1 Corintios 1:9 - Nuevo Testamento Uwotjüja

⁹ Dio-mä̧ iya päinü̧mä̧ iyü, Jua̧u̧tä̧ ja̧'a̧ chutä I̧tti̧, Tu̧ru̧wa̧ Jesucrito-ku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü wopinü̧mä̧.

TÄ̧DO Ä̧CUÄ̧ I̧HUȨNȨ

⁹ Diosmä 'cuäopönä jȩpö̧ chutä päömä. Ja̧u̧ ucuturu huoinä̧u̧jä̧ ji̧nä̧ yo̧mȩtȩ cu̧ja̧cuä̧tu̧cua̧ pä'ö chutä I̧tti̧ Tu̧ru̧hua̧ Jesucristocu.

1 Corintios 1:9 ပူးပေါင်းရင်းမြစ်များ

San Mateo 24:35

Mo̧ro̧jä̧'i̧nä̧, pi̧jä̧ rȩjȩ'i̧nä̧ beipächa'anä̧, ttü chi̧wȩnȩmä̧ beipächokü jä̧kuȩ.

San Juan 17:21

Jua'amä̧ o'katoi'ünä̧ ji̧nä̧ ya̧tȩ ttäkua'anü̧; Chä'o uku'i̧nä̧, ttünä̧ jä̧'i̧jü̧'ta̧'a̧nü̧; ja̧'wa̧ta̧nü̧ ttü'i̧nä̧, ukuku chä'ijüta'anü̧, juätü'i̧nä̧ ji̧nä̧ya̧tȩtä̧ ttünä̧, ujutunä̧; jua'amä̧ ttürü wekuina̧'a̧, pi̧jä̧ ttü̧ja̧ ttesetäkua'anü̧.

Romanos 11:17

Olivo dau wotü judío-mä̧, kuä̧na̧jui̧yä̧ jui̧rä̧chi̧'i̧nä̧u̧jä̧, juȩnȩ o'komȩmä̧ olivo müä'kiyu jäwätä u̧ju̧ni̧nä̧u̧jä̧, juätümä̧ ukutu ja̧'a̧. Ja̧'wa̧nü̧ jȩpü̧ kkada'ka ujukäkä päi'ünä̧ jȩpü̧ kkä̧kuä̧wä̧ olivo a̧'kua̧rü̧ iyinä̧u̧jä̧.

Romanos 8:28

Ja̧'wa̧ta̧nü̧ wo̧juä̧tü̧jä̧, Dio-rü repe'ü esewätürümä̧ o'kajuiyünä̧tä̧ adiu ppä̧dä̧u̧ pä'ü, churutä pä̧wä̧rü̧jo̧mȩnä̧ woinä̧u̧ru̧mä̧.

Romanos 8:30

Ja̧'wa̧nü̧ ä'kanä̧ jo̧mȩnü̧ jȩi̧nä̧u̧ru̧mä̧, juätürütä wopinü̧; juätü woinä̧u̧ru̧mä̧, adiwä isotütä päi'ünä̧ pärotü ikuinä̧u̧; ja̧'wa̧ta̧nü̧ adiwä isotütä päi'ünä̧ ü'ärotinä̧u̧ru̧mä̧ chutä üadiwä iyinä̧u̧.

Romanos 9:24

Ja̧'wa̧nü̧ ja̧'a̧ttü̧ woinä̧u̧jä̧ Dio-mä̧ suro, judío ttütämä̧kü̧ ja̧'wa̧ta̧nü̧ judío pokotürü'i̧nä̧, jü̧nä̧.

