1 Corintios 3:10 - Nuevo Testamento Uwotjüja

¹⁰ Ttümä̧, Dio-rü pä̧wä̧rü̧jo̧mȩnä̧, juode kkada'ka 'chu̧ä̧ro̧mȩ jȩpü̧ kku̧ni̧nü̧sä̧: Jesucrito jäwä jareü wȩnȩ ji'äu. Ja̧'wa̧nü̧ ji̧na̧'a̧, kkorotümä̧ juȩnȩ wä̧mȩnä̧ aditätü. Ja̧'wa̧nü̧ ji̧na̧'a̧ttü̧, yotukunä̧ juȩnȩ wä̧mȩnä̧ aditätümä̧ ttu̧'ȩpä̧rü̧nü̧, aditätukui.

TÄ̧DO Ä̧CUÄ̧ I̧HUȨNȨ

¹⁰ Iso päi'önä Diosrö pä̧huä̧ rö̧jo̧mȩnä̧, hue'inödo ttörö äcuomenä icui'quiyu chu̧ju̧na̧ pä'ö. Ja̧u̧nu̧ o'ca'a, korotömä ppä'ädö aditätö. Ja̧'hua̧nö̧ ttaditomenä, iso päi'önä ttu̧ȩcuä̧nä̧ ttaditö'a̧nö̧ ja̧'a̧.

1 Corintios 3:10 ပူးပေါင်းရင်းမြစ်များ

San Mateo 24:45

¿Tideja̧'a̧jä̧ttü̧ u̧mü̧wä̧ya̧ ttu̧'ȩpä̧rü̧nü̧ ukuotümä̧? jua̧u̧mä̧ chú jä̧kua̧'a̧, u̧ru̧wa̧ ojusodenä̧ we'ü u̧ju̧ni̧'ä̧ku̧, ttu̧kuȩ iyäwomȩ pätekuächomȩnä̧ iyiyarü pä'ü.

San Mateo 7:24

Ja̧'wa̧nü̧ ja̧'a̧ttü̧, yotukunä̧ ttü pädü ä̧ju̧ku̧ jȩpü̧mä̧, ya̧tȩ wo̧juȩku̧nä̧ amükuädü i̧nä̧wänä̧ ojusode aditinü̧'a̧nü̧ wa̧,

San Lucas 11:35

Ja̧'wa̧nü̧ ja̧'a̧ttü̧ ukunä̧ kkü̧ tȩya̧u̧mä̧, yo̧ü̧ jü̧ juiyünä̧ kkä̧wi̧.

San Lucas 21:8

Ädätinä̧u̧: Yapareu jittäu kuesetätukuoka'a ttu̧'ȩpä̧rü̧nü̧ kka̧kuä̧tu̧kui̧. Isopäi'ünä̧ rekuätü ttü chi̧mi̧nä̧ ttichäkuotü. Pa̧'a̧nü̧ pä'ätü: «Ttütäsä Crito-mä̧, täkü jitä mo̧ro̧ pätekuächa'a» pätta'anä̧ kuesetätukuä.

Hechos 18:27

Ja̧'wa̧nü̧ ja̧'a̧ Aporo-mä̧ Acaya rȩjȩra̧'a̧ku̧ i̧'cha̧ pä'ü amükuädiyä̧u̧, awaruwä i̧jä̧wa̧tü̧mä̧ eseu kuyäru isojä wȩyu̧tu̧ iyü ppättädinä̧ku̧ jua'a Acaya-ttü Jesucrito-rü esetätü adiu ppättädarü pä'ü. Acaya rȩjȩra̧'a̧ i̧'chi̧'o̧mȩnä̧, rekuätürü ppä'ädinü̧ Dio re ü̧ji̧nü̧ jäwänä̧ esetätürü.

Romanos 1:5

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.

Romanos 12:3

Dio re kkä̧nü̧ apóto jü̧nä̧ ü̧ji̧ni̧nä̧ku̧ pä'üsä, ukuturu'i̧nä̧ Dio mippoünä̧ iyinü̧ kka̧'a̧ttü̧, u̧wä̧mȩnä̧mä̧ kuamükuädäwätukuä. Yotukunä̧ jȩ'kuä̧tu̧kuä̧kuȩ Dio iyina̧'a̧ku̧tä̧, kua̧'kua̧ wȩnä̧rü̧ amükuädätukui.

