1 Corintios 13:3 - Nuevo Testamento Uwotjüja

³ Ja̧'wa̧ta̧nü̧, usurä isotürü chukuäje'a pä'ü chiäre o'kajuiyünä̧ iyü kkä̧nü̧, chidepä kuo'ü ikunä̧ chiyaja pä'ü'i̧nä̧, eseu repeäkuäwä juidomȩnä̧mä̧, ttümä̧ mikuäwokütä jȩpü̧sä̧.

TÄ̧DO Ä̧CUÄ̧ I̧HUȨNȨ

³ Ja̧'hua̧ta̧nö̧ o'ca juiyönä chu̧ju̧nä̧rö̧ chiyöttömä, o'ca toi'önärö repedoca'anä, yoröiso micuähuocö ttörö. Juhuorö'inä ttötä jä̧ttä̧pä̧ya̧'i̧nä̧ chiyöttömä ku tticua pä'ö ocuränä, o'ca toi'önärö repedoca'anä, yoröiso micuähuocö ttörö.

1 Corintios 13:3 ပူးပေါင်းရင်းမြစ်များ

San Mateo 23:5

O'kajuiyünä̧ jȩttü̧mä̧, ttü̧ja̧ tottatü pä'ütätä jȩpä̧tü̧. Ttüokuoränämä̧ weäwä wȩnȩ jäwä wȩyu̧kuȩ'ü̧ ru̧nä̧wä̧tü̧, ttüjonä̧'i̧nä̧ ja̧'wa̧ta̧nü̧ ttü̧'ka̧tä̧wä̧ti̧yu̧'i̧nä̧ otoü 'ka̧tä̧wȩ'ä̧tü̧, juiyo Dio-rü ukuotätü pättatü pä'ü.

San Lucas 18:22

Ja̧'wa̧nü̧ pä'a ä̧ju̧ku̧, Jesú-mä̧ päinä̧ku̧: —Ji̧nä̧ ji̧yȩtȩ jui̧'a̧jä̧: ku̧ju̧nä̧rü̧mä̧ o'kajuiyünä̧ mikuänä̧ iyä'chü ikuäji ja̧'wa̧nü̧ jȩpi̧'ü̧'ka̧ usurä isotürü ppäkuäda ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧tä̧ kku̧ju̧nä̧rä̧kua̧jä̧ kuiäre pärätämä̧; ja̧'wa̧nü̧ jȩpü̧ ttüku ichi.

San Lucas 18:28

Päiyäku, Peduru-mä̧ pä'inü̧: —Chu̧ru̧wa̧ ujutumä̧ tiäre o'kajuiyünä̧ kku̧ni̧pü̧, kuo'ka'anä̧ ichinä̧tü̧jä̧.

San Lucas 19:8

Ja̧'wa̧nü̧ ja̧'a̧, Zaqueo-mä̧ ä̧rä̧mi̧'ü̧ kkä̧mä̧dü̧ u̧ru̧wa̧ Jesú-ru pä'inü̧: —Topi, chu̧ru̧wa̧ chu̧ju̧nä̧rü̧ pärätä ju'to o'kajuiyünä̧, usurä isotürü iyüsä; ja̧'wa̧nü̧ ja̧'a̧nä̧ ya̧tȩrü̧ kkorojuei chü̧nä̧u̧kuä̧'i̧jü̧ttü̧mä̧, jua̧u̧ttü̧'i̧nä̧ yabokumä̧ pa̧ja̧kuä̧nü̧ jo̧mȩnä̧ ppa̧dä̧dä̧kua̧ jua̧u̧mä̧.

San Juan 12:43

Jua'amä̧ Dio ujuru jäwä ttüjü'koka'a, pi̧jä̧ ttü̧ja̧ jäwätä ttesewa'attü̧.

San Juan 13:37

Päku, Peduru-mä̧ pä'inü̧: —Chu̧ru̧wa̧ ¿Tta̧'a̧nü̧ pä'ü, jitätämä̧ ukukumä̧ chichü juiyünä̧ ja̧'a̧jä̧ttü̧? ¡Uku jäwänä̧, cha̧'kua̧rü̧mä̧ chi̧yä̧kua̧sä̧!

San Juan 15:13

Awaruwä jäwänä̧ a̧'kua̧rü̧ iyäwomȩnä̧tä̧ ja̧'a̧, ji̧nä̧so ji̧yȩtä̧ eseu repeäkuäwä u̧ju̧nä̧ra̧'a̧mä̧.

San Juan 6:63

Epíritu ja̧'a̧ a̧'kua̧rä̧kuä̧wä̧ iyümä̧; ttidepo'tämä̧ ji̧ya̧'a̧kuä̧ra̧'a̧tä̧ kka̧'a̧; ja̧'wa̧nü̧ ja̧'a̧ttü̧ ttü pädäjimä̧ epíritu ja̧'a̧nä̧, tta̧'kua̧rü̧'i̧nä̧ jü̧.

Hechos 21:13

Pauru-mä̧ adätinä̧u̧jä̧: —¿Tta̧'a̧nü̧ pä'ü ajuäkuäwätüjä̧ttü̧, ttü'i̧nä̧ cha̧'kua̧ tta̧dȩku̧nä̧? Ttümä̧ Jerusarȩ́-ra̧'a̧ttü̧mä̧, suro ttü̧nü̧'kattütämä̧ pä'oküsä, Tu̧ru̧wa̧ Jesú i̧mi̧nä̧mä̧ wa'ü'i̧nä̧ chikua pä'üsä.

Gálatas 5:26

Ukuo te'äkuäumä̧ türowäu juiyätukua, mi̧kuä̧ri̧yä̧kuä̧u̧ pä'ä'chäkuäumä̧, kkorotü ttu̧ju̧nä̧ra̧'a̧ topümä̧, ttu̧wä̧mȩnä̧ wotüjä̧ pä'ümä̧.

Filipenses 2:3

Ukuo te'äkuäumä̧ jȩ'kuä̧tu̧kuä̧, chukuo chu̧ju̧nä̧ra̧ pä'ümä̧, pärokua'aku ukuo tekuäwoka'a, kkorotürümä̧ ukutu ku̧wä̧mȩnä̧ wotü 'kua̧rü̧nä̧tä̧ topätukui.

1 Timoteo 4:8

Pi̧yȩ wȩnȩ tawaruwä tü̧jä̧wa̧tü̧rü̧ ku̧wo̧juȩtü̧ttü̧mä̧, Jesucrito adiwänä̧ u̧mü̧wä̧ya̧ jä̧kua̧, ttu̧mü̧wä̧ya̧ ta̧'kua̧ wȩnä̧rä̧kuä̧wä̧ wȩnȩttü̧ kku jü̧nä̧ ja̧'wa̧ta̧nü̧ adiwäjuei wo̧juȩkuä̧ i̧'chȩ'i̧jü̧nä̧.

Hebreos 13:9

Kuieruwätuku, kkoro kkä̧kuä̧wä̧ wȩnȩku̧mä̧ pekuächächätukuä; Isopäi'ünä̧, ttu̧kuȩ kuäkuäwänä̧ repettajü jueimä̧, tamiso'kinä̧, Dio iyinü̧nä̧ repetächa pä'ü ja̧'a̧, büó juo'ünü̧; ja̧'wa̧nü̧ kkä̧'chä̧kuä̧wä̧mä̧ yorisotä ppädokü ji̧nü̧.