1 Corintios 14:2 - Nuevo Testamento Uwotjüja

² Ttü̧ja̧ tti̧wȩnȩ jo̧kü̧nä̧ ukuokumä̧, ttü̧ja̧rü̧mä̧ ukuokuokü, Dio-rütä ukuoku; jua'amä̧ ya̧tȩ'i̧nä̧ u̧wo̧jui̧po̧ko̧ku̧ epíritu-nä̧tä̧ ukuokua'attü̧ jeruwuö wȩnȩ.

TÄ̧DO Ä̧CUÄ̧ I̧HUȨNȨ

² Ya̧tȩmä̧ korotö ttieru huȩnȩ ucuocumä, Diosrötä ucuocu ja̧u̧mä̧. Ttö̧ja̧rö̧ ucuocuocö, ttä̧ju̧cuo̧ca̧'a̧ttö̧ ucuocua'a. Ja̧'hua̧nö̧ ucuocumä, Espíritu Santonä ucuocua'a, korotö ttieruhua'anä.

1 Corintios 14:2 ပူးပေါင်းရင်းမြစ်များ

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Marcos 16:17

Ja̧'wa̧ta̧nü̧ esetätümä̧, pi̧yȩ tottünä̧ jȩttä̧kuo̧tü̧: Ttü chi̧mi̧nä̧mä̧ epíritu suropätürü'i̧nä̧ rä'epä'chü ttikua'anä̧, jareü wȩnȩ'i̧nä̧ ttukuokuäkuotü;

San Marcos 4:11

Juätürü pä'inü̧: «Ukuturumä̧ Ru̧wa̧ Dio weü ttieruwuönä̧ jü̧ ku̧wo̧juä̧tu̧ku̧nä̧ iyinä̧u̧jä̧; ja̧'wa̧nü̧ ja̧'a̧nä̧ u̧mi̧nä̧ kka̧kuä̧tü̧rü̧mä̧ wȩnȩtü̧tä̧ ji'äkuäwa'a.

Hechos 10:46

Ja̧'wa̧nü̧ ja̧'a̧, ttä̧ju̧kui̧nä̧u̧ kkoro wȩnȩnä̧ ttukuokua'a, Dio-rü eseu.

Hechos 19:6

Ja̧'wa̧nü̧ ja̧'a̧ Pauru-mä̧ juätürü u̧mü̧nä̧ mȩ'ü̧ Dio-rü ukuokuomȩnä̧, Epíritu Sa̧tu̧mä̧ juätürü kkä̧mä̧di̧nü̧; ja̧'wa̧nü̧ päi'omȩnä̧ tti̧wȩnȩ jo̧kü̧nä̧ ukuokuinä̧tü̧ profetas 'kua̧rü̧nä̧.

Hechos 22:9

Ttüku 'chä̧tü̧mä̧, isopäi'ünä̧ tȩya̧u̧mä̧ totta'anä̧; i̧wȩnȩ rä̧mi̧pü̧nä̧ ä̧ju̧kuo̧ko̧tü̧ pinä̧tü̧.

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

1 Corintios 12:10

Kkorotürümä̧ iyü ttujuru'i̧nä̧, jȩtto̧kü̧ juei jȩtta̧ pä'ü'i̧nä̧; kkorotürütä iyü Dio i̧mi̧nä̧ jittäwa pä'ü'i̧nä̧. Yotüterümä̧ iyü epíritu-tu̧ yaparewätürü'i̧nä̧, isopäi'ünä̧ isotürü'i̧nä̧ ttu̧wo̧jua̧ pä'ü ja̧'wa̧ta̧nü̧ kkorotürümä̧ iyü kkorotü tti̧wȩnȩ wo̧juȩku̧nä̧ ttukuokua pä'ü'i̧nä̧; ja̧'wa̧ta̧nü̧ kkorotürümä̧ iyü, kkorotü tti̧wȩnȩnä̧ ttukuokuomȩnä̧ rä'epü iku jittäwa pä'ü'i̧nä̧.

1 Corintios 12:28

Dio-mä̧, igresia-nä̧mä̧ kku̧ni̧nü̧, ä̧kuo̧mȩnä̧mä̧ apótore pä̧ttä̧u̧ru̧; juȩnȩ o'komȩnä̧mä̧, profetas pättä̧u̧ru̧; wäbodäkuä päi'ünä̧mä̧ wo̧juȩkuä̧ isotürü; jua̧u̧ o'komȩnä̧mä̧ jȩtto̧kü̧ juei jȩpä̧tü̧rü̧; kkorotümä̧ na̧'ä̧chä̧tü̧rü̧ aditü ikuätürü'i̧nä̧; kkorotümä̧ ppädäkuäwä isotürü'i̧nä̧; kkorotümä̧ juȩpä̧rä̧kuä̧wä̧ isotürü'i̧nä̧ ja̧'wa̧ta̧nü̧ kkorotümä̧ kkorotü tti̧wȩnȩ wäjuönä̧ ukuokuätürü'i̧nä̧.

1 Corintios 13:1

Ttü̧ja̧ tti̧wȩnȩ chukuokuaja pä'ü'i̧nä̧, á̧gȩrȩ tti̧wȩnȩ chukuokuaja pä'ü'i̧nä̧, eseu repeäkuäwä juidomȩnä̧mä̧, kuoräuba rä̧mi̧pa̧'a̧ jä̧'i̧nü̧'a̧nü̧tä̧ ja̧'wa̧ta̧nü̧ campana rȩmi̧pa̧'a̧ jä̧'i̧nü̧'a̧nü̧tä̧ wa̧sä̧.