Romanos 15:15

Ja̧'wa̧nü̧ ja̧'a̧nä̧'i̧nä̧, kkorojueittü ji̧yȩku̧nä̧ wäjuönä̧ wȩyu̧tu̧sä̧, yaboku ku̧wo̧juä̧chi̧'ä̧tu̧kua̧ pä'ü. Dio ttürü re ü̧ji̧no̧mȩttü̧tä̧.

Romanos 15:20

Ja̧'wa̧nü̧ ja̧'a̧ttü̧, aditinü̧sä̧, jareü wȩnȩmä̧ ä'koji Crito ütü'kü jittäwokomȩ jä̧'i̧jo̧mȩ pünä̧tä̧, kkorotü jittäwä'ijü wä̧mȩtü̧ jidäu juiya pä'ü.

1 Corintios 3:11

Ja̧'wa̧nü̧ täkü yo̧mȩtȩ kka̧'a̧ttü̧, ya̧tȩ'i̧nä̧ kkoromȩ i̧mi̧ku̧nä̧ jo̧mȩ 'chu̧ä̧ro̧mȩ, adita pä'ümä̧ juiya'a, juȩnȩ 'chu̧ä̧ro̧mȩmä̧ Jesucrito-tä ja̧'a̧.

1 Corintios 9:2

Kkorotümä̧, Apóto-mä̧ wokü pätta'anä̧; ukuturumä̧ isopäi'ünä̧ apóto wa̧sä̧, isopäi'ünä̧ ukutu Jesucrito-rü kuesetätuku ja̧'a̧ i̧jȩpü̧mä̧, ttü apóto cha'a.

2 Corintios 10:15

Ja̧'wa̧nü̧ ja̧'a̧ttü̧, kkorotü ttaditinü̧nä̧mä̧ esewokotüjä̧, ujutu taditüttü rä'opächümä̧. Ja̧'wa̧nü̧ ja̧jü̧ jueimä̧, ukutuku tadita pä'ätüjä̧ kua̧'kua̧ ku̧wȩnä̧rä̧tu̧ku̧ rü̧ä̧chü̧ta'anü̧, ujutu rü̧tä̧chü̧nä̧ tu̧wo̧juȩti̧nü̧nä̧;

Efesios 2:20

Ukutumä̧, apótore winä̧tü̧'i̧nä̧, profetas pinä̧tü̧'i̧nä̧ isode rü̧o̧de, kkada'kiyu ttäräbe'a'a jä̧'i̧nü̧'a̧nü̧ ttaditinü̧nä̧ wotüjä̧, ji̧nä̧so yo'kitä jueü ino'kimä̧ Crito-tä jü̧nä̧.

Colosenses 1:29

Jua̧u̧ ja̧'a̧tȩ'ü̧ usurä ȩmä̧u̧sä̧, Crito ujurunä̧, chutä chujuru iya'anä̧.

Colosenses 4:17

Arquipo-rü'i̧nä̧ ji'äwätukui: Tu̧ru̧wa̧ weinü̧ aditäwä adiwomȩnä̧ aditäkua'anü̧.

1 Tesalonicenses 3:2

Ja̧'wa̧nü̧ jä̧u̧, ta̧wa̧ru̧wa̧ ti̧jä̧wa̧ Dio i̧wȩnȩ, Crito i̧wȩnȩ jareü wȩnȩ jiäkuäwä ppä'ädä̧ri̧'i̧jü̧, Timoteo-rütä, ukuturu we'ätüjä̧ ppädätukuaku pä'ü.

