1 Corintios 15:57 - Nuevo Testamento Uwotjüja

⁵⁷ ¡Ja̧'wa̧nü̧ ja̧'a̧nä̧, Dio-rü esewätüjä̧, Tu̧ru̧wa̧ Jesucrito-nä̧tä̧ kkȩdü̧ ikuäwä iyina̧'a̧ttü̧!

TÄ̧DO Ä̧CUÄ̧ I̧HUȨNȨ

⁵⁷ Ja̧'hua̧nö̧ ja̧'a̧nä̧'i̧nä̧ Diosrö esehuätöjä. Ja̧u̧tä̧ ujuturu ppä'ädö Tu̧ru̧hua̧ Jesucristonä tujuruhua pä'ö suronä jȩä̧cuä̧huä̧ttö̧'i̧nä̧ abonänö.

1 Corintios 15:57 ပူးပေါင်းရင်းမြစ်များ

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

Hechos 27:35

Ja̧'wa̧nü̧ pä'ü kä'ädü, o'katoi'ünä̧ ttä'ka jo̧mȩttü̧ Pauru-mä̧ Dio-rü ukuokuopo'ü u̧kuȩ kuinü̧.

Romanos 7:25

Dio-rütä rü̧ȩnä̧ eseusä, Tu̧ru̧wa̧ Jesucrito-nä̧. Ja̧'wa̧nü̧ ja̧'a̧ttü̧ cha̧mü̧nä̧ chamükuädünä̧mä̧, Dio weü wȩnȩtä̧ jȩpü̧sä̧ ja̧'wa̧nü̧ ja̧'a̧nä̧ chidepänä̧mä̧ surojü weütä jȩpü̧sä̧.

Romanos 8:37

Ja̧'wa̧nü̧ ja̧'a̧nä̧, pi̧yȩmä̧ o'kajuiyünä̧ 'kuäopa'anä̧, abo 'kuä'o'ätüjä̧ chu, Jesucrito ujuturu repe'inü̧nä̧tä̧.

1 Corintios 15:51

Dio jäwä kuieruwinä̧tu̧ku̧ jidäwäu̧jä̧: O'katoi'ünä̧mä̧ wa'ümä̧ tikuoka'a jä̧kua̧'a̧nä̧, o'katoi'ünä̧ tü'ärowächi'äkuotüjä̧.

2 Corintios 1:11

ujuturu, Dio-rü ukuoku ppä'ädätukuitü. Isopäi'ünä̧ rekuätü Dio-rü kukuokuätukuttümä̧, rekuätü Dio-rü ukuoku tteseäkuäwäkuä̧u̧jä̧ ja̧'wa̧ta̧nü̧ Dio-rü ttesewäkuotü adiu ppäda'attü.

2 Corintios 2:14

Ja̧'wa̧nü̧ ja̧'a̧ttü̧, Dio-rü eseusä, Crito-nä̧tä̧ surojü kkȩdü̧ tikunä̧ 'kuäopünä̧tä̧ ppäda'attü ja̧'wa̧ta̧nü̧ ujutunä̧tä̧ ttü̧jo̧mȩ pünä̧ o'kajuiyünä̧ i̧wȩnȩ jitäwomȩmä̧ a̧mȩu̧ jä̧'i̧nü̧'a̧nü̧ yoäwi'ünä̧ ppäda'attü.

2 Corintios 9:15

¡Dio-rütä esewätüjä̧, adiwä juei jȩtü̧nä̧tä̧ pärowächokü iyina̧'a̧ttü̧!

Efesios 5:20

O'kajuiyünä̧tä̧ 'kuäopümä̧ Tä'o Dio-rü esewätukui, Tu̧ru̧wa̧ Jesucrito i̧mi̧nä̧.

Hebreos 2:14

Ja̧'wa̧ta̧nü̧ ji̧nä̧ ya̧tȩ i̧tti̧mü̧, ttidepättü'i̧nä̧, ttukuojattü'i̧nä̧ ji̧nä̧ ji̧yȩtȩnä̧ ttä'ijüta'anü̧, Jesú'i̧nä̧ ttü̧ja̧ ttidepänä̧'i̧nä̧, ukuojanä̧'i̧nä̧ winü̧; wa'ü ikuomȩnä̧ ji̧yȩnä̧tä̧ wa'are ujuru kkȩdü̧ ikua pä'ümä̧, jua̧u̧mä̧ äwettärü ji̧na̧'a̧.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Apocalipsis 21:4

Dio-mä̧, juätü tti̧'chȩrȩ'i̧nä̧, jȩpü̧ i̧kuä̧kua̧; täkü wa'are'i̧nä̧ juiyäkua'a, 'chȩrȩ'i̧nä̧, barawä̧u̧ wottü'i̧nä̧; täkü ä̧kuo̧mȩnä̧ kka̧kui̧nü̧mä̧ 'kuäopina̧'a̧tä̧ ji̧na̧'a̧.»