1 Corintios 1:8 - Nuevo Testamento Uwotjüja

⁸ Dio-mä̧, ukuturumä̧ pi̧jä̧ beipächomȩbü päi'ünä̧ 'kiyünä̧ ku̧jä̧tu̧ku̧nä̧ tta̧wä̧rä̧kuä̧u̧jä̧, Tu̧ru̧wa̧ Jesucrito pä'äjita'anü̧ ichomȩnä̧, surojü jȩ'kuä̧tu̧ku̧mä̧, ya̧tȩrü̧'i̧nä̧ päwi'ü juiyäkua'anü̧.

TÄ̧DO Ä̧CUÄ̧ I̧HUȨNȨ

⁸ Dios cuami 'qui'ächi'ö cu̧ja̧cuä̧tu̧cua̧ pä'ö tta̧huä̧rä̧cua̧ ucuturu röji mo̧ro̧ päi'önä, Tu̧ru̧hua̧ Jesucristo ichö mo̧ro̧ päi'önä, yoröiso suronä ttucuocu juiya pä'ö ucuturu.

1 Corintios 1:8 ပူးပေါင်းရင်းမြစ်များ

San Lucas 17:24

Isopäi'ünä̧ ubo I̧tti̧ weü mo̧ro̧mä̧, ku'upä mo̧ro̧jä̧nä̧ ürowomȩnä̧, päkuäda'akuttü ürowa'anä̧, pätekua'anä̧'i̧nä̧ kkȩdȩpo̧'ä̧cha̧'a̧ jä̧'i̧jü̧'a̧nü̧ jä̧kua̧'a̧.

San Lucas 17:30

Ja̧'wa̧nü̧ jä̧kua̧'a̧ ubo I̧tti̧ i̧jȩkuä̧chü̧ mo̧ro̧mä̧.

Romanos 14:4

¿Dí kua'ajä̧ttü̧ ukumä̧ ja̧'wa̧nü̧ kka̧ra̧ u̧mü̧wä̧ya̧rü̧ suronä̧ pä'ümä̧? Adiu ü̧jü̧ttü̧'i̧nä̧, suronä̧ ü̧jü̧ttü̧'i̧nä̧, jua'amä̧ U̧ru̧wa̧ wa̧tä̧ ja̧'a̧ jua̧u̧ pä'ümä̧. Ja̧'wa̧nü̧ ja̧'a̧nä̧ adiutä ma̧ä̧cho̧ka̧'a̧ ü̧jä̧kua̧, isopäi'ünä̧ U̧ru̧wa̧mä̧ ujuru kku̧nä̧rü̧ jua̧u̧ru̧ ma̧ä̧chü̧ juiyünä̧ jȩa̧ pä'ümä̧.

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

Romanos 8:19

Isopäi'ünä̧ Dio aditäwämä̧, a̧mi̧ 'ki'ächi'ü tta̧wä̧ra̧'a̧, Dio i̧tti̧mü̧ tti̧jȩkuä̧chi̧'ä̧kuȩ mo̧ro̧.

1 Corintios 3:13

Ttaditäwämä̧ wäjuönä̧ i̧jȩkuä̧chä̧kua̧'a̧ jȩtti̧nü̧'a̧kuä̧ ü'ojo'ü mo̧ro̧ päi'omȩnä̧; isopäi'ünä̧ jua̧u̧nü̧ mo̧ro̧mä̧ okuränä̧tä̧ i̧jȩkuä̧chä̧kua̧'a̧; ja̧'wa̧nü̧ ja̧'a̧ttü̧ yotukunä̧ jȩtti̧nü̧mä̧ okuränä̧tä̧ kka̧kuä̧mü̧ toäkuäwäkua'a.

1 Corintios 5:5

ja̧'wa̧nü̧ jȩpü̧ Sataná-rü̧ iyü ikuätukuirü, idepä jättäji toe'ächünä̧, Tu̧ru̧wa̧ Jesucrito ichü mo̧ro̧ päi'omȩnä̧ a̧'kua̧rü̧ surojüttü kki̧'ä̧kua̧'a̧nü̧.

