1 Corintios 15:3 - Nuevo Testamento Uwotjüja

³ Ä̧kuo̧mȩnä̧mä̧, ttü chȩmi̧nü̧'a̧kuä̧tä̧, chu̧wo̧juȩtinä̧u̧jä̧: Crito-mä̧ 'korujuo'ächinü̧, ujutu suronä̧ jȩtä̧'i̧jü̧ mikuäwächünä̧ pä'ü, wȩyu̧kuä̧ wȩnȩ päü'a̧kuä̧;

TÄ̧DO Ä̧CUÄ̧ I̧HUȨNȨ

³ Äcuomenä ttörö jittähuinö huȩnȩ ji'ähuinösä ucuturu. Cristo 'corupäi'inö huȩnȩ, ujutu suronä jȩtö̧ jȩpö̧ icua pä'ö Huȩyu̧cuä̧ Huȩnȩ päö'a̧nö̧ ji'ähuinösä.

1 Corintios 15:3 ပူးပေါင်းရင်းမြစ်များ

San Mateo 26:24

Isopäi'ünä̧ Ttürümä̧ wȩyu̧kuä̧ wȩnȩ päüta'anü̧ 'kuäopä̧kua̧ ja̧'wa̧nü̧ ja̧'a̧nä̧, ttürü iyü ikurütä jä̧kua̧'a̧ surojäkua'amä̧ ¡isottü̧, jua̧u̧we!. Ya'utettü jua̧u̧mä̧ uwäpächü juiyinü̧ttü̧tä̧ adiwaja'a.

San Mateo 26:28

Isopäi'ünä̧ poyamä̧ ttütä chukuoja ja̧'a̧, poyanätä̧ jareünä̧ esekusä. Juoyamä̧ rekuätü suronä̧ jȩttä̧'i̧jü̧ jȩpü̧ iku werächäkua'a.

San Lucas 24:25

Ja̧'wa̧nü̧ jitäwäku Jesú-mä̧ päinä̧u̧: —¡Isoo, ukutumä̧, ku̧wo̧jui̧pä̧tu̧kua̧ pä'ü'i̧nä̧ jui'ätüjä̧ tä̧jí̧, kuesetätukua pä'ü'i̧nä̧ kua̧mi̧ 'ki'ätüjä̧ tä̧jí̧, profetas jittäwinü̧mä̧!

San Juan 1:29

Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.

Hechos 17:2

Pauru-mä̧ aditä'ijü'a̧kuä̧, wäbodäkuä sawaru mo̧ro̧ jo̧mȩnä̧, juätü ttiäre sinagoga isodenä̧ 'chä̧nü̧ ukuokuinü̧ Dio i̧wȩnȩ wȩyu̧kuä̧mä̧.

Hechos 3:18

Ja̧'wa̧nü̧ ja̧'a̧nä̧, Dio umüwäyotü profeta-tü̧nä̧ ukuokuinü̧mä̧ 'kuäopina̧'a̧: Jua̧u̧ weäku Crito-mä̧ 'korujuoächä̧kua̧, pä'ü ukuokuinü̧ta'anü̧.

Hechos 8:32

Wȩyu̧kuo̧mȩ ukuokuinomȩmä̧ pa̧'a̧nü̧ päina̧'a̧: Oweja-rü kuä'ü ikuäwomȩku̧, kuä'ü ttikua pä'ü ttȩpa̧'a̧ 'kua̧rü̧nä̧ ttȩpi̧nä̧ku̧; Oweja i̧tti̧rü̧ uwo'che 'kuitta'anä̧, ttä'kattü 'korunä̧ ü̧ja̧'a̧ jä̧'i̧nü̧'a̧nü̧, ämä̧ yä'epokü pinü̧.

Romanos 3:25

Dio-mä̧, Crito-rü ukuoja erünä̧ jȩo̧mȩnä̧, eseku ikuäwä iya pä'ü iyinü̧. Jua̧u̧ eseku ikuäwämä̧ tta̧'kua̧ wȩnä̧rü̧tä̧ rȩbȩä̧kuä̧wä̧ ja̧'a̧. Ja̧'wa̧nü̧ jȩpü̧ Dio-mä̧, i̧jȩpi̧nä̧u̧jä̧ adiwä jueinä̧tä̧ pärotü ikumä̧, suronä̧ jȩtä̧'i̧jü̧, jȩpü̧ ikua'attü̧.

Romanos 4:25

Jua̧u̧mä̧ wa'arera̧'a̧ iyinä̧ku̧ ujutu suronä̧ jȩtü̧ i̧mi̧täunä̧ ja̧'wa̧ta̧nü̧ jua̧u̧ ttoächomȩnä̧, adiwä isotü ttü̧ja̧ jü̧nä̧tä̧ ȩmi̧nä̧u̧jä̧.