1 Timoteo 4:16

Kua̧mü̧nä̧ pa̧ja̧tü̧'i̧nä̧ tta̧'a̧rä̧kuä̧wi̧ ja̧'wa̧ta̧nü̧ kkorotürü ku̧wo̧juȩtü̧mä̧ ttu̧'ȩpä̧rü̧nü̧ wo̧juȩti̧, o'kajuiyünä̧ adiwomȩnä̧tä̧ jȩpi̧. Ja̧'wa̧nü̧ jȩ'kuo̧mȩnä̧tä̧ ukutä'i̧nä̧, ku̧wo̧juȩtü̧ ä̧ju̧kuä̧tü̧'i̧nä̧ surojü jȩä̧kuä̧wä̧ttü̧mä̧ ttü̧ja̧kui̧'ä̧kuo̧tü̧.

2 Timoteo 2:15

Dio ä'ka jo̧mȩ kui̧'chi̧'a̧ o'kajuiyünä̧ jȩpi̧, ya̧tȩ adikuä i̧sa̧ jo̧mȩnü̧ wa̧ dä'äkuokü, isopäi'ünä̧ wȩnȩtä̧ wo̧juȩtü̧ jä̧'i̧nü̧'a̧nü̧ jü̧nä̧.

Santiago 3:1

Chawaruwä chü̧jä̧wa̧tü̧, ukututtü rekuätü wo̧juȩkuä̧ isotü jü̧nä̧mä̧ juokuätukuä, ja̧'wa̧ta̧nü̧ täkü wo̧juä̧tü̧jä̧ tu̧wo̧juȩtü̧nä̧tä̧ Dio-mä̧ kkorotüttü'i̧nä̧ abonä̧nü̧ ro̧ȩpä̧kuo̧tü̧jä̧ pä'ümä̧.

1 Pedro 4:11

Ya̧tȩ ukuokuttümä̧, Dio i̧wȩnȩ päü'anü̧ ukuoku. Ya̧tȩ ji̧yȩtȩ aditüttümä̧ Dio ujuru iyü'akuä̧ aditü, o'kajuiyünä̧ jȩ'ku̧mä̧, Dio-rü Jesucrito-nä̧ tteseunä̧ jȩpi̧, eseäkuäwä'i̧nä̧, ttujuru'i̧nä̧ 'kuäopünä̧ u̧ru̧wa̧rü̧tä̧. Amȩ́.

2 Pedro 3:15

Ja̧'wa̧ta̧nü̧ tü̧ä̧nä̧wa̧mä̧ surojüttü ttü̧ji̧pi̧ya̧rü̧ pä'ü a̧mi̧'ki'ächi'ü tta̧'a̧rü̧. Ta̧wa̧ru̧wa̧ ti̧jä̧wa̧ Pauru'i̧nä̧ pi̧yȩtä̧ tü'kü wȩyu̧tu̧ we'inü̧ ukuturumä̧, wo̧juä̧wä̧ wȩnȩ jua̧u̧ru̧ Dio iyinü̧'a̧kuä̧.

Apocalipsis 21:14

Ja̧'wa̧ta̧nü̧ ütawiyä tto̧ȩpäräbä 'chu̧ä̧ro̧mȩ kkada'kamä̧ ttü̧jä̧pü̧ttü̧ todäre jäwä jo̧mȩnä̧ i̧nä̧wiyä jȩpü̧ kku̧nä̧wi̧na̧'a̧, jua̧u̧ owänä̧mä̧ oweja mü̧ä̧ya̧ jü̧nä̧ wa̧ umüwäyotü apótore, ttü̧jä̧pü̧ttü̧ todäre jo̧mȩnä̧ wotü tti̧mi̧pi̧yä̧ wȩyu̧kua̧'a̧ pȩji̧na̧'a̧.

Apocalipsis 21:19

Ttoekuäbä 'chu̧ä̧rü̧ kkada'kiyu inä̧wiyämä̧ o'kajuiyünä̧ ido'ki rü̧ȩnä̧ mikuäuttü a̧'kua̧tä̧kuä̧wa̧'a̧ ji̧na̧'a̧: Ä̧kuo̧mȩnä̧mä̧, diamante-ttü̧ ji̧na̧'a̧; kkoro'kamä̧, zafiro pättüttü adikuina̧'a̧; wäbodäkuä isä'kamä̧, ágata pättüttü adikuina̧'a̧; pa̧ja̧kuä̧nü̧ isä'kamä̧, emerada pättüttü adikuina̧'a̧;