1 Corintios 2:3 - Nuevo Testamento Uwotjüja

³ Jua'a ukuturu wo̧juȩtü̧ chi̧wä̧chi̧nü̧mä̧ ukuo i̧sa̧ 'kua̧rü̧ juiyünä̧ topäkuäu, ja̧'wa̧ta̧nü̧ ye'eku rü̧ȩnä̧ tti̧'ä̧wi̧nü̧sä̧.

TÄ̧DO Ä̧CUÄ̧ I̧HUȨNȨ

³ Rö̧ȩnä̧ amöcuädö ye'ecu, ttö̧'ä̧u̧nu̧ juiyupächi'önö ki̧nö̧sä̧ cu̧'quȩtȩtu̧cu̧nä̧.

1 Corintios 2:3 ပူးပေါင်းရင်းမြစ်များ

Hechos 17:1

Pauru-mä̧, Sira-ku Anfípolis ütawiyänä̧'i̧nä̧, Apolonia ütawiyänä̧'i̧nä̧ 'kuä'opäjä'kotü Tesalónica ütawiyänä̧ rȩbȩä̧kuä̧wi̧'i̧nä̧tü̧, judío ttiäre sinagoga isode kko̧mȩ.

Hechos 18:1

Pi̧yȩ o'komȩnä̧mä̧, Pauru-mä̧ Atenas ütawiyättü rä'opächü Corinto ütawiyära̧'a̧ku̧ 'chi̧nü̧.

Hechos 18:12

Ja̧'wa̧nü̧ ja̧'a̧nä̧ Acaya rȩjȩnä̧mä̧, Galió̧ pä'ü mi̧kua̧ Gobernador weü pä̧nä̧ ja̧'a̧, judío-mä̧ Pauru-rü suronä̧ amükuädü 'chu'ädäjä'kotü ruwotü tribunal pä̧ttä̧u̧ ttä'ka jo̧mȩku̧ ȩpä̧jä̧'kotü,

Hechos 18:6

Ja̧'wa̧nü̧ juätü to'ija̧'a̧ku̧ suronä̧ pä'ü kkü'kü jui'ü wottäku, Pauru-mä̧ ü̧'ka̧tä̧wä̧ta̧ käroku iku, päinä̧u̧: ukututä jäwä ja̧'a̧, Dio ukuturu ro̧ȩpü̧ttü̧mä̧, täkü ukuturumä̧ jidäwa'attü̧. Porü yabokumä̧ judío pokotürütä jidäwä̧kua̧sä̧.

2 Corintios 10:1

Ttü Pauru-mä̧, Crito ukuturu eseu re ü̧ji̧nü̧nä̧ jä'epüsä, ukutuku chü̧jo̧mȩnä̧mä̧ adiwä i̧sa̧ pättä'ijäku cha'anä̧, kkara'a chü̧jo̧mȩnä̧mä̧ ujuruku pä'ü pättä'ijäku cha'attü. Jua'a ukuturu topü chichomȩnä̧, ujuturu suronä̧ pä'ä'ijätürü pä̧i̧ku̧nä̧ pädü juiyäkua'anü̧;

2 Corintios 10:10

Isopäi'ünä̧ yotukunä̧mä̧ pä'ätü: «ttü chi̧wȩyu̧tu̧mä̧, juiyo pä̧i̧ku̧nä̧ baraunä̧ rȩmi̧pa̧'a̧; ja̧'wa̧nü̧ ja̧'a̧nä̧ cha̧mü̧nä̧ pa̧ja̧tü̧ chukuokuomȩnä̧mä̧» pä̧i̧ku̧nä̧mä̧ ukuokuokü pä'ijü pä'ätü ja̧'wa̧ta̧nü̧ ukuokuäkuäwä'i̧nä̧ jȩru̧pa̧, pättäkusä.

2 Corintios 13:4

Isopäi'ünä̧ juiyu̧pa̧ 'kua̧rü̧nä̧ ü̧jo̧kä̧nü̧ jäinä̧ 'korujuo'ächina̧'a̧nä̧, Dio ujurunä̧ kkü̧ jitämä̧. Ja̧'wa̧nü̧ ji̧nü̧ta'anü̧ ujutu'i̧nä̧ ijuiyüwinü̧nä̧ tü̧ja̧kua̧'a̧nä̧, chunä̧tä̧ tü̧ja̧ku̧ttü̧mä̧, Dio ujurunä̧ tü̧ja̧kuä̧kuo̧tü̧jä̧.

2 Corintios 13:9

Ja̧'wa̧nü̧ ja̧'a̧ttü̧, ujutu tijuiyuwomȩnä̧mä̧ esewätüjä̧, pärokua'aku ukutu kujuruwätukua'anä̧; ja̧'wa̧ta̧nü̧ yabokutä Dio-rü ukuokuätüjä̧ Crito-rü ukuotü juekuekuächätukunä̧.

2 Corintios 4:1

Ja̧'wa̧nü̧ ja̧'a̧ttü̧, pi̧yȩ taditäwämä̧ Dio rȩrü̧jü̧ topü iyinä̧u̧ ta'attü̧ 'kuä'ächi'okotüjä̧.

2 Corintios 4:16

Ja̧'wa̧nü̧ ja̧'a̧ttü̧, juiyupächi'okotüjä̧. Wä̧mȩnä̧ tidepämä̧ 'kuo̧pa̧ja̧'a̧nä̧ surojuoächa'anä̧, jakuänä̧ ta̧'kua̧rü̧mä̧ mo̧ro̧ji̧nü̧'a̧kuä̧ jareünä̧tä̧ juoächa'a.

2 Corintios 6:4

Pärokua'aku o'kajuiyünä̧tä̧ i̧jȩpä̧tü̧jä̧, Dio aditäwä aditätü pättünä̧, rü̧ȩnä̧ ta̧mi̧'ki'ächi'ätüjä̧, usurä tȩmä̧wo̧mȩnä̧, rekuä rü̧jo̧mȩnä̧, ta̧'kua̧ tta̧tȩkuo̧mȩnä̧;

2 Corintios 7:15

Ja̧'wa̧ta̧nü̧ Tito-mä̧ ukutu o'katoi'ünä̧rü̧ rü̧ȩnä̧ amükuädü, ukuotü kkä̧nü̧, päüta'anü̧ kuesetinä̧tu̧kuä̧ku̧. Ja̧'wa̧nü̧ ja̧'a̧ttü̧ ukuturu eseu.

2 Corintios 7:5

Macedonia ütawiyänä̧ tichi'ino̧mȩbü päi'ünä̧, 'kuä'ächi'ümä̧ pȩjä̧mo̧ko̧tü̧jä̧, o'kajuiyünä̧tä̧ usurä ȩmä̧wä̧tü̧jä̧: u̧mi̧ttü̧mä̧, rowäkuäwä'i̧nä̧; jakuänä̧ttü̧mä̧ ye'ekuäjätüjä̧.

Efesios 6:5

Tturuwotürü kku̧nä̧rä̧tü̧mä̧, pi̧jä̧nä̧ttü̧ kuruwotürü ukuotätukui. Ye'ekunü̧tä̧, eseunü̧tä̧ ukuotätukui kua̧mi̧ iso'kitukunä̧, Crito-rü kukuotätukuta'anü̧.