1 Corintios 13:2

Ja̧'wa̧ta̧nü̧ Dio i̧mi̧nä̧ jiäkuäwä chu̧ju̧nä̧ra̧ja̧ pä'ü'i̧nä̧, ttu̧wo̧juo̧kü̧ jäwä o'kajuiyünä̧ chu̧wo̧jua̧ja̧ pä'ü'i̧nä̧, wo̧juä̧wä̧ wȩnȩ chu̧wo̧juo̧ttü̧'i̧nä̧, müä'ka'i̧nä̧ pporächi'ünä̧ cha̧'kua̧ chu̧wȩnä̧rü̧ttü̧'i̧nä̧, eseu repeäkuäwä juidüttümä̧, ttümä̧ mikuäwokütä jȩpü̧sä̧.

1 Corintios 14:16

Isopäi'ünä̧ kua̧'kua̧rü̧ i̧sa̧nä̧tä̧ Dio-rü kueseuttümä̧, ppeyänä̧ ä̧ju̧kuä̧rü̧mä̧; ¿toku, adiwa'a pä'ü ppächi'äkua'ajä̧ttü̧ ukú Dio-rü kukuokukumä̧, kukuoku wȩnȩ ieruwa'amä̧?

1 Corintios 14:26

¿Toku päta'ajä̧ttü̧ chawaruwä chü̧jä̧wa̧tü̧?, ka̧ka̧kui̧pü̧ ukutu, yotukunä̧ salmos ra̧tto̧mȩnä̧, kkorotümä̧ kkä̧kuä̧wä̧ ttu̧wo̧juȩto̧mȩnä̧ ja̧'wa̧ta̧nü̧ tti̧wȩnȩ jo̧kü̧nä̧ ttukuokuomȩnä̧, Dio i̧jȩpü̧ jittäwomȩnä̧, rä'epü iku jittäwomȩnä̧mä̧. Jȩpä̧tu̧kui̧, ja̧'wa̧nü̧ ja̧'a̧nä̧ o'kajuiyünä̧tä̧ ukuturu äräbe'ütä.

1 Corintios 15:51

Dio jäwä kuieruwinä̧tu̧ku̧ jidäwäu̧jä̧: O'katoi'ünä̧mä̧ wa'ümä̧ tikuoka'a jä̧kua̧'a̧nä̧, o'katoi'ünä̧ tü'ärowächi'äkuotüjä̧.

1 Corintios 2:10

Jua̧u̧ ttieruwuö juei ja̧'a̧, ujuturu Epíritu-nä̧ tu̧wo̧jui̧pü̧nä̧ Dio i̧jȩpi̧nü̧mä̧; isopäi'ünä̧ Epíritumä̧ o'kajuiyünä̧tä̧ usäu wo̧jua̧, Dio jakuänä̧ amükuädü'i̧nä̧.

1 Corintios 2:7

Ja̧'wa̧nü̧ ja̧'a̧ttü̧ ukuokuätüjä̧, Dio jäwä wo̧juä̧wä̧ wȩnȩ wo̧jui̧'ä̧kuä̧wo̧kü̧. Mo̧ täbokütä päi'ünä̧ ttieruwomȩnä̧ amükuädü u̧ju̧ni̧nü̧ chutä uruwo ujuturu iya pä'ü.

Efesios 6:19

Ja̧'wa̧ta̧nü̧ ttü chütü'kü'i̧nä̧ Dio-rü ukuokuätukui, yä̧wä̧i̧ jäwä jareü wȩnȩ jidäwa pä'ü chä yädepomȩnä̧ wo̧juȩku̧nä̧ jidäunä̧ Dio iyattü.

Colosenses 2:2

Kua̧mi̧so'kitukunä̧ esewächi'ü, ji̧nä̧ yo̧mȩtȩnä̧ repe'äkuäu, jo̧mȩnü̧ 'kukuächi'ünä̧ ku̧wo̧juä̧chä̧tu̧kua̧ pä'üsä. Ja̧'wa̧nü̧ jo̧mȩnä̧ Dio yä̧wȩi̧nä̧ u̧ju̧nä̧ri̧nü̧ ku̧wo̧jui̧päkuo̧tü̧jä̧. Jua̧u̧mä̧ Crito ja̧'a̧.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

1 Timoteo 3:9

Kkoromä̧ 'kuäopünä̧tä̧ Dio i̧wȩnȩ jareü wȩnȩ iyinü̧mä̧ o'kajuiyünä̧tä̧ tteseta pä'ü ja̧'a̧, ja̧'wa̧ta̧nü̧ tta̧mü̧kuädünä̧mä̧ surojü tta̧mü̧kuädoka'a kkä̧nü̧tä̧.

Apocalipsis 10:7

Ja̧'wa̧nü̧ ja̧jü̧ jueimä̧, kko̧ro̧mü̧ttü̧nü̧ á̧gȩ i̧wȩnȩ rä̧mi̧po̧mȩnä̧mä̧, iäre trompeta ppüomȩnä̧mä̧, Dio jäwä uwäwokü ji̧nü̧mä̧ jo̧mȩnü̧ päi'äkua'a, umüwäyotü profeta wotünä̧ jareü wȩnȩ ukuokuinü̧mä̧.