1 Corintios 13:2 - Nuevo Testamento Uwotjüja

² Ja̧'wa̧ta̧nü̧ Dio i̧mi̧nä̧ jiäkuäwä chu̧ju̧nä̧ra̧ja̧ pä'ü'i̧nä̧, ttu̧wo̧juo̧kü̧ jäwä o'kajuiyünä̧ chu̧wo̧jua̧ja̧ pä'ü'i̧nä̧, wo̧juä̧wä̧ wȩnȩ chu̧wo̧juo̧ttü̧'i̧nä̧, müä'ka'i̧nä̧ pporächi'ünä̧ cha̧'kua̧ chu̧wȩnä̧rü̧ttü̧'i̧nä̧, eseu repeäkuäwä juidüttümä̧, ttümä̧ mikuäwokütä jȩpü̧sä̧.

TÄ̧DO Ä̧CUÄ̧ I̧HUȨNȨ

² Ja̧'hua̧ta̧nö̧ Dios iyähuä huȩnȩ jidäuttumä, o'ca juiyönä ttö̧ja̧ ttieru huȩnȩ chu̧huo̧ju̧ttu̧mä̧'i̧nä̧, o'ca juiyönä pi̧jä̧ huo̧juä̧huä̧ chu̧huo̧ju̧ttu̧mä̧'i̧nä̧, o'ca toi'önärö repedoca'anä, yoröiso yapareutä jȩpö̧sä̧. Ja̧'hua̧ta̧nö̧ rö̧ȩnä̧ esetö, möä'ca chupporädäcua'a̧nö̧ pä'ö chesetöttö'inä, chahuaruhuärö repedoca'anä, yoröiso yapareutä jȩpö̧sä̧.

1 Corintios 13:2 ပူးပေါင်းရင်းမြစ်များ

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Mateo 17:20

Pättäku Jesú-mä̧ ädätinä̧u̧: —Jua'amä̧ kua̧'kua̧ ku̧wȩnä̧rä̧tu̧ku̧ juikuätukua'attü. Isopäi'ünä̧tä̧ pä'üsä ukuturu, mostaza u̧wä̧ju̧ isäte a̧'u̧kuä̧'i̧jü̧ta̧'a̧nü̧, a̧'u̧ku̧nä̧tä̧ kua̧'kua̧ ku̧wȩnä̧rä̧tu̧ku̧ttü̧'i̧nä̧, ji'kaja mü̧ä̧'ka juorümä̧ tü'ipächi päkuätukuttümä̧ tüipächäkua'a. Ja̧'wa̧nü̧ ja̧'a̧ttü̧ jȩttü̧ juiyünä̧ weyekumä̧ juiya'a.

San Mateo 21:19

Ja̧'wa̧nü̧ ja̧'a̧, higuera dau mä̧nä̧ jäyä kki̧yä̧ku̧, tü'künä̧nü̧ 'chä̧wi̧'ü̧ toomȩnä̧ ojiyätä po̧kui̧pi̧nü̧. Ja̧'wa̧nü̧ po̧kui̧pü̧ higuera dauru pä'inü̧: —¡Yoriso u̧wä̧ju̧mä̧ wȩjo̧koi jä̧kuäijä̧! Päomȩnä̧, yotäku higuera daumä̧ joi'ina̧'a̧.

San Mateo 21:21

Jesú ädätinä̧u̧: —Isopäi'ünä̧ pädäu̧jä̧, 'kikuekuätukuoka'a jueünä̧tä̧ kua̧'kua̧ ku̧wȩnä̧rä̧tu̧ku̧ttü̧mä̧, suro higuera isäinä̧ 'kuäopäjitämä̧ jo̧ka̧'a̧ jä̧kua̧'a̧; pi'ka mü̧ä̧'ka «juorü tü'ipächü, rü̧ä̧ duborara̧'a̧ ma̧'ä̧chi̧ päkuätukuttü'inä̧,» ja̧'wa̧ta̧nü̧ jä̧kua̧'a̧.

Hechos 13:1

Antioquía ütawiyättü igresia jü̧nä̧ wotükumä̧, profeta'i̧nä̧, wo̧juȩkuä̧ isotü'i̧nä̧ kka̧kui̧nä̧tü̧. Juätümä̧ Bernawé'i̧nä̧, Simón-ja̧'a̧nä̧ (Niger pättinä̧ku̧'i̧nä̧), Cirene i̧sa̧ Ruciu'i̧nä̧, Herode Antipas-ku püttächinü̧ Menahem'i̧nä̧, Sauro'i̧nä̧ ji̧na̧'a̧.

