ä̧CUÄ̧ I̧HUȨNȨ

⁵ Ja̧'hua̧ ji̧yä̧cu̧ ä'canä päcuhuätucuä' ucutumä. Tta̧'ä̧rä̧tu̧cui̧ Tu̧ru̧hua̧ ichäcua'a. Ja̧u̧ o'ca juiyönä yo̧ö̧mä̧ i̧jȩpä̧cua̧ tȩa̧u̧nä̧. Ja̧'hua̧ta̧nö̧ o'ca juiyönä pi̧jä̧ ttö̧ja̧ ttami iso'quinä ttamöcuädömä i̧jȩpä̧cua̧. Ja̧u̧nu̧tä̧ Dios i̧yä̧cua̧ eseäcuähuä o'ca toi'önä adiu jȩpä̧tö̧rö̧.

1 Corintios 4:5 ပူးပေါင်းရင်းမြစ်များ

San Mateo 10:26

Ja̧'wa̧nü̧ ja̧'a̧ttü̧ ttü̧ja̧rü̧mä̧ yekuekuätukuä. Isopäi'ünä̧ yä̧wä̧i̧nä̧tä̧ da̧jä̧rä̧kuä̧wä̧mä̧ juiya'a ja̧'wa̧ta̧nü̧ yoriso ttu̧wo̧jui̧pü̧ juiyünä̧ i̧jȩkuä̧cho̧kü̧mä̧ juiya'a.

San Mateo 24:30

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ ubo I̧tti̧ icha'a ä'kanä̧ jäwä i̧jȩkuä̧chä̧kua̧'a̧ ja̧'wa̧nü̧ päia'a topü rü̧ȩnä̧ ye'ekue'i'ü pi̧jä̧ ttü̧ja̧ o'katoi'ünä̧ ttajäkuäwäkuotü ja̧'wa̧nü̧ päi'omȩnä̧ ubo I̧tti̧ mo̧ro̧jä̧ra̧'a̧ttü̧ ajiya isoppanä̧ uruwoku, ujuruku icha'a tottäkuotü.

San Mateo 24:46

Ja̧u̧ru̧ eseäkuäwä kkä̧kua̧'a̧, u̧ru̧wa̧ ichomȩnä̧, weinüta'anü̧ jȩpü̧ ü̧jü̧ttü̧mä̧.

San Mateo 25:21

Jua̧u̧ru̧ u̧ru̧wa̧mä̧ pä'inü̧: Juiyo adiwa'a, adiu adikuä i̧sa̧jä̧; a̧'u̧ku̧nä̧tä̧'i̧nä̧ adiu kuaditina̧'a̧ttü̧, rü̧ȩnä̧ chiyäkujä̧ kuadita pä'ümä̧. Do'ächi ttüku kuesewa.

San Mateo 25:23

Jua̧u̧ru̧ u̧ru̧wa̧mä̧ pä'inü̧: Juiyo adiwa'a, adiu adikuä i̧sa̧jä̧; a̧'u̧ku̧nä̧tä̧'i̧nä̧ adiu kuaditina̧'a̧ttü̧, rü̧ȩnä̧ chiyäkujä̧ kuadita pä'ümä̧. Do'ächi ttüku kuesewa.

San Lucas 6:37

Surojü jȩttü̧mä̧ päkuätukuä, ukuturu'i̧nä̧ surojü jȩ'kuä̧tu̧ku̧ Dio päü juiyäkua'anü̧. Usurä ttȩmä̧u̧nä̧ päkuätukuä, ukuturu'i̧nä̧ usurä kuȩmä̧wä̧tu̧ku̧nä̧ Dio päü juiyäkua'anü̧. Pärokua'aku mikuämä̧ kuamükuädätukuä, ukuturu'i̧nä̧ pärokua'aku mikuä, Dio amükuädü juiyäkua'anü̧.

San Juan 21:22

Päiyäku, Jesú-mä̧ ädätinä̧ku̧: —Jua̧u̧mä̧ ttü ppa̧dä̧chomȩbü päi'ünä̧ ü̧ja̧ pädüttümä̧ttü̧, ¿ja̧'wa̧nü̧ ja̧'a̧nä̧ ukú jäwämä̧kü̧? Ukumä̧, cho'ka'anä̧tä̧ ichi.

San Juan 21:23

Ja̧'wa̧nü̧ päjiyä̧u̧, jua̧u̧ u̧mü̧wä̧ya̧ pä'ijü ütü'kümä̧, jitütä u̧wo̧juȩtä̧u̧mä̧ juo'ekuinä̧tü̧, jua̧u̧mä̧ wa'ü ikuoküdo pä'ü. Ja̧'wa̧nü̧ ja̧'a̧nä̧ Jesú-mä̧ 'korujuoächokä̧kua̧ pä'ümä̧ pä'okü pinü̧, ji̧nä̧somä̧ pä'inü̧: «Jua̧u̧rü̧mä̧, ttü chichomebü päi'ünä̧ ü̧ja̧ pädüttümä̧ttü̧, ¿Ukú jäwämä̧kü̧?», jü̧nä̧tä̧.