2 Corintios 1:13

Ukuturu wȩyu̧tu̧ wetomȩnä̧mä̧, kukuokuätuku juiyü'anü̧ jü̧mä̧, ku̧wo̧jui̧pä̧tu̧ku̧ juiyü'anü̧ jü̧mä̧ we'okotüjä̧; päjuriyänä̧mä̧ ttu̧wo̧jui̧pä̧kuo̧tü̧ pä'ü tta̧'ä̧rü̧sä̧;

2 Corintios 1:14

Jitä ku̧wo̧jui̧pä̧tu̧kuo̧kü̧mä̧. Tu̧ru̧wa̧ Jesucrito ppa̧wä̧cho̧mȩnä̧ ujuturu kueseäkuäwäkuotüjä̧; ujuturu, pärokua'aku teseäkuäwuöta'anü̧.

2 Corintios 1:21

Ja̧'wa̧nü̧ ja̧'a̧ttü̧ Dio-mä̧ Crito-nä̧tä̧ ujuturu'i̧nä̧, ukuturu'i̧nä̧ ji̧nä̧ yotüte jü̧nä̧ juo'epü, 'kȩ'ȩpü̧ u̧ju̧nä̧u̧jä̧, Chutätä ȩmi̧nä̧u̧jä̧

Efesios 5:27

Ja̧'wa̧ta̧nü̧ igresia-rümä̧ tȩya̧u̧nä̧tä̧ kkȩdȩpü̧nä̧ jȩpü̧ iku; Idikuomȩ'i̧nä̧, yü'kiwä jü̧'i̧nä̧, kkoro surojümä̧ juiyünä̧tä̧ jȩpü̧ iku ȩmi̧nü̧.

Filipenses 1:10

Jua'amä̧ adiwäjuei ku̧wo̧juä̧tu̧kua̧ pä'ü. Ja̧'wa̧nü̧ kuätukuttümä̧ Jesucrito ichü mo̧ro̧ päi'omȩnä̧ surojü juikuätukuäkuotüjä̧ ya̧tȩ'i̧nä̧ surojü jȩ'kuȩ'i̧jü̧ päü juiyäkua'anü̧.

Filipenses 1:6

Chu̧wo̧juä̧u̧nä̧ jä̧ku̧sä̧ isopäi'ünä̧ ukutunä̧ adiwä juei jȩpi̧nü̧mä̧, yabonü̧ aditü ikuäkua̧ pä'ü, Jesucrito ppa̧wä̧chä̧kuȩ mo̧ro̧bü päi'ünä̧.

Colosenses 1:22

Ja̧'wa̧nü̧ jȩpü̧, Crito-mä̧ idepänä̧, wa'ü iku, surojü jui'ätü sa̧tu̧ jü̧nä̧, idiku juiyünä̧, ro̧ȩkuä̧ jui'ätü jü̧nä̧, juoepinä̧u̧jä̧ Dio ä'kattü.

Colosenses 2:7

Chuttutä kkada'ka jü̧nä̧ 'chu̧ä̧rü̧nä̧ kka̧kuä̧tu̧kui̧. Yabonü̧ kua̧'kua̧ wȩnä̧rä̧tu̧kui̧rü̧ ku̧wo̧jui̧'i̧nä̧tu̧ku̧'a̧kuä̧, 'kuäopünä̧ Dio-rü eseu.

1 Tesalonicenses 3:13

Ja̧'wa̧ta̧nü̧ Tu̧ru̧wa̧rü̧ jä'epätüjä̧, Chutätä rü̧ȩnä̧ kua̧'kua̧ ku̧wȩnä̧rä̧tu̧ku̧nä̧, surojü juiyünä̧ kujurutuku iyätukuaku pä'ü. Ja̧'wa̧nü̧ jo̧mȩnä̧ chutä pojopü ȩmi̧nä̧u̧ku̧ ichomȩnä̧ Dio ä'ka jo̧mȩttü̧ ukuturu, jitüjamä̧ suropätü pä'ü jittäu juiyäkua'anü̧. Amȩ́.

