1 Corintios 4:12 - Nuevo Testamento Uwotjüja

¹² Tu̧mü̧nä̧ aditü usurä ȩmä̧wä̧tü̧jä̧; Ujuturu suronä̧ ja̧tü̧do pätta'anä̧, pärokua'akumä̧, adiu ja̧tü̧do pä'ütä pä'ätüjä̧; suronä̧ jȩtta̧tü̧ pä'ü ttusa'anä̧, ta̧mi̧ 'ki'ächi'ü kka̧kuä̧tü̧jä̧.

TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ tu̧mö̧nä̧ aditö'inä 'cuä'ächi'ätöjä. Ttö̧ja̧ suronä huopätö ujuturu. Ja̧'hua̧nö̧ ja̧'a̧nä̧ adiunätä ädätätöjä. Suronä jȩpä̧tö̧ ujuturu. Ja̧'hua̧nö̧ ja̧'a̧nä̧ tami 'qui'ächi'ö ka̧cuä̧tö̧jä̧.

1 Corintios 4:12 ပူးပေါင်းရင်းမြစ်များ

San Mateo 5:11

Eseäkuäwä kka̧'a̧ ttü chi̧mi̧ jäwänä̧, o'kajuiyünä̧ yapareu kkä̧nü̧, ukuturu suronä̧ wopü kuä'äu ttikua pä'ü ttusomȩnä̧

San Mateo 5:44

Ja̧'wa̧nü̧ ja̧'a̧nä̧ ukuturumä̧ pä'üsä: Kuaboiyotürümä̧ re kka̧kuä̧tu̧kui̧ ja̧'wa̧ta̧nü̧ ukuturu suronä̧ jȩtta̧ pä'ü usätürü, Dio-rü ukuokuätukui.

San Lucas 23:34

Jesú-mä̧ pä'inü̧: «Chä'o, surojü jui'ätü 'kua̧rü̧nä̧ topitü, jerupü jȩtta̧'a̧ttü̧»] Ja̧'wa̧nü̧ ja̧'a̧nä̧ su̧ro̧do̧u̧mä̧ Jesú ü̧'ka̧tä̧wä̧ta̧ tȩma̧ pä'ü, dirü ma̧ä̧ma̧ ja̧ pä'ü jȩpä̧'chü̧ topinä̧tü̧.

San Lucas 6:28

Adiutä pä'ätukui, ukuturu suronä̧ pä'ätürü. Ja̧'wa̧ta̧nü̧ ukuturu wȩnȩ kkä'äbe'ätürü, Dio-rütä ukuokuätukuitü.

San Juan 15:20

Pi̧yȩ pädinü̧ amükuädätukui: Ya̧tȩ ttu̧mü̧wä̧ya̧mä̧, u̧ru̧wa̧ttü̧'i̧nä̧ u̧wä̧mȩnä̧mä̧ wokü ja̧'a̧. Ttürü suronä̧ pä'ü ttusinü̧ta'anü̧, ukuturu'i̧nä̧, suronä̧ pä'ü ttusäkuotü; ttü chi̧wȩnȩ ma̧i̧pü̧ juiyünä̧ ukuoku jȩttä̧'i̧jü̧mä̧, ukuturu'i̧nä̧ ja̧'wa̧ta̧nü̧ jȩttä̧kuo̧tü̧.

Hechos 18:3

Ja̧'wa̧nü̧ ja̧'a̧ juätü jü̧ta̧'a̧nü̧, isotü tti̧jȩti̧yu̧ttü̧ odewiyä o̧ta̧ aditü ja̧'a̧, juätütäku kki̧'i̧nü̧ yo̧mȩtȩnä̧ adita pä'ü.

Hechos 20:34

Ja̧'wa̧nü̧ jo̧ka̧'a̧, ttüku kue'ächätürü'i̧nä̧, ttürütä'i̧nä̧ rekuä rü̧jü̧mä̧, chu̧mü̧nä̧ aditü ȩmä̧'i̧jü̧sä̧.

Hechos 7:60

Ja̧'wa̧nü̧ ja̧'a̧ iwe'kiyunä̧ ma̧'ä̧mü̧, pä̧i̧ku̧nä̧ wopi'inü̧; ¡Chu̧ru̧wa̧, pi̧yȩ suronä̧ jȩttü̧mä̧ mikuämä̧ jȩ'kuä̧tü̧!, pi̧yȩ pä'ipütä 'koru pä'i'inü̧.

Romanos 12:14

Ukuturu suronä̧ jȩtta̧ pä'ü amükuädätürü, adiutä pä'ätukuitü. Suronä̧mä̧ päkuätukuätü.

Romanos 12:20

Ja̧'wa̧nü̧ ja̧'a̧ttü̧ kua̧bo̧i̧ya̧ ukua ppäirü̧jü̧ttü̧mä̧, ukua iyirü; ja̧'wa̧ta̧nü̧ awa a̧di̧ri̧jü̧ttü̧mä̧, awa iyirü; ja̧'wa̧nü̧ jȩ'kuo̧mȩnä̧ ü'änä̧mä̧ dä'ä ttu̧ä̧kua̧.

Romanos 8:35

¿Ditä jä̧kua̧'a̧jä̧ttü̧ Crito eseu repeüttü ujuturu 'kȩ'ȩpü̧ i̧kuä̧kua̧mä̧? ¿Usurä ȩmä̧kuä̧wä̧, jȩtü̧ juiyünä̧ jü̧, kuä'ü ttikua pä'ü ttu̧sä̧rü̧, ppäi ttuäwä, tü̧'ka̧tä̧wä̧ti̧yu̧ juitü, ra̧wä̧pi̧jü̧, wa'are?