San Juan 5:44

¿Toku kuesetätukuäkua'ajä̧ttü̧, kua̧mü̧nä̧ pa̧ja̧tü̧ mi̧kuä̧ri̧yä̧kuä̧u̧ adiu jȩ'kuä̧tu̧ku̧ päkuäwätukua'amä̧, ya̧tȩtä̧ Dio päatukuaku pä'ü kusätukuoka'amä̧?

Romanos 14:4

¿Dí kua'ajä̧ttü̧ ukumä̧ ja̧'wa̧nü̧ kka̧ra̧ u̧mü̧wä̧ya̧rü̧ suronä̧ pä'ümä̧? Adiu ü̧jü̧ttü̧'i̧nä̧, suronä̧ ü̧jü̧ttü̧'i̧nä̧, jua'amä̧ U̧ru̧wa̧ wa̧tä̧ ja̧'a̧ jua̧u̧ pä'ümä̧. Ja̧'wa̧nü̧ ja̧'a̧nä̧ adiutä ma̧ä̧cho̧ka̧'a̧ ü̧jä̧kua̧, isopäi'ünä̧ U̧ru̧wa̧mä̧ ujuru kku̧nä̧rü̧ jua̧u̧ru̧ ma̧ä̧chü̧ juiyünä̧ jȩa̧ pä'ümä̧.

Romanos 2:1

Ukututtü ya̧tȩ, kka̧ra̧ suronä̧ jȩü̧ päkuomȩnä̧mä̧, kua̧mü̧nä̧ pa̧ja̧tü̧tä̧ pä'äujä̧. Jua'amä̧ uku'i̧nä̧ ja̧'wa̧nü̧tä̧ wa̧ kua'attü̧. Ja̧'wa̧nü̧ jo̧mȩttü̧ kka̧ra̧rü̧ päkua pä'ümä̧ jui̧'a̧jä̧.

Romanos 2:16

Dio ro̧ȩpü̧ mo̧ro̧ rȩbȩä̧kuä̧wä̧kua̧'a̧, ttü̧ja̧ ttü̧dä̧pä̧rȩ, ttü jidäu Jesucrito i̧wȩnȩ jareü wȩnȩnä̧.

Romanos 2:29

Isopäi'ünä̧tä̧ judío i̧sa̧mä̧ jakuänä̧ttü̧ wa̧ ja̧'a̧ ja̧'wa̧ta̧nü̧ circuncisión pättü wa̧mä̧, tta̧mi̧ iso'ki jäwä ja̧'a̧: Wȩyu̧kuä̧ jäwämä̧kü̧ ja̧'a̧, epíritu jäwä ja̧'a̧, eseäkuäwämä̧ ttü̧ja̧sa̧ttü̧mä̧ ichokü ja̧'a̧, ji̧nä̧somä̧ Dio-ttütä ichü ja̧'a̧.

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

1 Corintios 1:7

Ja̧'wa̧nü̧ ja̧'a̧ttü̧ Dio mippoünä̧ iyümä̧ juiyoko̧u̧jä̧, Tu̧ru̧wa̧ Jesucrito pä'äjita'anü̧ icha'anä̧ tta̧'a̧rü̧ ku̧jä̧tu̧kua̧'a̧nä̧mä̧.

1 Corintios 11:16

Ja̧'wa̧nü̧mä̧ jidäwa'anä̧, yotüte pi̧yȩ pättä'cha pättüttümä̧, ujutumä̧ ja̧'wa̧ta̧nü̧ Dio-rü esetätü'i̧nä̧ kkoromä̧ jerupätüjä̧.

1 Corintios 11:26

Ja̧'wa̧nü̧ ja̧'a̧ttü̧, 'kuäopünä̧tä̧ trigo i̧ri̧si̧, pi̧si̧ kukuätukuomȩnä̧mä̧ ja̧'wa̧ta̧nü̧ po̧'ta̧ isoya kuäwätukuomȩnä̧mä̧, Tu̧ru̧wa̧ 'korujuoächinü̧ ji'äwätüjä̧, Chutä ichomȩbü päi'ünä̧.

1 Corintios 15:23

Ja̧'wa̧nü̧ ja̧'a̧nä̧ yotukunä̧rü̧ pä'ü rütäu'akuä jä̧kua̧'a̧: Ä̧kuo̧mȩnä̧mä̧ Crito ji̧na̧'a̧, jua̧u̧nü̧ o'ka'amä̧ Crito-rü esetätürü jä̧kua̧'a̧, Chutä ichomȩnä̧.