Romanos 11:25

Chawaruwä chü̧jä̧wa̧tü̧ pi̧yȩ Dio ttieruwuönä̧ amükuädinü̧mä̧ kuieruwätukuamä̧ pä'oküsä, kua̧mü̧nä̧ pa̧ja̧tü̧ ukuotekuäwätuku juiyäkua'anü̧. Judío yotukunä̧mä̧ rü̧ȩnä̧ tta̧mi̧ 'ki'ächächinü̧'kotü Jesucrito-rü tteseta pä'okotü; ja̧'wa̧nü̧ ja̧'a̧nä̧ iweye ja̧'wa̧ta̧nü̧tä̧ ttäkuotü judío pokotü i̧tti̧mü̧ pätti'omȩbü päi'ünä̧;

Romanos 15:14

Chawaruwä chü̧jä̧wa̧tü̧ ukuturumä̧ isopäi'ünä̧ wo̧jua̧sä̧ adiwä juei jȩ'kuä̧tu̧ku̧'i̧nä̧, jo̧mȩnü̧ ku̧wo̧juä̧tu̧ku̧'i̧nä̧, jü̧nä̧. Ja̧'wa̧ta̧nü̧ isopäi'ünä̧ ji'äkuä̧wä̧rü̧ kka̧kuä̧tü̧jä̧.

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

1 Corintios 11:4

Ya̧tȩ unä̧ mü̧ȩkua̧'a̧ Dio-rü ukuokuomȩnä̧mä̧ ja̧'wa̧ta̧nü̧ Dio i̧mi̧nä̧ ukuokuomȩnä̧mä̧, Crito-rü ukuotü jui'ü jȩpü̧.

1 Corintios 12:28

Dio-mä̧, igresia-nä̧mä̧ kku̧ni̧nü̧, ä̧kuo̧mȩnä̧mä̧ apótore pä̧ttä̧u̧ru̧; juȩnȩ o'komȩnä̧mä̧, profetas pättä̧u̧ru̧; wäbodäkuä päi'ünä̧mä̧ wo̧juȩkuä̧ isotürü; jua̧u̧ o'komȩnä̧mä̧ jȩtto̧kü̧ juei jȩpä̧tü̧rü̧; kkorotümä̧ na̧'ä̧chä̧tü̧rü̧ aditü ikuätürü'i̧nä̧; kkorotümä̧ ppädäkuäwä isotürü'i̧nä̧; kkorotümä̧ juȩpä̧rä̧kuä̧wä̧ isotürü'i̧nä̧ ja̧'wa̧ta̧nü̧ kkorotümä̧ kkorotü tti̧wȩnȩ wäjuönä̧ ukuokuätürü'i̧nä̧.

1 Corintios 13:1

Ttü̧ja̧ tti̧wȩnȩ chukuokuaja pä'ü'i̧nä̧, á̧gȩrȩ tti̧wȩnȩ chukuokuaja pä'ü'i̧nä̧, eseu repeäkuäwä juidomȩnä̧mä̧, kuoräuba rä̧mi̧pa̧'a̧ jä̧'i̧nü̧'a̧nü̧tä̧ ja̧'wa̧ta̧nü̧ campana rȩmi̧pa̧'a̧ jä̧'i̧nü̧'a̧nü̧tä̧ wa̧sä̧.

1 Corintios 13:3

Ja̧'wa̧ta̧nü̧, usurä isotürü chukuäje'a pä'ü chiäre o'kajuiyünä̧ iyü kkä̧nü̧, chidepä kuo'ü ikunä̧ chiyaja pä'ü'i̧nä̧, eseu repeäkuäwä juidomȩnä̧mä̧, ttümä̧ mikuäwokütä jȩpü̧sä̧.

1 Corintios 13:8

Eseu repeäkuäwämä̧ yorisotä beipächokü ja̧'a̧; ja̧'wa̧nü̧ ja̧'a̧nä̧ Dio i̧mi̧nä̧ jiäkuäwämä̧ beipächä̧kuȩ ja̧'a̧, tti̧wȩnȩ pünä̧ ukuokuäkuäwä'i̧nä̧ beipächä̧kuȩ ja̧'a̧, ja̧'wa̧ta̧nü̧ ttu̧wo̧juö̧ wȩnȩ'i̧nä̧ beipächä̧kuȩ ja̧'a̧.

1 Corintios 14:29

Ja̧'wa̧ta̧nü̧, profetas wotü'i̧nä̧ ta̧ju̧tä̧tä̧, wä̧mȩtukuätätä ukuokuätukui, kkorotü adiwomȩnä̧ pätta'anä̧.

1 Corintios 14:39

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, Dio i̧mi̧nä̧ ukuokuäkuäwä yabonü̧, usätukui ja̧'wa̧nü̧ ja̧'a̧nä̧ kkoro wȩnȩnä̧ ukuokuäkuäwämä̧, tto̧kuȩpä̧rä̧tu̧kuä̧;

1 Corintios 14:4

Ttü̧ja̧ ttukuokuokü wȩnȩnä̧ ukuokumä̧, churutätä ppädäku; ja̧'wa̧nü̧ ja̧'a̧nä̧ Dio i̧mi̧nä̧ ji'äumä̧ igresia isotürü ttä̧rä̧mü̧nä̧ ji'äu.

