Yud̯a 1:4 - Pokomo

⁴ Nyakunenani hivi kwa kwamba kuna wantu wangine wasiomumanya Muungu wadzinyeezeyeo-nyeezeyeo wakinjia kahi yenu. Hawa hawa wantu wakuyongweezani kwamba, at̯i hunaweza kugija kuishi maisha ya kuuḅa t̯amaa nzuka nzuka za kimwii koro Muungu anahufwiya t̯ei. Hukumu ya hawa hawa wantu iyavigwa hangu kae na kae, koro wamukana huyu Ḅwana jeje heket̯u hwiyenae, yani Yesu Kirist̯o.

Yud̯a 1:4 ပူးပေါင်းရင်းမြစ်များ

Matayo 13:25

Ela huḍe sikuwe, kula muntu epfoakiyaa, kwenda nyabvajwe hukuḍe nkondeni endeyeakishat̯a mbeju za pfaiya makisa akigonzowa.

Yohana 17:3

Na maisha ya kuunga na yuungo, ni kukumanya wewe wiye Muungu jwa ḍugha wewe heket̯u, pfamodza na kunimanya nami mimi Yesu *Kirist̯o unihumiye.

Mahendo 11:23

Epfokwenda akiona hiviḍe vya Muungu awahendeeyevyo mema hawa wantu, katsekea na kawafunda wonse wagije kumuserefat̯a Ḅwana na mojo mumodza.

Mahendo 15:24

Husikia kwamba mudzijwa ni wantu wangine wa hichi kit̯aro chehu, wadziyeo wakimwambia vyuuwo vimungizievyo chengeo na kuḍanganika. Ela swiswi ntahukuwaḍama kudzahenda dzavyo.

Wagalatia 2:4

na kwiwa wantu weowakitsaka ahinywe. Hawa ni wantu wadzihendezeyeo kuwa wahikiza, wakidzinyeeza-nyeeza wakidzingiza humu kit̯aroni mwehu. Wahunjiiya dza wad̯ozi wakitsaka kunanga hu uhuru wehu hwiwo nao hariani mwa *Kirist̯o Yesu, kwa kuhuhendeza wahumwa wa *Sharia ya Kiyahud̯i.

Wagalatia 5:13

Nywinywi, wandugu, muhanwa mupate kuishi maisha ya wantu weo huru. Ela hu huu uhuru nautseewa kipfangizo cha kuyatsa t̯amaa zenu za kimwii zimut̯awale. Ishinu humikianani na matsako,

Waefeso 4:14

Ntahuwezi kuwa dza wana vichuchu kawii wa kukulwakulwa kirahisi ni wantu weonadziona makaro wakayongweeza mayongweezo ya kwaarya wantu. Ntahuwezi kuwa dza chombo cha kubigwa ni mpepfo na mawimbi chikapfiikwa huku na huku.

1 Timoteo 5:8

Ela muntu akitsawat̯unza hawa wantu eo na yuuko nao, na fat̯i wantu wa nyumbani mwao, huyo kesakuikana hi faro ya Kikirist̯o na kakuhendekani viwi kuchia muntu asiyedzahikiza.

2 Timoteo 2:12

Ikiwa kwamba hugija kuit̯isa, pia hudzat̯awala pfamodza nae. Ikiwa kwamba humukana jeje, nae pia anahukana.

2 Timoteo 3:6

Wangine wao wanadzingiza madzumbani mwa wantu, wakaheka akili za wake wasio musumamo, wazihopfejweo ni mpuha ya nabvise zao na wakit̯awaligwa ni kula aina ya t̯amaa.

1 Pet̯ero 2:16

Ikaani dza wantu weo huru. Ela namutseutumia hu uhuru wenu kuhenda mazuka; kenge ikaani dza wahumisi wa Muungu.

1 Pet̯ero 2:8

Na kawii yamba, “Ni iwe ḍiḍyonahendeza wantu wakolasike wagwe.” Wanakolasika, koro ntawat̯ii chuuwo cha Muungu, ndookomu Muungu kawapangia kwamba wakolasike na kugwa dzevihivi.

1 Pet̯ero 4:18

Dza vya matsoro yaneneyevyo yakyamba, “Ikiwa kwamba wadheru t̯u, wanapfona na mbaa na mojo, ehe fat̯i wanabvise na wasiomuhila Muungu wanawa ku?”

2 Pet̯ero 2:10

Hi adhaḅu inawa haswa kwa hawaḍe weonauḅa t̯amaa zao nzuka nzuka za kimwii na kubalifa uwezo wa Muungu. Hawa waalimu wa nsuwe wanadziona, na ni wavikodzo. Wala ntawa hila kwa viumbe vya mbinguni. Ishinu wanakaa na kuvitsola-tsola.

2 Pet̯ero 2:7

Ela hat̯a vivyo kamupfonya Loti, koro ewa muntu mwema eyeakiishi kahi ya wantu wazuka muno. Loti ekihangaika muno mojoni mwakwe dzuu ya haya mahendo mazuka mazuka eyoakiyaona na hawa wantu, nsiku ḅaad̯a ya nsiku.

2 Pet̯ero 3:7

Kwa chicho chuuwo kimodza cha Muungu, hizi mbingu na huju lumwengu jwa yeo vyakuwekwani kudzanangwa na moho nsiku ya hukumu. Judzanangwa pfamodza na wantu wonse wasiomumanya Muungu.

1 Yohana 2:22

Mani d̯ubva ayu muntu munsuwe ni ga? Ni huyu eyenakwamba Yesu siye huyu *Masiya. Na muntu dzae ni mupfinga Kirist̯o, koro kakumukanani Baba na Mwanawe.

Yud̯a 1:15

Kakudzani kuwahukumu wantu wonse weo lumwenguni. Kadzawahukumu wanabvise wonse wasiomumanya Muungu. Kadzawahukumu kwa dzambo ḍya haya mahendo yao mazuka yonse wahendeyeo pfasipfo hat̯a kumushooga Muungu. Na pia kadzawahukumu kwa dzambo ḍya hivi vyuuwo vizuka vizuka vyonse vya hawa hawa wantu waneneyevyo dzuu ya Muungu.”

Yud̯a 1:18

Wamwamba, “Ngera za mwiso kudzawa na wantu weo na baladha weonat̯awaligwa ni t̯amaa zao nzuka nzuka pfasipfo hat̯a kumushooga Muungu.”

Upfenuo wa Yohana 15:4

E Ḅwana, jwa kutsakushooga wewe ni ga? Ambu ni ga jwa kutsaḍikuzya sariḍyo? Wewe ndiwe Mudheru wewe heket̯u. Kwa kwamba haya mahendoyo ya hachi yanaonekana wazi tswee, vyeet̯i vyonse vinakuvunzia nkuhi.”