1 Corintios 3:13

Ttaditäwämä̧ wäjuönä̧ i̧jȩkuä̧chä̧kua̧'a̧ jȩtti̧nü̧'a̧kuä̧ ü'ojo'ü mo̧ro̧ päi'omȩnä̧; isopäi'ünä̧ jua̧u̧nü̧ mo̧ro̧mä̧ okuränä̧tä̧ i̧jȩkuä̧chä̧kua̧'a̧; ja̧'wa̧nü̧ ja̧'a̧ttü̧ yotukunä̧ jȩtti̧nü̧mä̧ okuränä̧tä̧ kka̧kuä̧mü̧ toäkuäwäkua'a.

1 Corintios 3:14

Ja̧'wa̧ta̧nü̧ ya̧tȩ, aditinü̧ jä̧jí̧ 'kiyo kka̧ku̧ jü̧ttü̧mä̧, jua̧u̧ mikuämä̧ ȩmä̧kua̧;

1 Corintios 3:8

Ja̧'wa̧nü̧ ja̧'a̧ttü̧ jiäkuäwä i̧sa̧'i̧nä̧, tta̧'kua̧ ttu̧wȩnä̧rü̧nä̧ wo̧juȩtü̧'i̧nä̧ ji̧nä̧ ji̧yȩtȩtä̧ wotü, jua'akumä̧ yotukunä̧ ttaditäwä jü̧'a̧kuä̧ mikuä ttȩmä̧kua̧'a̧nä̧.

2 Corintios 10:18

Isopäi'ünä̧, ya̧tȩ a̧mü̧nä̧ pa̧ja̧tü̧ eseäkuäu ukuo te'äurumä̧ eseäkuäwoka'a ja̧'wa̧nü̧ ja̧'a̧nä̧ chu Tu̧ru̧wa̧ esewäkurumä̧, eseäkuäwä kka̧'a̧.

2 Corintios 10:9

Chi̧wȩnȩ chi̧wȩyu̧tu̧nä̧ yekuekue'ätukuamä̧ pä'oküsä.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

2 Corintios 5:10

Isopäi'ünä̧ o'katoi'ünä̧tä̧ ujutumä̧ Crito ä'ka jo̧mȩ (tribunal) pättomȩ ti̧'chi̧'ä̧kuo̧tü̧jä̧; pi̧jä̧ttü̧ ttidepänä̧ ttü̧jä̧i̧ adiunä̧ jȩti̧na̧ja̧ pä'ü'i̧nä̧, surojü jȩti̧na̧ja̧ pä'ü'i̧nä̧, jua̧u̧ mikuä tȩma̧ pä'ü iyomȩ.

1 Tesalonicenses 5:2

Isopäi'ünä̧ ukutumä̧ jo̧mȩnü̧tä̧ wo̧juä̧tü̧jä̧. Tu̧ru̧wa̧mä̧ tta̧tä̧ro̧kü̧ mo̧ro̧, yodó nä̧u̧kuä̧rä̧kuä̧wä̧ i̧sa̧ jä̧'i̧nü̧'a̧nü̧ i̧chä̧kua̧ pä'ümä̧;

Hebreos 4:13

Yoriso ji̧yȩtȩ'i̧nä̧ Dio ä'ka jo̧mȩttü̧ dajäwämä̧ juiya'a; o'kajuiyünä̧tä̧ wäjunä̧ i̧jȩku̧tä̧ ja̧'a̧, Churutä jȩti̧nü̧ ti̧jȩpä̧kua̧'a̧ttü̧.

Santiago 4:11

Chawaruwä chü̧jä̧wa̧tü̧ kkorotünü̧rü̧mä̧, suronä̧mä̧ kukuokuätukuä. Ya̧tȩ a̧wa̧ru̧wa̧ ü̧jä̧wa̧rü̧ suronä̧ ukuokumä̧ ja̧'wa̧nü̧ jü̧juiyüttü'i̧nä̧ suronä̧ jȩpü̧ pä'ümä̧ weäwä wȩnȩ'i̧nä̧ surojü pä'ü ukuokuokü. Ja̧'wa̧nü̧ ja̧'a̧nä̧ weäwä wȩnȩ surojü pä'ümä̧ ttukuotajueimä̧ Juez pättäku jä̧'i̧nü̧'a̧nü̧tä̧ jȩpä̧kuä̧u̧jä̧.

