1 Corintios 3:16 - Nuevo Testamento Uwotjüja

¹⁶ ¿Ukutumä̧, Dio ojusode jü̧nä̧ kuätukua'amä̧ ja̧'wa̧ta̧nü̧ Dio i̧sa̧ Epíritu ukutunä̧ ü̧ja̧'a̧mä̧ kuieruwätukua'a tä̧jí̧?

TÄ̧DO Ä̧CUÄ̧ I̧HUȨNȨ

¹⁶ Dios ucutucu ö̧ja̧'a̧ttö̧, Dios ö̧jo̧mȩ huotöjä ¿jerupätöjä tä̧ji̧? Ja̧'hua̧ta̧nö̧ Espíritu Santomä ucutucu kö̧ pä'ö ¿jerupätöjä tä̧ji̧?

1 Corintios 3:16 ပူးပေါင်းရင်းမြစ်များ

San Juan 14:17

isopäi'ünä̧ i̧sa̧ Epíritu-ru, Dio-rü esetokotümä̧ ttȩmü̧ juiyünä̧ wa̧rü̧. Topü'i̧nä̧ tottokoku, jerupü'i̧nä̧ ttieruwäku. Ja̧'wa̧nü̧ ja̧'a̧nä̧ ukutumä̧ ku̧wo̧juä̧tu̧kuä̧ku̧, ukututäku ü̧ja̧'a̧ttü̧.

Romanos 6:16

Ukutumä̧ wo̧juä̧tü̧jä̧ ya̧tȩ ttu̧ru̧wa̧rü̧ umüwäyotü jü̧nä̧ ttiyäwomȩnä̧mä̧, umüwäyotü jü̧nä̧ ttukuota pä'ütä ja̧'a̧. Ja̧'wa̧nü̧ ja̧'a̧ttü̧ surojü ttukuotomȩnä̧mä̧ wa'arera̧'a̧tä̧ ȩpü̧, ja̧'wa̧ta̧nü̧ Dio-rü ttukuotomȩnä̧mä̧ adiwä juei ttukuotünä̧ ja̧'a̧.

Romanos 6:3

¿Ukutumä̧ yoriso o'katoi'ünä̧ jerupätüjä̧ tä̧jí̧, jua̧u̧ bautizo jȩi̧nü̧nä̧ jȩtä̧kuä̧wi̧na̧'a̧mä̧, wa'ü ikuinü̧nä̧'i̧nä̧ bautizo jȩpä̧kuä̧wä̧tü̧jä̧, pä'ümä̧?

Romanos 8:11

Isopäi'ünä̧ Jesú-ru wa'arettü tto'ädinü̧ Epíritu ukutunä̧ ü̧jo̧mȩnä̧mä̧, ukutu kuidepätuku wa'are jäwä'i̧nä̧ tto̧ä̧dä̧kua̧, chutä a̧'kua̧rü̧ i̧sa̧ Epíritu ukutunä̧ ü̧ja̧'a̧ttü̧.

Romanos 8:9

Ja̧'wa̧nü̧ ja̧'a̧nä̧, täkü ukutumä̧ kuidepä wea'anä̧mä̧ kka̧kuo̧ko̧tü̧jä̧, Epíritu-tä wea'anä̧ kka̧kuä̧tü̧jä̧, ukutunä̧ Dio i̧sa̧ Epíritu ü̧ja̧'a̧ttü̧. Ja̧'wa̧nü̧ ja̧'a̧ttü̧ Crito i̧sa̧ Epíritu-ru to'ätümä̧, Crito-kumä̧ wokotü.

1 Corintios 3:17

Ya̧tȩ Dio ojusode si'epü ikuttümä̧, churutä si'epü i̧kuä̧kua̧; jua'amä̧ ukututä Dio ojusode, surojü juiyode kuätukua'attü.

1 Corintios 3:9

Isopäi'ünä̧ ujutumä̧, Dio aditäwätä adikuä isotüjä̧ ja̧'wa̧ta̧nü̧ ukutumä̧ Dio u̧kuȩ kuäwä jü̧nä̧, ojusode jü̧nä̧ wotüjä̧.

1 Corintios 5:6

Pi̧yȩ jäwänä̧ ukuo te'äu kueseäkuäwätukua pä'ümä̧ jui'ätüjä̧. ¿Ukutumä̧ jerupätüjä̧ tä̧jí̧?: ¿«Levadura-mä̧ a̧'u̧ku̧nä̧tä̧ ja̧'a̧nä̧'i̧nä̧ isäwa ppü̧ä̧mi̧'ü̧nä̧ jü̧ pä'ümä̧»?

1 Corintios 6:16

¿Ukutumä̧ jerupätüjä̧ tä̧jí̧, ya̧tȩ mä̧nä̧ isajuru ppä'ächi'ümä̧, juäjuku, idepämä̧ ji̧nä̧ ji̧yȩtȩ pä'i'ü pä'ümä̧? Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Ta̧ju̧ päjätümä̧, ttidepämä̧ ji̧yȩtȩ pätti'äkuotü,» jü̧nä̧.

1 Corintios 6:19

¿Ja̧'wa̧ta̧nü̧ jerupätüjä̧ tä̧jí̧, ukutu kuidepätuku jättäjimä̧ Epíritu Sa̧tu̧ ü̧jo̧de pä'ümä̧, ukutunä̧ kkü̧, Dio iyinä̧ku̧ pä'ümä̧ ja̧'wa̧nü̧ ja̧'a̧ttü̧ ujutu tidepämä̧kü̧ ja̧'a̧ pä'ümä̧?