1 Corintios 11:2

Chawaruwä chi̧jä̧wa̧tü̧ ukuturu eseusä o'kajuiyünä̧tä̧ ttürü amükuädü jȩ'kuä̧tu̧kua̧'a̧ttü̧, chu̧wo̧juȩti̧nü̧'i̧nä̧ ukuotü jȩ'kuä̧tu̧kua̧'a̧ttü̧.

1 Corintios 11:23

Isopäi'ünä̧ ttümä̧, Tu̧ru̧wa̧ttü̧ chemi̧nü̧mä̧, ukuturu'i̧nä̧ wo̧juȩti̧nü̧sä̧: Tu̧ru̧wa̧ Jesú-mä̧, iyü ttikuinü̧ yodomä̧, trigo i̧ri̧si̧ ȩmo̧po̧'ü̧;

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

Gálatas 1:12

Isopäi'ünä̧ ȩmü̧'i̧nä̧, wo̧jui̧pü̧'i̧nä̧, ttü̧ja̧ttü̧mä̧ chȩmo̧kü̧ ji̧nü̧, Jesucrito-tä ji̧na̧'a̧ ttürü i̧jȩpi̧nü̧mä̧.

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

Gálatas 3:13

Crito-mä̧ weäwä wȩnȩ ukuotokü, usurä ȩmä̧wa̧jü̧ juei usurä ȩmä̧wi̧nü̧ ujutu jäwänä̧, ja̧'wa̧nü̧ jȩpü̧tä̧ ȩmi̧nä̧u̧jä̧. Wȩyu̧kuä̧ wȩnȩmä̧ pä'a: «Dio-mä̧ suronä̧ pä̧kua̧, ü̧jo̧kä̧ jäi daunä̧ 'korujuo'ächürümä̧.»

Efesios 1:7

Jua̧u̧ ukuojänä̧tä̧ i̧mi̧tä̧wi̧nä̧u̧jä̧, suronä̧ jȩtä̧'i̧ja̧'a̧mä̧, rȩrü̧jü̧ toäkuäwä u̧ju̧nä̧ra̧'a̧ttü̧,

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Hebreos 5:1

O'katoi'ünä̧ sacerdote-tü̧ tturuwotümä̧ ttü̧ja̧ ttü̧'kä̧tȩttü̧ pojopü ȩmä̧wo̧tü̧ ja̧'a̧, Dio ä'ka jo̧mȩ ttü̧ja̧ tti̧mi̧nä̧ ttukuokua pä'ü ja̧'wa̧ta̧nü̧ ofrenda jȩtta̧ pä'ü'i̧nä̧, suronä̧ jȩttä̧'i̧ja̧'a̧ sacrificio pättü jȩtta̧ pä'ü'i̧nä̧, jü̧nä̧.

Hebreos 5:3

ja̧'wa̧nü̧ ja̧'a̧ttü̧ chutä'i̧nä̧ a̧mi̧ 'kuä'attü, sacrificio pättü jȩa̧ pä'ü ja̧'a̧, chutä jäwä jȩpü̧ kkä̧nü̧, ttü̧ja̧ jäwä'i̧nä̧, jü̧nä̧.

1 Pedro 1:11

Crito i̧sa̧ Epíritumä̧ profeta wotünä̧ ttu̧wo̧juö̧nä̧ jiäwinä̧u̧ Crito usurä ȩmä̧wä̧kuȩ'i̧nä̧ ja̧'wa̧ta̧nü̧ usurä ȩmä̧u̧ o'ka'a uruwo i̧chä̧kuȩ'i̧nä̧; ja̧'wa̧nü̧ ja̧'a̧ttü̧ juätümä̧ jitünä̧tä̧ kkü̧ Epíritu jiäwa'anä̧, 'kuäopä̧kuȩ mo̧ro̧ ttü̧'o̧kui̧'a̧ pä'ü usinä̧tü̧.

1 Pedro 2:24

Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

1 Juan 2:2

Jua̧u̧tä̧tä̧ ja̧'a̧, sacrificio pättünä̧ usurä ȩmä̧wi̧nü̧mä̧, suronä̧ jȩtä̧'i̧jü̧ mikuänä̧. Suro ujutu suronä̧ jȩtä̧'i̧jü̧ jäwänä̧tä̧mä̧kü̧, pi̧jä̧nä̧ kka̧kuä̧tü̧mä̧ o'katoi'ünä̧ suronä̧ jȩttä̧'i̧jü̧ jäwänä̧.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.