Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Corintios 3:5 - Nuevo Testamento Uwotjüja

5 Jua̧u̧nu̧mä̧ ¿Däjé jȩä̧kuä̧wä̧ i̧sa̧jä̧ttü̧ Aporo-mä̧? ja̧'wa̧ta̧nü̧ ¿Pauru'i̧nä̧ jü̧nä̧mä̧? Suro, ujutumä̧ Dio weinü̧tä̧ jȩä̧kuä̧wä̧ isotüjä̧, ujutunä̧tä̧ Jesucrito-rümä̧ esetinä̧tü̧jä̧. Jua'amä̧, ujutumä̧, yotukunä̧ Tu̧ru̧wa̧ weinü̧tä̧ aditinä̧tü̧jä̧:

အခန်းကိုကြည့်ပါ။ ကော်ပီ

TÄ̧DO Ä̧CUÄ̧ I̧HUȨNȨ

5 Iso päi'önä, ¿dijä̧ttö̧ Pablomä? ¿Dijä̧ttö̧ Apolosmä? Ujutumä Dios i̧huȩnȩ ji'ähuätöjä. Ujutu jitähuomenä, ucutu Cu̧ru̧hua̧tu̧cu̧ru̧ esetinätöjä. Ja̧'hua̧ta̧nö̧ ujutu, ka̧ra̧'i̧nä̧, ka̧ra̧'i̧nä̧, Tu̧ru̧hua̧ hueötä jȩpi̧nä̧tö̧jä̧.

အခန်းကိုကြည့်ပါ။ ကော်ပီ




1 Corintios 3:5
30 ပူးပေါင်းရင်းမြစ်များ  

Juätüttü ya̧tȩrü̧mä̧, cinco mil-nü̧ jo̧mȩnä̧ pärätä iyinü̧, kka̧ra̧rü̧mä̧ dos mil-nü̧ jo̧mȩnä̧ ja̧'wa̧ta̧nü̧ kka̧ra̧rü̧tä̧ mil-nü̧ jo̧mȩnä̧: yotukunä̧ jȩttü̧'a̧nü̧ ja̧'a̧ttü̧ topü, iyäji'ka̧mä̧ kue'ächü 'chi̧nü̧.


Ä̧kuo̧mȩnä̧ttü̧ kkä̧mä̧dü̧ tti'ärenä̧ tottinü̧'a̧kuä̧, Dio i̧wȩnȩ ji'äwinä̧tü̧.


Pättiyäku, Ju̧a̧-mä̧ päinä̧u̧: —Ttü̧ja̧sa̧rü̧ kkorojuei Dio iyoka'a jo̧mȩnä̧mä̧, yoriso u̧ju̧nä̧ra̧ pä'ümä̧ jui̧'a̧.


Ja̧'wa̧nü̧ ja̧'a̧, ya̧tȩ judío i̧sa̧ Aporo pä'ü mi̧kua̧, Alejandría ütawiyä i̧sa̧ Éfeso ütawiyänä̧ rȩbȩwi̧nü̧, ukuokuäkuäwä wo̧jua̧ ja̧'wa̧ta̧nü̧ Wȩyu̧kuä̧ Wȩnȩ'i̧nä̧ rü̧ȩnä̧ adiu wo̧jua̧.


Aporo-mä̧, Corinto ütawiyänä̧ ü̧ja̧'a̧nä̧, Pauru-mä̧ müä'kiyu ja̧'a̧nä̧ 'kuä'opäji̧'ka̧ Éfeso ütawiyänä̧ i̧rȩbȩwi̧'o̧mȩnä̧, juorü Jesucrito-rü esetätürü po̧kui̧pü̧,


Judío pokotürü Jesucrito weäwänä̧, Dio jäwä jareü wȩnȩ jidäwiyarü pä'ü weinä̧ku̧ cha'attü̧; ofrenda jü̧nä̧, Epíritu Sa̧tu̧ aditäwänä̧ surojü juiyünä̧ tta pä'ü Dio-rü.