1 Corintios 6:9

¿Ukutumä̧ juiyo jerupätüjä̧ tä̧jí̧, suronä̧ jȩpä̧tü̧mä̧, ru̧wa̧ Dio weomȩmä̧ dodettokäkuotü pä'ümä̧? Kua̧mü̧nä̧mä̧ kuyapareäkuäwätukuä: nä̧tü̧rü̧ jȩpä̧'chä̧tü̧'i̧nä̧, ttü̧ä̧nä̧wo̧tü̧rü̧ kku̧nä̧rä̧'chä̧tü̧'i̧nä̧, tti̧rȩkua̧mü̧ pokotüku jȩpä̧'chä̧tü̧'i̧nä̧, u̧mä̧tü̧ nä̧tü̧ jü̧nä̧ jȩ'pä̧chä̧kuä̧wä̧tü̧'i̧nä̧, kkawaruwajuku a̧wa̧ru̧wa̧ku̧ jȩpä̧'chä̧kuä̧wä̧tü̧'i̧nä̧,

1 Corintios 9:13

¿Ukutumä̧ jerupätüjä̧ tä̧jí̧, ukuo jäwänä̧ aditätümä̧, Dio-rü ukuokuäkuäwodettü kuä̧nü̧ kkä̧tü̧ pä'ümä̧. Ja̧'wa̧ta̧nü̧ altar pättomȩ aditätümä̧, altarttü kuä̧nü̧ kka̧kuä̧tü̧ pä'ümä̧?

1 Corintios 9:24

Isopäi'ünä̧ wo̧juä̧tü̧jä̧, joäkuäwä isotü jottomȩnä̧mä̧, o'katoi'ünä̧tä̧ jopätü pä'ü ja̧'wa̧nü̧ ja̧'a̧nä̧ ya̧tȩtä̧ ja̧'a̧ joäji mikuä premio pättü ȩmi̧pü̧mä̧. Ja̧'wa̧nü̧ jü̧ta̧'a̧nü̧, ukutu'i̧nä̧ premio pättü kuȩmä̧tu̧ku̧nä̧ päi'ünä̧ jopätukui.

2 Corintios 6:16

Ja̧'wa̧ta̧nü̧ ukutumä̧ Dio ü̧jo̧de (templo) pättodejä̧; ja̧'wa̧nü̧ ja̧'a̧ttü̧ ttü̧ä̧nä̧wo̧tü̧rü̧ esetätukumä̧ wokotüjä̧. Dio-mä̧ pä'inü̧: «juätü chȩmi̧nä̧u̧ku̧ ttü̧'kä̧tȩnä̧ kkä̧nü̧, kuȩdä̧chä̧kua̧sä̧, ja̧'wa̧ta̧nü̧ juätümä̧ Ttü̧ä̧nä̧wa̧ Dio chä̧kua̧sä̧, jitütämä̧ chumüwäyotü ttäkuotü»

1 Timoteo 3:15

Rekuo mo̧ro̧ todeputtü'i̧nä̧, Dio 'kuäopünä̧ kkü̧ umüwäyotü igresia wotürü adiu juekuȩpä̧rä̧kua̧'a̧nü̧. 'Chu̧'ä̧rä̧kuä̧u̧ ja̧'wa̧ta̧nü̧ isopäi'ünä̧ wȩnȩ ja̧'a̧ pä'ätümä̧.

2 Timoteo 1:14

Epíritu Sa̧tu̧ ujutunä̧ kkü̧ ppä̧dä̧ra̧'a̧nä̧ adiwomȩnä̧ wo̧juȩkuä̧ ukuru weäwi'inü̧mä̧ tta̧'a̧ri̧.

Hebreos 3:6

Ja̧'wa̧nü̧ ja̧'a̧nä̧ Crito-mä̧, Dio I̧tti̧ ja̧'a̧, Chutä ojusode tta̧wä̧rä̧kuä̧wä̧ i̧sa̧, juodemä̧ ujututä ja̧'a̧. Ja̧'wa̧ta̧nü̧ ujutumä̧ juätütä isotüjä̧ isopäi'ünä̧ eseunu̧ ta̧mi̧ 'ki'ächi'ü ti̧'chü̧ttü̧mä̧, surojüttü kki̧'ä̧kuä̧wä̧ tȩmä̧kuo̧tü̧jä̧.

Santiago 4:4

¡Ukutu ttü̧ja̧ ukuotokotümä̧! ¿Yoriso jerupätüjä̧, pi̧jä̧nä̧ jäwä awaruwä juo'ächätümä̧ Dio aboiyotü ja̧'a̧ pä'ümä̧? Ya̧tȩ pi̧jä̧ jäwä a̧wa̧ru̧wa̧ juo'ekumä̧ Dio a̧bo̧i̧ya̧ jü̧nä̧tä̧ juoächü.

1 Pedro 2:5

Pa̧'a̧nü̧ jo̧mȩttü̧, Dio-mä̧ i̧no̧'kiyä wa'ü ikuoko'ki jä̧'i̧nü̧'a̧nü̧ jü̧nä̧ jȩä̧kuä̧u̧jä̧, Epíritu jäwä ojusode jü̧nä̧'i̧nä̧, ja̧'wa̧ta̧nü̧ ya̧tȩ sacerdote surojü jui̧'a̧ jü̧nä̧'i̧nä̧, Epíritu jäwänä̧ sacrificio jü̧nä̧ Jesucrito-nä̧ iyätukuaku pä'ü Dio esewomȩnä̧.

1 Juan 4:12

Dio-mä̧ ya̧tȩ'i̧nä̧, yorisotä tookoku ja̧'a̧nä̧; ujutu yotükupünä̧ eseu repetäkuäuttümä̧, Dio-mä̧ ujutunä̧ kkü̧ ja̧'wa̧ta̧nü̧ Jua̧u̧ eseu repeü'i̧nä̧ ujutunä̧ kkä̧kua̧'a̧.