1 Corintios 2:5 - Nuevo Testamento Uwotjüja

⁵ Jua'amä̧ ukutu kua̧'kua̧ ku̧wȩnä̧rä̧tu̧ku̧mä̧, pi̧jä̧ ttü̧ja̧ ttu̧wo̧juö̧nä̧ 'chu̧ä̧rü̧nä̧ kkada'ka jü̧nä̧ ttü̧ja̧jü̧ jueimä̧, Dio ujurunä̧tä̧ kkada'ka jü̧nä̧ ku̧ja̧kuä̧tu̧kua̧ pä'ü.

TÄ̧DO Ä̧CUÄ̧ I̧HUȨNȨ

⁵ Ja̧'hua̧nö̧ ji'ähuinösä, pi̧jä̧ ttö̧ja̧ ttu̧huo̧ju̧nä̧ cuesetätucu juiyäcua'a̧nö̧. Ji̧yȩä̧cuȩtä̧ Dios ujurunätä adiu cuesetätucua pä'inösä.

1 Corintios 2:5 ပူးပေါင်းရင်းမြစ်များ

Hechos 16:14

Ja̧'wa̧nü̧ ja̧'a̧, yajute Lidia pä'ü mi̧kuaju; púrpura pättü iyäwä isaju, Tiatira ütawiyä ttü̧ja̧saju, Dio-rü esetä'ijäju juȩnȩ ä̧ju̧kuä̧rü̧ pinä̧ju̧, Pauru jiäwa'a. Juäjuru kka̧mi̧so'ki ba'epinü̧ Tu̧ru̧wa̧mä̧, Pauru jiwa'a adiu kkä̧ju̧kua̧ pä'ü.

1 Corintios 1:17

Isopäi'ünä̧ Crito-mä̧, bautizo jȩcha̧ pä'ümä̧ weokoku pinü̧sä̧, jua̧u̧ ja̧jü̧jueimä̧ jareü wȩnȩtä̧ jidäwa pä'ü weinä̧ku̧sä̧; jua'a'i̧nä̧ wo̧juä̧wä̧ wȩnȩ kkü̧nä̧mä̧kü̧, Crito ü̧jo̧kä̧ jäinä̧ 'koru juo'ächinü̧, mikuäu toe'ächü juiya pä'ü.

1 Corintios 3:6

Ttümä̧ Jesucrito jäwä jareü wȩnȩ jidäwa'anä̧ Aporo-mä̧ yabonü̧ Jesucrito-rü tta̧'kua̧ ttu̧wȩnä̧rü̧nä̧ wo̧juȩti̧nü̧ ja̧'wa̧nü̧ ja̧'a̧nä̧ ji̧nä̧so tä̧mü̧ juottünä̧ jȩpi̧nü̧mä̧ Dio-tä ja̧'a̧.

2 Corintios 12:9

Ja̧'wa̧nü̧ jädepomȩnä̧ ädätinä̧ku̧sä̧: «Ppädäda'anä̧tä̧'i̧nä̧, jo̧mȩnü̧ ja̧'a̧, isopäi'ünä̧ ttü chujurumä̧, ttijuiyüwuönä̧ adiu juoächa'a.» Ja̧'wa̧nü̧ ja̧'a̧ttü̧, cha̧mi̧ 'kuädünä̧tä̧ rü̧ȩnä̧ eseusä, jua'amä̧, Crito ujuru ttünä̧ kka̧ pä'ü.

2 Corintios 4:7

Ujutumä̧, pi̧yȩ rü̧ȩnä̧ mikuäumä̧ kku̧nä̧rä̧tü̧jä̧ reda'kattü adikuä o̧'ta̧nä̧; jua'amä̧ adiwä juei ujurumä̧, ujututtümä̧ ichokü, Dio-ttütä ichü pä'ü tu̧wo̧jua̧ pä'ü.

2 Corintios 6:7

jueü wȩnȩnä̧ tü̧jo̧mȩnä̧'i̧nä̧, Dio ujurunä̧ tü̧jo̧mȩnä̧'i̧nä̧ ja̧'wa̧ta̧nü̧ ttu̧wo̧jua̧'a̧ku̧nä̧, ttieruwa'akunä̧, adiwomȩnä̧ tü̧ji̧pa̧ja̧ pä'ü'i̧nä̧ jueünä̧tä̧ jȩpä̧tü̧jä̧;