Santiago 5:7

Ja̧'wa̧nü̧ ja̧'a̧nä̧ chawaruwä chü̧jä̧wa̧tü̧, ukutumä̧ tü̧ä̧nä̧wa̧ ichomȩbü päi'ünä̧ kua̧mi̧'ki'ächi'ü tta̧'a̧rä̧tu̧kui̧. Kuäwä kku̧nä̧wä̧ i̧sa̧ u̧wä̧ju̧ adiu jo̧mȩnü̧ ja̧'a̧ ü̧ka̧ka̧ta̧ pä'ümä̧ a̧'ȩ juwa'anä̧ a̧mi̧ 'ki'ächi'ü tta̧'a̧rü̧ kkü̧

Santiago 5:9

Chawaruwä chü̧jä̧wa̧tü̧ kkorotünü̧rü̧mä̧ päkuä'chätukuä Dio ro̧ȩpü̧ juiyätukuaku pä'ümä̧; ja̧'wa̧ta̧nü̧ Juez-mä̧ täkü äpate ä'ka kkü̧.

1 Pedro 1:7

Isopäi'ünä̧ kua̧'kua̧ ku̧wȩnä̧rä̧tu̧ku̧mä̧ oro jä̧'i̧nü̧'a̧nü̧ jü̧: üadiwämä̧ ukuränä̧ kka̧kuä̧mü̧ tottü jä̧'i̧nü̧'a̧nü̧ ja̧'a̧. Tta̧'kua̧ wȩnä̧rü̧ tta̧mi̧ 'kittächi'ümä̧ oro toe'ächüttü'i̧nä̧ u̧wä̧mȩnä̧nü̧ mikuäu ja̧'a̧. Ja̧'wa̧nü̧ ja̧'a̧ttü̧ Jesucrito i̧jȩkuä̧cho̧mȩnä̧mä̧ Dio-rü kua̧'kua̧ ku̧wȩnä̧rä̧tu̧ku̧mä̧ adiutä ttukuokuäkuotü, isopäi'ünä̧ tta̧'kua̧ wȩnä̧rä̧kuä̧wä̧ kka̧kuä̧mü̧ toäkuäwänä̧ 'kuäopümä̧, ttesewa pä'ü jü̧ ja̧'a̧.

1 Pedro 5:4

Ja̧'wa̧nü̧tä̧ chutä pató ichomȩnä̧mä̧, ukutumä̧ ukuo corona kuȩmä̧kuo̧tü̧jä̧, ja̧u̧ corona-mä̧ yoriso joächächokü jä̧kuȩ.

2 Pedro 3:12

Dio u̧mo̧ro̧ icha'anä̧ tta̧'a̧rä̧tu̧kui̧, ja̧'wa̧ta̧nü̧ jurunä̧nü̧ jȩ'kuä̧tu̧ku̧'a̧nü̧ jü̧mä̧ jȩpä̧tu̧kui̧, jua̧u̧nü̧ mo̧ro̧mä̧ mo̧ro̧jä̧mä̧ okuränä̧tä̧ si'epü ikuäwäkua'a ja̧'wa̧ta̧nü̧ juä̧jä̧nä̧ rü̧jü̧'i̧nä̧ okuräma̧ kkä'kottü jawächäkua'a.

2 Pedro 3:4

pättäkuotü: «¿Toku ji̧na̧'a̧kuä̧ttü̧ Crito chichäkua̧sä̧ päina̧'a̧mä̧? Tä̧do̧tü̧ mi̧nä̧mä̧ täkü wa'ü ikuinä̧tü̧ ja̧'wa̧ta̧nü̧ o'kajuiyünä̧ pi̧jä̧ uwäbe'inomȩttü̧tä̧ kkä̧mä̧dü̧ yoräteunä̧tä̧ 'cha̧'a̧.»

Judas 1:14

Ja̧'wa̧ta̧nü̧ mo̧ täbokütä päi'ünä̧, Adá̧ o'komenä̧ttü̧ kko̧ro̧mü̧ttü̧nü̧ todärenä̧ päi'ünä̧ winü̧ Enoc pinü̧mä̧, juätü ttütü'kü pä'inü̧: «Topätukui, Tu̧ru̧wa̧ rekuätü á̧gȩrȩ-ku̧ icha'a,

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.

Apocalipsis 20:12

Ja̧'wa̧nü̧ ja̧'a̧ topinü̧sä̧ wa'ü ikuinä̧tü̧rü̧'i̧nä̧, tä̧mü̧rü̧'i̧nä̧, ppo̧'ä̧tü̧rü̧'i̧nä̧, ruwo dȩä̧kä̧ ä'ka jo̧mȩ ttü̧ja̧kua̧'a̧; kuyäru o'tä bawekuächina̧'a̧, ja̧'wa̧ta̧nü̧ kkoro'tä, kkä̧kuä̧wä̧ kuyäru'tä'i̧nä̧ bawekuächina̧'a̧. Wa'inä̧tü̧mä̧ jȩtti̧nü̧'a̧kuä̧ päwi'inä̧u̧, jua̧u̧ kuyäru o'tänä̧ pä'ü rütäwuö'akuä.