1 Corintios 9:6

¿Juiyo ujutu Bernawé-kutätí̧, tu̧kuȩ tukua pä'ü aditü usurä ȩmä̧wä̧tü̧mä̧?

2 Corintios 11:8

Ukuturu ppä'ädümä̧, kkoro igresia wotü pärätä ppättädünä̧tä̧ aditinü̧sä̧.

Efesios 4:28

Nä̧u̧kuä̧rü̧ kki̧'ȩnü̧mä̧, yabonü̧mä̧ ku̧nä̧u̧kuä̧rä̧, aditütä kkä̧wi̧; ku̧mü̧nä̧ adiwä juei jȩpü̧ ku̧ju̧ttü̧mä̧, rekuä rü̧jä̧u̧ru̧ ppäkuädäkua̧jä̧.

1 Tesalonicenses 2:9

Chawaruwä chi̧jä̧wa̧tü̧ ukutu kuamükuädätukuttümä̧ wo̧juä̧tü̧jä̧, ujutu taditinü̧'i̧nä̧, usurä tȩmä̧wi̧nü̧'i̧nä̧, jü̧nä̧. Mo̧ro̧'i̧nä̧, yodo'i̧nä̧, aditinä̧tü̧jä̧ ukuturu jä̧'ȩpä̧rü̧ jui'ümä̧, Dio i̧wȩnȩ, jareü wȩnȩ jitäwa'a rekuä rü̧jä̧u̧mä̧.

2 Tesalonicenses 3:8

mipponä̧mä̧ kkorotü ttu̧kuȩttü̧mä̧ kuokotü pinä̧tü̧jä̧. Ja̧'wa̧nü̧ jȩtta̧jue'imä̧ mo̧ro̧'i̧nä̧, yodo'i̧nä̧ 'kuäo'ünä̧ aditü usurä ȩmä̧u̧ borepäkuäwinä̧tü̧jä̧ ukututtü ya̧tȩrü̧ pä'ü'i̧nä̧ a̧mä̧kü̧ juiya pä'ümä̧.

1 Timoteo 4:10

Ja̧'wa̧nü̧ jo̧mȩttü̧ yabokutä aditätüjä̧, ja̧'wa̧ta̧nü̧ ta̧'kua̧ tu̧wȩnä̧rü̧mä̧ Dio wa'ikuokünä̧tä̧ kka̧kua̧'a̧. Jua̧u̧mä̧ o'katoi'ünä̧rü̧ ra̧wä̧pi̧jü̧ttü̧ ttü̧ji̧pü̧nä̧ jȩpi̧nü̧. Ji̧nä̧somä̧ churutä esetätürü ppä'ädinü̧.

1 Pedro 2:23

Suronä̧ pättä'chomȩnä̧mä̧, suronä̧ pä'ümä̧ ädätokü pinü̧; usurä ȩmä̧u̧nä̧ jȩttä̧ku̧'i̧nä̧, suronä̧mä̧ jȩpo̧kü̧ pinü̧, ja̧'wa̧nü̧ jȩtta̧jueimä̧ Dio jueünä̧tä̧ pä'ürütä iyäwinü̧.

1 Pedro 3:14

Ja̧'wa̧nü̧ ja̧'a̧nä̧ yabonä̧ adiu jȩ'kuä̧tu̧kua̧'a̧nä̧'i̧nä̧ usurä ȩmä̧wä̧'i̧jä̧tü̧jä̧, ¡Eseäkuäwä kku̧nä̧rä̧tu̧kui̧! Ya̧tȩrü̧'i̧nä̧ ye'ünü̧mä̧ yekuekui'ätukuä.

1 Pedro 3:9

Surojünä̧mä̧ mikuämä̧ päkuätukuä, ja̧'wa̧ta̧nü̧ suronä̧ pä'chäkuäwänä̧'i̧nä̧, to'ija̧'a̧ku̧tä̧ adiwäjueitä iyätukui, ja̧'wa̧nü̧ ja̧'a̧ttü̧ Dio-mä̧ adiwäjuei kuȩmä̧tu̧kua̧ pä'ü woinä̧u̧jä̧.

1 Pedro 4:19

Ja̧'wa̧nü̧ ja̧'a̧nä̧ Dio-rü pä̧wä̧rü̧jo̧mȩnä̧ usurä ȩmä̧wä̧tü̧mä̧, yabonü̧tä̧ adiu jȩtta̧ pä'ü ja̧'a̧, tta̧'kua̧rü̧mä̧ uwäbe'inü̧ Dio u̧mü̧nä̧tä̧ iyü kku̧nu̧, jua̧u̧mä̧ adiwomȩnä̧tä̧ jȩä̧kua̧'a̧nü̧.

Judas 1:9

Ja̧'wa̧nü̧ jo̧ka̧'a̧, á̧gȩrȩ-tü̧ ttu̧ru̧wa̧ Miguel'i̧nä̧ Moisé o'ko jäwänä̧ äwettäku päwomȩnä̧, suronä̧ pättajü jueimä̧ päinä̧ku̧: «¡Tu̧ru̧wa̧tä̧ ro̧ȩpä̧kua̧jä̧!,» jü̧nä̧.