1 Tesalonicenses 5:2

Isopäi'ünä̧ ukutumä̧ jo̧mȩnü̧tä̧ wo̧juä̧tü̧jä̧. Tu̧ru̧wa̧mä̧ tta̧tä̧ro̧kü̧ mo̧ro̧, yodó nä̧u̧kuä̧rä̧kuä̧wä̧ i̧sa̧ jä̧'i̧nü̧'a̧nü̧ i̧chä̧kua̧ pä'ümä̧;

2 Tesalonicenses 2:2

kuamükuädätukumä̧ 'kuäunä̧tä̧mä̧ ku'ärowächätukuä, ya̧tȩ yapare jiäwa'anä̧mä̧ ja̧'a̧tä̧mä̧ to'kuäkuäwätukuä, epíritu jiäwäjäkusä, ja̧'wa̧ta̧nü̧ juätümä̧ pa̧'a̧nü̧ jittäwäjäkusä päüttü'i̧nä̧ ja̧'wa̧ta̧nü̧ pauru wȩyu̧tu̧ we'äji pättüttü'i̧nä̧.

2 Tesalonicenses 3:3

Ja̧'wa̧nü̧ ja̧'a̧nä̧ Tu̧ru̧wa̧mä̧ adiwä i̧sa̧, kua̧mi̧ 'ki'ächi'ü ku̧ja̧kuä̧tu̧ku̧nä̧ jȩä̧kuä̧u̧jä̧ surojü 'kuäopomȩnä̧'i̧nä̧ tta̧wä̧rä̧kuä̧u̧jä̧.

2 Timoteo 1:12

Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

2 Timoteo 1:18

Tü̧ä̧nä̧wa̧tä̧ ji̧yȩnü̧ mo̧ro̧ rȩrü̧jü̧ toäkuäwä ü̧'o̧kui̧'ü̧nä̧ ppä̧dä̧kua̧. Täkü ukumä̧ wo̧jua̧jä̧, Onesíforo ujuturu Éfeso ütawiyättü ppädinü̧mä̧.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

2 Pedro 3:10

Ja̧'wa̧nü̧ ja̧'a̧nä̧ Tu̧ru̧wa̧ u̧mo̧ro̧ päi'omȩnä̧mä̧ nä̧u̧kuä̧rä̧wä̧ i̧sa̧ 'kua̧rü̧nä̧ i̧chä̧kua̧. Ja̧'wa̧nü̧ päi'omȩnä̧ mo̧ro̧jä̧mä̧ rü̧ä̧nä̧ yettünä̧ päi'ünä̧ rä̧mi̧pü̧nä̧ jȩä̧chä̧kua'a, juä̧jä̧nä̧ rü̧jü̧'i̧nä̧ okurä kkuwü ikuomȩnä̧ to̧ȩ'ä̧chä̧kuȩ, ja̧'wa̧ta̧nü̧ rȩjȩ'i̧nä̧, o'kajuiyünä̧ juä̧jä̧nä̧ kka̧ku̧mä̧ kuo'ü i̧kuä̧kuȩ.

2 Pedro 3:14

Ja̧'wa̧nü̧ ja̧'a̧ttü̧ chi̧jä̧wa̧tü̧, ji̧nä̧ pi̧yȩ tta̧'a̧rü̧ kkä̧nü̧, o'kajuiyünä̧ jȩ'kuä̧tu̧ku̧'a̧nü̧ jü̧mä̧ jȩpä̧tu̧kui̧, wȩnȩ'i̧nä̧ juiyünä̧, surojü'i̧nä̧ jȩpo̧ko̧tü̧ jü̧nä̧ ja̧'wa̧ta̧nü̧ idiku'i̧nä̧ juiyünä̧ Dio-mä̧ ü̧'o̧kui̧'ä̧kua̧'a̧nü̧.