1 Corintios 2:1 - Nuevo Testamento Uwotjüja

¹ Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧, Dio ütü'kü ji'äu chi̧wä̧chi̧nü̧mä̧, adiu a̧'kua̧ku̧nä̧ aditü ikumä̧ ji'äwokü pinü̧sä̧.

TÄ̧DO Ä̧CUÄ̧ I̧HUȨNȨ

¹ Iso päi'önä chö̧jä̧hua̧tö̧, Dios i̧huȩnȩ ji'äu chi̧'cho̧mȩnä̧, ucuturu rö̧ȩnä̧ huo̧ju̧nä̧ ttucuocu'a̧nö̧mä̧ ucuocuocö pi̧nö̧sä̧.

1 Corintios 2:1 ပူးပေါင်းရင်းမြစ်များ

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

Hechos 22:18

Chu̧ru̧wa̧rü̧ tochäku, päinä̧ku̧sä̧: Jurunä̧, rä'opächi Jerusarȩ́ ütawiyättümä̧, Ttü chütü'kü jikuäumä̧ ttesetokäkua̧jä̧.

Romanos 16:18

Juätümä̧ Tu̧ru̧wa̧ Jesucrito-rü ukuotümä̧ jȩpo̧ko̧tü̧, pärokua'aku tta̧mü̧nä̧ jäwätä usú, tti̧wȩnȩmä̧ adiu ukuokuätü, tteseunä̧ jȩpü̧ jerupätürü yaparewätü, ttesetünä̧.

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

1 Corintios 1:17

Isopäi'ünä̧ Crito-mä̧, bautizo jȩcha̧ pä'ümä̧ weokoku pinü̧sä̧, jua̧u̧ ja̧jü̧jueimä̧ jareü wȩnȩtä̧ jidäwa pä'ü weinä̧ku̧sä̧; jua'a'i̧nä̧ wo̧juä̧wä̧ wȩnȩ kkü̧nä̧mä̧kü̧, Crito ü̧jo̧kä̧ jäinä̧ 'koru juo'ächinü̧, mikuäu toe'ächü juiya pä'ü.

1 Corintios 1:6

Täkü, Crito jiäwinü̧ wȩnȩmä̧ ukututtümä̧ 'kiyünä̧ rü̧ä̧chi̧na̧'a̧.

1 Corintios 2:13

Jua̧u̧ tü'kümä̧ ukuokuätüjä̧, jua̧u̧ tukuokumä̧ ta̧mü̧nä̧ pa̧ja̧tü̧ tu̧wo̧juö̧ wȩnȩnä̧mä̧kü̧ ja̧'a̧, jua'amä̧ Dio i̧sa̧ Epíritu u̧wo̧juȩta̧'a̧ku̧ ukuokuätüjä̧, Epíritu jäwämä̧.

1 Corintios 2:4

Jua̧u̧nü̧ jidäu kuesetätukua pä'ümä̧, adiu wo̧juä̧wä̧ wȩnȩnä̧mä̧ ji̧dä̧wo̧ko̧u̧ pinä̧tü̧jä̧. Ja̧'wa̧nü̧ jo̧ka̧'a̧, Epíritu Sa̧tu̧nä̧ ujuru i̧jȩpo̧mȩnä̧tä̧ jidäwinä̧u̧jä̧,

1 Corintios 2:7

Ja̧'wa̧nü̧ ja̧'a̧ttü̧ ukuokuätüjä̧, Dio jäwä wo̧juä̧wä̧ wȩnȩ wo̧jui̧'ä̧kuä̧wo̧kü̧. Mo̧ täbokütä päi'ünä̧ ttieruwomȩnä̧ amükuädü u̧ju̧ni̧nü̧ chutä uruwo ujuturu iya pä'ü.

2 Corintios 10:10

Isopäi'ünä̧ yotukunä̧mä̧ pä'ätü: «ttü chi̧wȩyu̧tu̧mä̧, juiyo pä̧i̧ku̧nä̧ baraunä̧ rȩmi̧pa̧'a̧; ja̧'wa̧nü̧ ja̧'a̧nä̧ cha̧mü̧nä̧ pa̧ja̧tü̧ chukuokuomȩnä̧mä̧» pä̧i̧ku̧nä̧mä̧ ukuokuokü pä'ijü pä'ätü ja̧'wa̧ta̧nü̧ ukuokuäkuäwä'i̧nä̧ jȩru̧pa̧, pättäkusä.

2 Corintios 11:6

Jua'akumä̧ adiwomȩnä̧mä̧ ukuokuokü cha'anä̧, chukuokumä̧ jerupoküsä; o'kajuiyünä̧tä̧, o'katoi'ünä̧rü̧ ja̧'a̧tȩ'ü̧ ttu̧wo̧jui̧pü̧nä̧ i̧jȩpä̧'i̧jä̧tü̧jä̧.

2 Tesalonicenses 1:10

Ji̧yȩnü̧ mo̧ro̧ Tu̧ru̧wa̧ ichü mo̧ro̧ umüwäyotü pojopü ȩmi̧nä̧u̧ surojü jui'ätü eseäkuäu ukuo tettäwarü pä'ü. Isopäi'ünä̧ ukutu'i̧nä̧ juätü jü̧ta̧'a̧nü̧ pojopü ȩmi̧nä̧u̧jä̧ esetinä̧tü̧jä̧ adiwäjuei jareü wȩnȩ ujutu jitäwomȩnä̧.

1 Timoteo 1:11

Pi̧yȩ ja̧'a̧ Dio eseäkuäwä kku̧nä̧rü̧ adiwäjuei wȩnȩ chu̧wo̧juȩta̧ pä'ü ttürü weinü̧mä̧.

2 Timoteo 1:8

Ja̧'wa̧ta̧nü̧ ku̧ru̧wa̧ Jesucrito ütü'kü jikuäwomȩnä̧'i̧nä̧; ja̧'wa̧ta̧nü̧ chu̧ru̧wa̧ Jesucrito jäwänä̧ kärenä̧ pü̧ chütü'kü jikuäwomȩnä̧'i̧nä̧ kudäpekuä, ja̧'wa̧nü̧ ja̧jü̧ jueimä̧ jareü wȩnȩ ji'äu kkä̧nü̧ Dio ujuru päü'anü̧ usurä ȩmä̧wi̧.

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

Apocalipsis 1:2

Ja̧'wa̧nü̧ ji̧na̧'a̧ttü̧ jua̧u̧ Ju̧a̧-mä̧ toinü̧mä̧ jueünä̧tä̧ ji'äwinü̧, Dio Jesucrito-nä̧ jiäwinü̧ wȩnȩmä̧.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.