1 Corintios 3:3 - Nuevo Testamento Uwotjüja

³ Jitä'i̧nä̧, kuidepä wea'anä̧tä̧ kka̧kuä̧tü̧jä̧!; ji̧nä̧ ukutunä̧ kka̧'a̧ kuä'kuoyäwätuku, kurowäwätuku'i̧nä̧, päkuä'chäkuäwätuku'i̧nä̧, jü̧nä̧ ja̧'wa̧nü̧ jȩpü̧ pi̧jä̧ jäwänä̧tä̧ kuidepä wea'anä̧ kka̧kuä̧tü̧jä̧.

TÄ̧DO Ä̧CUÄ̧ I̧HUȨNȨ

³ Ucutumä ji̧nä̧ cuamönätucu jähuätä amöcuädätöjä. Ucutumä jȩcu̧'ä̧tu̧cu̧tä̧ jȩcu̧'ä̧tu̧cuo̧mȩnä̧, i̧mi̧cu̧nä̧ amöcuädö, rohuähuä'chö, ji̧nä̧ yo̧mȩtȩ cuamöcuädätucuoca'a, korotö ttö̧ja̧ jȩttö̧'a̧nö̧ jȩpä̧tö̧jä̧.

1 Corintios 3:3 ပူးပေါင်းရင်းမြစ်များ

Romanos 13:13

Mo̧ro̧ kuettächa'a jä̧'i̧nü̧'a̧nü̧ kuetächätukua, adiwomȩnä̧tä̧ amükuädü. Tu̧kuȩ rü̧ȩnä̧ abo 'kuäo'ünä̧ kuä̧nü̧, tä̧'ä̧mä̧'chü̧mä̧kü̧, nä̧tü̧rü̧ jȩpä̧'chü̧mä̧kü̧, rowäkuäumä̧kü̧, kka̧ra̧ u̧ju̧nä̧rü̧ mȩ'o̧pä̧rü̧mä̧kü̧.

1 Corintios 1:10

Chawaruwä chi̧jä̧wa̧tü̧, Tu̧ru̧wa̧ Jesucrito i̧mi̧nä̧ ukuturu jä'epüsä, o'katoi'ünä̧ ji̧nä̧ ji̧yȩtȩnä̧tä̧ amükuädü jȩ'kuä̧tu̧kua̧ pä'ü, i̧mi̧ku̧nä̧ 'kȩ'i̧pä̧chü̧ amükuädäkuäwä juiyünä̧. Ji̧nä̧ ji̧yȩtȩnä̧tä̧ kka̧ku̧, adiwomȩnä̧ amükuädü jȩpä̧tu̧kui̧.

1 Corintios 1:11

Pi̧yȩmä̧ pä'üsä chawaruwä chi̧jä̧wa̧tü̧, ukutu rü̧ȩnä̧ pä'ä'chäkuäu ku̧ja̧kuä̧tu̧kua̧'a̧, Cloé i̧tti̧mü̧ttü̧ ä̧ju̧kuä̧ji̧'ka̧.

1 Corintios 11:18

Ä̧kuo̧mȩnä̧mä̧ pä'üsä, ukutu igresia isotü ku̧ka̧ka̧kui̧'ä̧tu̧kuo̧mȩnä̧mä̧, pä'ä'chäkuäu 'kȩkui̧pä̧chä̧tu̧ku̧ ä̧ju̧ku̧; ja̧'wa̧nü̧ jo̧mȩnä̧ ji̧yȩku̧nä̧mä̧ chesetünä̧ ja̧'a̧.

1 Corintios 3:4

Ja̧'wa̧nü̧ jȩpü̧ yotukunä̧ pä'ätüjä̧: «Ttümä̧ Pauru i̧sa̧sä̧,» kka̧ra̧mä̧ pä'ü, «Aporo i̧sa̧sä̧,» jü̧nä̧, jua̧u̧mä̧ ttidepä weünä̧ kkä̧tü̧ päwä ja̧'a̧.

2 Corintios 12:20

Ja̧'wa̧nü̧ ja̧'a̧ttü̧ yȩ'ȩkua̧sä̧ chi̧rȩbȩwi̧'o̧mȩnä̧, chüjü'koka'aku jȩpü̧ ku̧jä̧tu̧ku̧ 'kua̧ra̧'a̧ pä'ü ja̧'wa̧ta̧nü̧ ttü'i̧nä̧ ukutu kuju'kätukuokomȩnä̧ jȩchü̧ 'kua̧ra̧'a̧ pä'ü; rowäkuäwänä̧tä̧, ttu̧ju̧nä̧ri̧yä̧u̧ kkü'käwokünä̧tä̧, pä̧i̧nä̧tä̧, i̧mi̧ku̧ juoächäkuäwänä̧tä̧, suronä̧ pä'chäkuäwänä̧tä̧, jarode'äkuäwänä̧tä̧ ja̧'wa̧ta̧nü̧ wȩnȩ jü̧nä̧ kkä̧kuä̧wä̧nä̧tä̧, jü̧nä̧;

Gálatas 5:15

Ja̧'wa̧nü̧ ja̧'a̧nä̧ yü̧yü̧pä̧kuä̧u̧, kurowäwätukuttümä̧, kua̧mü̧nä̧tä̧ kuä'äkuäu kuikuäkuotüjä̧.

Tito 3:3

Isopäi'ünä̧ ujutu'i̧nä̧ ä'kojimä̧, amükuädäwä̧mä̧ jui'inä̧tü̧jä̧ ja̧'wa̧ta̧nü̧ pä̧i̧kui̧nä̧tü̧jä̧; re'tewächinä'kotü kue'ächü kkä̧nü̧ tidepä weü ujuturu kkü'kekutä o'kajuiyünä̧ jȩpü̧ kka̧kui̧nä̧tü̧jä̧. Surojünä̧ kkä̧nü̧, kkorotü ttu̧ju̧nä̧ri̧yä̧u̧ kkü'kokotü pinä̧tü̧jä̧, ttüjü'koko̧u̧mä̧, kkorotüku pä'ä'chäkuäutä kka̧kui̧nä̧tü̧jä̧.

Santiago 3:16

Kkü'käwokütä, rowäwäkuäwätä kka̧kuo̧mȩmä̧ ja̧'wa̧ta̧nü̧ surojuoepü'i̧nä̧ o'kajuiyünä̧ surojü'i̧nä̧ kka̧kua̧'a̧.

1 Pedro 4:2

Dio-rü pä̧wä̧rü̧jo̧mȩnä̧ tokue'ächomȩbü̧ päi'ünä̧ ü̧jä̧kua̧'a̧nü̧ ttü̧ja̧rü̧ pä̧wä̧rü̧ja̧'a̧ku̧mä̧kü̧.