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

1 Corintios 10:13

Ukutumä̧ kkorotü ttü̧ja̧ usurä ttȩmä̧wä̧'i̧jü̧ jueitä 'kuäopä̧u̧jä̧; ja̧'wa̧nü̧ ja̧'a̧nä̧ Dio-rümä̧ kua̧'kua̧ wȩnä̧rä̧tu̧kui̧, kua̧mi̧ 'kikuächi'ätuku juiyünä̧ jü̧ 'kuäkuopätukua'anä̧ ja̧'a̧tä̧mä̧ tooko̧u̧ kuäkuotüjä̧. Jua̧u̧ yabonä̧, usurä kuȩmä̧wä̧tu̧ku̧ ichomȩnä̧mä̧, ji̧yȩtä̧ku̧ yo̧mȩtȩnä̧, jua̧u̧ttü̧ räkuopächätuku'i̧nä̧ iyü kkä̧nü̧, kua̧mi̧'kikuächi'ätukumä̧ iyäkuä̧u̧jä̧.

1 Corintios 10:16

Ja̧'wa̧ta̧nü̧ Santa Cena, Dio-rü ukuokuäkuäwoya tawomȩnä̧mä̧, ¿Crito ukuojanä̧ ji̧nä̧ ji̧yȩtȩ pä'i'okotüjä̧ tä̧jí̧? Ja̧'wa̧ta̧nü̧ trigo i̧ri̧si̧ tukuomenämä̧, ¿Crito idepänä̧, ji̧nä̧ ji̧yȩtȩ pä'i'okotüjä̧ tä̧jí̧?

2 Corintios 1:18

Ja̧'wa̧nü̧ ja̧'a̧nä̧, Dio-mä̧ jueünä̧tä̧ wa̧ ja̧'a̧ttü̧, ukuturumä̧ todärenä̧mä̧ ukuokuokotüjä̧.

Gálatas 1:15

Ja̧'wa̧nü̧ ja̧'a̧nä̧, Chu, ttü cha̧ju̧ kküakuä jakuättü 'kȩ'ȩpü̧ ȩmi̧nü̧tä̧ woinä̧ku̧sä̧, eseunu̧ repea'attü̧.

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

Efesios 3:6

Jua̧u̧mä̧, pi̧yȩ ja̧'a̧: judío pokotü'i̧nä̧, irae ttü̧ja̧ku̧ yo̧mȩtȩnä̧ Dio jäwä ttȩmä̧kuo̧tü̧, ji̧nä̧ ya̧tȩnä̧tä̧ ji̧nä̧ yotüte ttäkuotü, Crito-nä̧ iya päinü̧mä̧ ttȩmä̧kuo̧tü̧, jareü wȩnȩnä̧.

Colosenses 1:24

Jitämä̧ eseusä ukutu jäwänä̧ usurä ȩmä̧u̧, ja̧'wa̧nü̧ jo̧mȩnä̧mä̧ ttü chidepänä̧, Crito usurä ȩmä̧wi̧nü̧ yabonü̧ usurä ȩmä̧u̧sä̧, igresia wotünä̧. Jua̧u̧ igresia-mä̧ chutä jä̧ttä̧pä̧ya̧ ja̧'a̧ttü̧.

1 Tesalonicenses 2:12

Jitäwä'i̧jä̧u̧jä̧ Dio i̧tti̧mü̧ ttü̧ja̧ku̧'a̧nü̧ ku̧ja̧kuä̧tu̧kuä̧kua̧'a̧nü̧, ttu̧ju̧nä̧ra̧ pä'ü woinä̧u̧ jü̧nä̧.

2 Tesalonicenses 2:14

Pi̧yȩ amükuädü Dio-mä̧ woinä̧u̧jä̧, adiwäjuei jareü wȩnȩ jitäwa'a ä̧ju̧ku̧: Tu̧ru̧wa̧ Jesucrito uruwo jäwä kuȩmä̧tu̧kua̧ pä'ü.

2 Tesalonicenses 3:3

Ja̧'wa̧nü̧ ja̧'a̧nä̧ Tu̧ru̧wa̧mä̧ adiwä i̧sa̧, kua̧mi̧ 'ki'ächi'ü ku̧ja̧kuä̧tu̧ku̧nä̧ jȩä̧kuä̧u̧jä̧ surojü 'kuäopomȩnä̧'i̧nä̧ tta̧wä̧rä̧kuä̧u̧jä̧.