Dio-mä̧, igresia-nä̧mä̧ kku̧ni̧nü̧, ä̧kuo̧mȩnä̧mä̧ apótore pä̧ttä̧u̧ru̧; juȩnȩ o'komȩnä̧mä̧, profetas pättä̧u̧ru̧; wäbodäkuä päi'ünä̧mä̧ wo̧juȩkuä̧ isotürü; jua̧u̧ o'komȩnä̧mä̧ jȩtto̧kü̧ juei jȩpä̧tü̧rü̧; kkorotümä̧ na̧'ä̧chä̧tü̧rü̧ aditü ikuätürü'i̧nä̧; kkorotümä̧ ppädäkuäwä isotürü'i̧nä̧; kkorotümä̧ juȩpä̧rä̧kuä̧wä̧ isotürü'i̧nä̧ ja̧'wa̧ta̧nü̧ kkorotümä̧ kkorotü tti̧wȩnȩ wäjuönä̧ ukuokuätürü'i̧nä̧.


Ta̧wa̧ru̧wa̧ ti̧jä̧wa̧ Aporo ütü'kü'i̧nä̧ pä'üsä, jua̧u̧mä̧ kuawaruwärü to'kua täi ti̧jä̧wa̧tu̧ku̧ päda'anä̧, jitätämä̧ i̧'cha̧ pä'okü päjí, kko̧ro̧nü̧ ichü'anü̧ jo̧mȩnä̧tä̧ i̧chä̧kua̧.


Ttümä̧, Dio-rü pä̧wä̧rü̧jo̧mȩnä̧, juode kkada'ka 'chu̧ä̧ro̧mȩ jȩpü̧ kku̧ni̧nü̧sä̧: Jesucrito jäwä jareü wȩnȩ ji'äu. Ja̧'wa̧nü̧ ji̧na̧'a̧, kkorotümä̧ juȩnȩ wä̧mȩnä̧ aditätü. Ja̧'wa̧nü̧ ji̧na̧'a̧ttü̧, yotukunä̧ juȩnȩ wä̧mȩnä̧ aditätümä̧ ttu̧'ȩpä̧rü̧nü̧, aditätukui.


Pauru ja̧ pä'ü'i̧nä̧, Aporo ja̧ pä'ü'i̧nä̧, Cefa ja̧ pä'ü'i̧nä̧, pi̧jä̧ jäwä ja̧ pä'ü'i̧nä̧, tta̧'kua̧rü̧ ja̧ pä'ü'i̧nä̧, wa'are ja̧ pä'ü'i̧nä̧, jitä kka̧ku̧'i̧nä̧, yodoji rȩbȩä̧kuä̧wä̧kuȩ'i̧nä̧. Ukututä jäwätä ja̧'a̧;


Ja̧'wa̧nü̧ ja̧'a̧ttü̧, ji'äwinü̧'i̧nä̧, tta̧'kua̧ ttu̧wȩnä̧rü̧nä̧ wo̧juȩti̧nü̧'i̧nä̧ mikuäwokotüjä̧, ji̧nä̧somä̧ chutä, Dio-tä ja̧'a̧ mi̧kuä̧wa̧mä̧ tä̧mü̧ juottünä̧ jȩpü̧tä̧.


Ja̧'wa̧nü̧ ja̧'a̧ttü̧, eseunu̧ jua̧u̧ jidäuttümä̧, mikuä chȩmä̧kua̧sä̧; ja̧'wa̧nü̧ ja̧'a̧nä̧ chesewoka'a jȩchü̧ttü̧mä̧, weäwi'ina̧'a̧tä̧ jȩpü̧sä̧.


Juätü'i̧nä̧, Crito aditäwä aditätü jü̧ttü̧mä̧; (ttu̧'ȩpä̧ro̧kü̧ 'kua̧rü̧nä̧ pä'üsä) ttümä̧, abonä̧nü̧ wa̧sä̧; adikuättümä̧, juätüttü'i̧nä̧ abonä̧nü̧ aditä'ijüsä; juätüttü'i̧nä̧ abonä̧nü̧ kuäkuättinä̧ku̧sä̧; kärenä'i̧nä̧ rü̧ȩnä̧ pinü̧sä̧; tode'ächü'anü̧ jü̧'i̧nä̧ rü̧ȩnä̧ 'kuä'opinü̧sä̧.