1 Corintios 15:51

Dio jäwä kuieruwinä̧tu̧ku̧ jidäwäu̧jä̧: O'katoi'ünä̧mä̧ wa'ümä̧ tikuoka'a jä̧kua̧'a̧nä̧, o'katoi'ünä̧ tü'ärowächi'äkuotüjä̧.

1 Corintios 16:22

Ya̧tȩ, Tu̧ru̧wa̧ Jesucrito-rü eseu repe'okümä̧, su̧ro̧pa̧tä̧ wa̧. ¡Tu̧ru̧wa̧mä̧ täkü i̧chä̧kua̧!

1 Corintios 4:1

Ja̧'wa̧nü̧ ja̧'a̧ttü̧, ujuturumä̧ Crito aditäwä ppä'ädä̧rä̧tü̧ jü̧nä̧tä̧ topätukuitü, Dio jäwä ttieruwü wȩnȩ adikuä isotü jü̧nä̧tä̧.

1 Corintios 7:19

Isopäi'ünä̧ ji̧nä̧so ji̧yȩtä̧ ukuo kkü̧mä̧ Dio weinü̧ wȩnȩtä̧ ja̧'a̧ ja̧'wa̧ta̧nü̧ circuncisión jȩä̧kuä̧wä̧'i̧nä̧, jȩä̧kuä̧wo̧kü̧'i̧nä̧ iso jäwämä̧kü̧ ja̧'a̧.

1 Corintios 8:4

Ja̧'wa̧nü̧ ja̧'a̧ttü̧, ttu̧kuȩ ttü̧ä̧nä̧wo̧tü̧ tti̧mi̧nä̧ ukuokuä'chü jȩttü̧ tü'kümä̧, jua̧u̧mä̧ pi̧jä̧ttü̧mä̧ mikuäwokü pä'ü wo̧juä̧tü̧jä̧, Dio-mä̧ ya̧tȩtä̧ ja̧'a̧ pä'ü tu̧wo̧jua̧'a̧ttü̧.

2 Corintios 12:11

Amükuädokotü 'kua̧rü̧nä̧ jȩpü̧sä̧, jua'amä̧ ukutu ja̧'a̧ ja̧'wa̧nü̧ jȩchü̧nä̧ jȩpi̧nä̧tü̧mä̧. Isopäi'ünä̧ ukutu ja̧'a̧, ji̧nä̧so ttü chütü'kü adiu ukuokuajatümä̧; ja̧'wa̧nü̧ ja̧'a̧ttü̧ ttümä̧, juätü «apótore ukuo isotü» tti̧dȩ'a̧nä̧mä̧ woküsä, jua'akumä̧ mikuäwokü cha'anä̧.

Gálatas 5:16

Ja̧'wa̧nü̧ ja̧'a̧ttü̧ pä'üsä: Dio i̧sa̧, Epíritu üjü'komȩnä̧tä̧ kka̧kuä̧tu̧kui̧, kuidepätuku kkü'kekunä̧mä̧ ku̧jä̧tu̧kuä̧.

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

Gálatas 6:3

Ya̧tȩ, uruwo jui̧'a̧ kkä̧nü̧ ukuo teäwomȩnä̧mä̧, a̧mü̧nä̧ pa̧ja̧tü̧tä̧ yaparewäkuäu.

Efesios 3:4

Jua̧u̧ chi̧wȩyu̧tä̧ji̧ kukuokuätukuttümä̧, ku̧wo̧jui̧päkuo̧tü̧jä̧, Crito jäwä yä̧wä̧i̧nä̧ jäwä chu̧wo̧jua̧'a̧mä̧,

Efesios 6:19

Ja̧'wa̧ta̧nü̧ ttü chütü'kü'i̧nä̧ Dio-rü ukuokuätukui, yä̧wä̧i̧ jäwä jareü wȩnȩ jidäwa pä'ü chä yädepomȩnä̧ wo̧juȩku̧nä̧ jidäunä̧ Dio iyattü.

Colosenses 1:26

Jua̧u̧ jitäumä̧ rekuo mo̧ro̧ jo̧mȩnä̧ wo̧jui̧'ä̧kuä̧wo̧kü̧ ji̧nü̧, Dio-mä̧ yä̧u̧nä̧ u̧ju̧nä̧ra̧'a̧ttü̧. Ja̧'wa̧nü̧ ja̧'a̧nä̧ Dio-mä̧ i̧tti̧mü̧ ȩmi̧nä̧u̧ru̧ i̧jȩpi̧nü̧.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

1 Juan 4:8

Ya̧tȩ, eseu repe'okümä̧ Dio i̧tti̧ wokü, isopäi'ünä̧ Dio-mä̧ eseu repeäkuäwä i̧sa̧ ja̧'a̧ttü̧.