1 Corintios 10:11 - Nuevo Testamento Uwotjüja

¹¹ Pi̧yȩmä̧ o'kajuiyünä̧tä̧ tü̧tä̧mü̧mi̧nä̧rü̧mä̧ 'kuäopina̧'a̧, ujutu tu̧wo̧jua̧ pä'ü, ja̧'wa̧ta̧nü̧ wȩyu̧tu̧ rütäwämä̧ pȩja̧'a̧, ujuturu wo̧juȩtü̧, rüjí mo̧ro̧ kka̧kuä̧tü̧rü̧.

TÄ̧DO Ä̧CUÄ̧ I̧HUȨNȨ

¹¹ Täbocö ja̧u̧ juäi o'ca juiyönä 'cuäopina'ado ujutu tä̧do̧tö̧ mi̧nä̧rö̧. Ja̧'hua̧ta̧nö̧ Huȩyu̧cuä̧ Huȩnȩ huȩyu̧cua̧'a̧ ujuturu, jitä mo̧ro̧ röji mo̧ro̧ ka̧cuä̧tö̧rö̧, tä̧bo̧tö̧.

1 Corintios 10:11 ပူးပေါင်းရင်းမြစ်များ

San Mateo 13:39

A̧bo̧i̧ya̧ surojü adiyä kku̧ni̧nü̧ päjimä̧, äwettä ja̧'a̧. U̧wä̧ju̧ 'kiyächomȩnä̧ ttü̧ka̧ka̧ti̧na̧'a̧ jä̧ji̧mä̧, rüjí mo̧ro̧ ü'ojo'äkuomȩ jä̧kua̧'a̧ ja̧'wa̧ta̧nü̧ u̧wä̧ju̧ ka̧ka̧ti̧nä̧tü̧ päjätümä̧ á̧gȩrȩ ja̧'a̧.

San Mateo 13:40

Ja̧'wa̧nü̧ ja̧'a̧ttü̧, surojuoepü adiyä ke'opü iku okuränä̧ kkuwü ttikua'a jä̧'i̧nü̧ta̧'a̧nü̧, jä̧kua̧'a̧ pi̧jä̧ beipächü mo̧ro̧mä̧.

Romanos 13:11

Ja̧'wa̧nü̧ ja̧'a̧, jitä pi̧yȩ mo̧ro̧ totomȩnä̧, tü'orächa pä'ü rekuä rü̧ja̧'a̧. Mo̧ ji̧no̧mȩttü̧'i̧nä̧ abonä̧nü̧, täkü tü'kü ja̧'a̧ surojüttü ttü̧ji̧pä̧kuȩ mo̧ro̧mä̧, ji̧nä̧ku̧ pätina̧'a̧mä̧.

Romanos 13:12

Täkü yodomä̧ 'kuao'a'a, mo̧ro̧ juoa pä'ütä; ja̧'wa̧nü̧ ja̧'a̧ttü̧ täkü yo̧ü̧ jäwämä̧ kätädi'ätukua, tȩya̧u̧ jäwätä tü̧'ka̧tä̧wi̧'ä̧tu̧kua̧.

Romanos 15:4

Isopäi'ünä̧ mo̧ täbokü tti̧wȩyu̧ti̧nü̧mä̧, ujutu tu̧wo̧jui̧pa̧ pä'ü wȩyu̧ti̧nä̧tü̧, ta̧mi̧'ki'ächi'ü; wȩyu̧kuä̧ wȩnȩ ppäda'aku tta̧wä̧rä̧kuä̧wä̧ tu̧ju̧nä̧ra̧ pä'ü.

Romanos 4:23

Ȩmi̧nä̧ku̧ pä'ü wȩyu̧kuä̧ päümä̧, suro Abraha̧-rü̧tä̧mä̧ jo̧ka̧'a̧,

1 Corintios 10:6

Ja̧'wa̧nü̧ ja̧'a̧nä̧, pi̧yȩ o'kajuiyünä̧ 'kuäopinü̧mä̧, ujutu'i̧nä̧ tu̧wo̧jua̧ pä'ü 'kuäopinü̧; juätü surojü kkü'kekunä̧ amükuädü jȩtti̧nü̧'a̧kuä̧mä̧, ujutu'i̧nä̧ surojü jȩtü̧ juiya pä'ü.