2 Timoteo 1:9

Dio-mä̧ surojüttü tü̧ji̧pü̧nä̧ ppädinä̧u̧jä̧, ja̧'wa̧nü̧ ppä'ädü umüwäyotü surojü jui'ätü jü̧nä̧ woinä̧u̧jä̧, ujutu adiu jȩtü̧nä̧mä̧kü̧ ja̧'wa̧nü̧ ja̧jü̧ jueimä̧ Dio ä̧kuo̧mȩnä̧ttü̧ kkä̧mä̧dü̧ rȩrü̧jü̧ topü Jesucrito-nä̧ amükuädü uju̧ni̧nü̧'a̧kuä̧ ji̧na̧'a̧.

2 Timoteo 2:13

ujutu adiu tü̧jo̧ka̧'a̧ jü̧ttü̧'i̧nä̧, jua̧u̧mä̧ adiutä kkü̧, Jua'amä̧ chutä a̧mü̧nä̧ pa̧ja̧tü̧mä̧ ä̧ppü̧tä̧rä̧kuä̧wo̧ka̧'a̧ttü̧.

Tito 1:2

Ja̧'wa̧nü̧tä̧ Dio yaparewokümä̧ tabokutä päi'ünä̧ kkä̧kuä̧wä̧ i'ko chi̧yä̧kua̧sä̧ päinü̧ ttȩma̧ pä'ümä̧ tta̧'ä̧rü̧ kka̧kuä̧tü̧jä̧.

Hebreos 10:23

Käkuädi'ätukuoka'a kka̧kuä̧tu̧kui̧ kua̧'kua̧ wȩnä̧rü̧nü̧ Tesetinü̧ pätünä̧mä̧, isopäi'ünä̧ Dio ujuturu iya päinü̧mä̧, i̧yä̧kua̧.

Hebreos 11:11

Ja̧'wa̧ta̧nü̧ kka̧'kua̧ ku̧wȩnä̧ro̧mȩttü̧, Sara-mä̧, kki̧tti̧mü̧ to'aju kka'anä̧, kkujuru ȩmi̧nä̧ju̧, kki̧tti̧rü̧ o'kaju juoja pä'ümä̧, täkü kkubüäkuächina̧'a̧nä̧. Jua'amä̧, ttürü ukuokuinü̧mä̧, päinü̧ta'anü̧ jȩä̧kua̧ pä'ü kkeseta'attü.

Hebreos 2:17

Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

Hebreos 6:18

Ja̧'wa̧nü̧ Dio yaparewokü ja̧'a̧mä̧; juramento pättünä̧ iya päinü̧'i̧nä̧, wȩnȩtü̧ i̧mi̧nä̧ päinü̧'i̧nä̧ yoriso pärowächoka'a. Ja̧'wa̧nü̧ jo̧mȩttü̧ eseu ta̧'kua̧ wȩnä̧rä̧tü̧jä̧ Chutä ujuturu tta̧wä̧rü̧'i̧nä̧ ja̧'wa̧ta̧nü̧ ujuturu i̧yä̧kuȩ'i̧nä̧, jü̧nä̧.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.

1 Juan 4:13

Pi̧yȩttü̧ topü wo̧juä̧tü̧jä̧, Chutä Dio-ku kkä̧tü̧jä̧ pä'ümä̧; ja̧'wa̧ta̧nü̧ Chutä Dio'i̧nä̧ ujutuku kkü̧ pä'ümä̧: Dio-ttü ichinü̧ Epíritu-ru ujuturu iyinomȩttü̧.

Apocalipsis 19:11

Ja̧'wa̧ta̧nü̧ mo̧ro̧jä̧ bawekua'a topinü̧sä̧; juȩnȩ cabayu tȩ'a̧rü̧ ü̧ja̧'a̧ topinü̧sä̧, jua̧u̧ u̧wä̧mȩ wü̧mä̧ mikuinü̧, päümä̧ jȩpü̧ ja̧'wa̧ta̧nü̧ jueü wȩnȩtä̧ wa̧, isopäi'ünä̧ jueünä̧tä̧ we'ü, kurä ürowäwa'attü.