Isopäi'ünä̧tä̧ ukutumä̧ Crito i̧wȩyu̧ti̧ä̧u̧jä̧u̧jä̧ wȩyu̧kuojänä̧mä̧kü̧, isoyanä̧mä̧kü̧ ji̧nä̧somä̧ Dio a̧'kua̧rü̧ i̧sa̧ Epíritu-nä̧tä̧ wȩyu̧kui̧'i̧nä̧u̧jä̧; i̧nä̧binä̧'i̧nä̧ wȩyu̧kuo̧ko̧tü̧ pinä̧tü̧jä̧, ji̧nä̧somä̧ kuidepätuku, kua̧mi̧ iso'kitukunä̧ i̧wȩyu̧ti̧nä̧u̧jä̧.


Ja̧'wa̧ta̧nü̧ Jua̧u̧tä̧tä̧ ji̧na̧'a̧, jareünä̧ eseku wȩnȩ taditiyarü pä'ü jo̧mȩnü̧ tünä̧ wo̧juȩti̧nü̧mä̧ jua'a'i̧nä̧ weäwä wȩnȩnä̧mä̧kü̧, Epíritu-nä̧tä̧; isopäi'ünä̧ weäwä wȩnȩmä̧ totte'ächünä̧tä̧ ji̧nü̧ ja̧'wa̧nü̧ ja̧'a̧nä̧ Epíritu jäwämä̧ tta̧'kua̧rü̧ iyü jäwä ja̧'a̧.


Ja̧'wa̧nü̧ ja̧'a̧ttü̧, pi̧yȩ taditäwämä̧ Dio rȩrü̧jü̧ topü iyinä̧u̧ ta'attü̧ 'kuä'ächi'okotüjä̧.


Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.


Ujutumä̧, pi̧yȩ rü̧ȩnä̧ mikuäumä̧ kku̧nä̧rä̧tü̧jä̧ reda'kattü adikuä o̧'ta̧nä̧; jua'amä̧ adiwä juei ujurumä̧, ujututtümä̧ ichokü, Dio-ttütä ichü pä'ü tu̧wo̧jua̧ pä'ü.


Jua̧u̧mä̧ o'kajuiyünä̧ Dio-ttü ichütä ja̧'a̧; Chutä a̧mü̧nä̧ pa̧ja̧tü̧ esekuinä̧u̧jä̧ Crito-nä̧tä̧ ja̧'wa̧nü̧ jȩpü̧ ujuturu iyinä̧u̧jä̧ eseku ikuäwä wȩnȩ tadita pä'ü;


Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.


Pärokua'aku o'kajuiyünä̧tä̧ i̧jȩpä̧tü̧jä̧, Dio aditäwä aditätü pättünä̧, rü̧ȩnä̧ ta̧mi̧'ki'ächi'ätüjä̧, usurä tȩmä̧wo̧mȩnä̧, rekuä rü̧jo̧mȩnä̧, ta̧'kua̧ tta̧tȩkuo̧mȩnä̧;


Jua̧u̧ jäwättütä chadita pä'ü iyäwi'inä̧ku̧sä̧, Dio rettü mipponä̧ iya'attü, chutä ujurunä̧tä̧.


Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.


Jua̧u̧ igresia-nä̧ adikuä i̧sa̧ u̧ju̧ni̧nä̧ku̧sä̧ Dio-mä̧. Chutä i̧wȩnȩ chaditiyarü pä'ü.


Chujuru iyinü̧ chu̧ru̧wa̧ Jesucrito-rü eseusä, jua'amä̧ aditäwänä̧ chadita pä'ü a̧'kua̧ i̧wȩnä̧ri̧no̧mȩttü̧,


Yotükupünä̧ Dio mipponä̧ iyü kuȩmi̧nä̧tu̧ku̧mä̧, kkorotüku ppä'ädü aditätukui adiunä̧ juȩ'ȩpä̧rü̧ adikuä isotü jü̧nä̧.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