1 Corintios 7:29

Chawaruwä chi̧jä̧wa̧tü̧, ukuturu pi̧yȩ pä'üsä: täkü, mo̧ro̧mä̧ a̧'u̧ku̧nä̧tä̧ ja̧'a̧. Ja̧'wa̧nü̧ ja̧'a̧ttü̧ ttirekuarü kku̧nä̧rä̧tü̧mä̧, to'ätü 'kua̧rü̧nä̧ kka̧kuä̧tu̧kui̧;

1 Corintios 9:10

Jua'amä̧ ujuturu pä'ü pä'a. Isopäi'ünä̧ weäwä wȩnȩmä̧ ujuturu ja̧'a̧tȩ'ü̧ i̧wȩyu̧ti̧nü̧ ja̧'a̧ttü̧. Ja̧'wa̧nü̧ ja̧'a̧ttü̧ rȩjȩ i̧sa̧ppȩ päi'ünä̧ jȩpü̧'i̧nä̧, trigo pojü'i̧nä̧, u̧wä̧ju̧ ttȩma̧ pä'ü ja̧'a̧tȩ'ü̧ jȩpä̧tü̧.

Gálatas 4:24

Pitü nä̧tü̧ ta̧ju̧ru̧mä̧ wȩnȩkuä̧cha̧'a̧, todärenä̧ jo̧mȩnä̧ esekuäkuäwä wȩnȩ: Yajuterümä̧, Sinaí mü̧ä̧'kattü esekuinü̧ wȩnȩkuä̧cha̧'a̧, juäjuttümä̧ esclavo jü̧nä̧ ttu̧wo̧juȩtä̧u̧ wotütä rü̧'ä̧chi̧nä̧tü̧, Juajumä̧ Aga ji̧na̧'a̧.

Filipenses 4:5

Ukutu eseu jȩ'kuä̧tu̧ku̧mä̧ kkorotü o'katoi'ünä̧ tu̧wo̧juö̧nä̧ kka̧kuä̧tu̧kui̧. Tu̧ru̧wa̧ ichäkuomȩmä̧ täkü tü'küwächa'a.

Hebreos 10:25

Ka̧ka̧kuä̧rü̧ jȩpä̧tu̧kui̧, kkorotü jȩpü̧ weyejuottinü̧'a̧nü̧mä̧ ku̧ka̧ka̧kuä̧rä̧tu̧kuo̧ka̧'a̧mä̧ jȩ'kuä̧'chä̧tu̧kuä̧, ji'äkuäu wo̧juȩtü̧ jȩpä̧tu̧kui̧; Tu̧ru̧wa̧ u̧mo̧ro̧mä̧, täkü tü'kü ja̧'a̧.

Hebreos 10:37

Wȩyu̧kuä̧ wȩnȩmä̧ pä'a: Isopäi'ünä̧ a̧'u̧kua̧'a̧tä̧ ja̧'a̧nä̧, icha pä'inü̧mä̧, i̧chä̧kua̧. Rekuomä̧ to'epokü jä̧kua̧.

1 Juan 2:18

Chi̧tti̧mü̧ wotü täkü rüjí mo̧ro̧ ja̧'a̧. Ukutumä̧ ä̧ju̧kui̧nä̧tü̧jä̧, Crito-rü to'ija̧'a̧ku̧ wa̧mä̧ täkü i̧chä̧kua̧, pätta'a; ja̧'wa̧nü̧ ja̧'a̧ttü̧ täkü rekuätü, Crito-rü to'ija̧'a̧ku̧ ukuokuätü rä'ätü; ja̧'wa̧nü̧ jo̧mȩttü̧ täkü rüjí mo̧ro̧ ja̧'a̧ pä'ü wo̧juä̧tü̧jä̧.