Yud̯a 1:20 - Pokomo

²⁰ Ela nywinywi waḅamu zangu, ni had̯i mugije kuyambaka maisha yenu dzuu ya hu musinji we faro yenu iyawiyeyo kwa Muungu, na mugije kuyomba kuuḅana na hiviḍe vya Ruhu Mudheru evyonamuyongowa.

Yud̯a 1:20 ပူးပေါင်းရင်းမြစ်များ

Mahendo 15:9

Nkakuyanga ugaragara kahi yehu Wayahud̯i na wantu wa vyeet̯i vingine. Kaidheresa myojo yao kwa dzambo wahikiza.

Mahendo 26:18

Ni uwapfenuye matso yao na uwaperuye kuyawa kizani wauje muyangani, na wayawe ut̯awalani mwa Shaat̯ani wamuujie Muungu. Ili kwamba, kwa dzambo wanihikiza, Muungu anawayatsia nabvise zao na wadzakaa kuntu kwao kahi ya watsanwa wa Muungu.’

Mahendo 6:7

Ndookomu chuuwo cha Muungu kigija kud̯achaa kula pfantu. Chima cha wahikiza huko Yerusalemi chongezeka muno, na wakohani wenji wayahikiza haya *Maagu Mema.

Mahendo 9:31

D̯ubva tsanganiko ḍiwa na ngera ya naghea Yud̯aya, Galilaya na Samaria yonse. Chima cha tsanganiko ḍimuhiliyevyo Ḅwana, ndiyo mala ḍikwiiyevyo na kwongezeka kwa kungizwa mojo ni Ruhu Mudheru.

Warumi 15:2

Kula mumodza jwehu ni had̯i akihenda mambo ya kuwatsakiza wenzehu. Ni huhende hivi kwa manufaa yao, ili wapate kumbakika faroni mwao.

Warumi 8:15

Kwa kwamba Muungu nkakumumpa Ruhu jwa kumuhendeza wahumwa woga kawii, ela kamumpa Ruhu jwa kumuhendeza wana wa Muungu. Na huyo huyo Ruhu ndiye eyenahuwezesa hukwakumuyombani Muungu hukamuhana Baba jwehu.

1 Wakorint̯o 1:8

Na jeje anamungiza nguvu hat̯a mwiso, ili mutsekudzaonekana na t̯amba zuka ḍiḍeḍyonse hiyo hiyo Nsiku ya Ḅwana jwehu Yesu Kirist̯o adzeyokudza yupfii.

1 Wakorint̯o 10:23

Wangine wanakwamba, “Huna uhuru wa kuhenda kiḍechonse hutsakiyecho.” Ela si kula kintu kwamba kina maana. Munakwamba, “Huna uhuru wa kuhenda kiḍechonse hutsakiyecho.” Ela si kula kintu ya kwamba kinambaka.

1 Wakorint̯o 14:15

Mani d̯ubva nihendedze? Nayomba na ruhu yangu na akili yangu pia. Na nakwimba na ruhu yangu na akili yangu pia.

1 Wakorint̯o 14:26

Wandugu zangu, mani d̯ubva nichokunenani ni kintu ga? Ni kwamba, mwipfonatsanganika kwa mayombo, muntu anaweza kuwa na wiya, yungine anaweza kuwa na yongweezo, na yungine anaweza kuwa na hayaḍe ayangijweyo ni Muungu. Muntu yungine anaweza kunena na lugha ngeni, na yungine aweze kuimusya wantu maana ya haya yeyokunenwani na lugha ngeni. Haya haya yonse nayahendeke kwa dzambo ḍya kuḍimbaka hiḍi tsanganiko.

Wagalatia 4:6

Kwa dzambo ḍya kwamba hu wanawe, Muungu kamuhuma huyu Ruhu jwa Mwanawe myojoni mwehu. Ndiye huyu Ruhu eyenahuhendeza humuhane Baba.

Waefeso 4:12

Kazi yao ni kuwaelekanya wantu wa Muungu kumuhumikia Muungu ili hu mwii wa Kirist̯o, yani hiḍi tsanganiko, ḍipate kumbakika.

Waefeso 4:16

Wonse wamuhikiziyeo kawaunganya pfamodza dza hiviḍe vya mwii wa muntu wivyonagijaniswa ni haya makano ya mwii. Na kula kiiriiri kikihenda kaziye dza chivyonamala, mwii wonse unambakika na matsako na unawa na nguvu.

Waefeso 4:29

Namutseewa wantu wa vyuuwo vizuka vizuka. Ishinu mwipfonat̯amuka kunena, nenani vyuuwo vya kuwambaka hawaḍe weonamusikiiya ili vipate kuwafaiḍi.

Waefeso 6:18

Yombani kut̯wa dza vya Ruhu Mudheru evyonamuwezesa, mukimuyomba Muungu kwa haḍya zenu zonse. Wani matso na mugije kuyomba kut̯wa! Na mukwakuyombani wayombeyeni na wantu wonse wa Muungu.

Wakolosai 2:7

Gijani kumuhikiza Kirist̯o na muyagije na nguvu haya *Maagu Mema muyayongweezejweyo, nanywi munapata kukuya kuzimuni mwakwe, dza hiviḍe vya muhi wivyonamea mizi na ukakuya. Na ni muwe wantu wa kumuyaviza ḍuḍa Muungu kut̯wa.

1 Watesalonike 5:11

D̯ubva, ngizanani mojo na kumbakana na hivi hivi vyuuwo dza mwivyokuhendani.

1 Timoteo 1:4

Wambe watsekaiya ngano za nsuwe na milongo miyeya miyeya ya masari ya wabibi zao. Haya yanayeha yuḍaat̯o jusijo maana. Ntaiwapfe wantu kuimuka mupango wa Muungu, wiwonaimukika kwa njia ya faro.

2 Timoteo 1:5

Nyakukumbukani hi faro karit̯u wiyonayo, faro dze ya yaayejo Luise na mamajo Yunaisi weyokuwa nayo. Nina hakika ya kwamba hi hii faro unayo.

Tito 1:1

Mimi Paulo, muhumisi jwa Muungu na *ntumi jwa Yesu *Kirist̯o, nyakukworeani wewe Tito. Nihumigwa niwambake faroni watsanwa wa Muungu na niwayongoze kuimanya hi hachi iyonayongweezwa ni ḍini yehu.

Yakobo 2:22

Kwakuonani? Iburahimu ewa kamuserefat̯a Muungu chima cha kwamba, ewa t̯ayari kuhenda kiḍechonse cha Muungu amwambiiyecho. Ndookomu hi faroye ikamilika na haya mahendoye.

2 Pet̯ero 1:1

Mimi Simioni Pet̯ero, niiye muhumisi na *ntumi jwa Yesu *Kirist̯o, nyakumworeani nywinywi nyonse mumuhikiziyeo Yesu Kirist̯o, eye Muungu na mupfonya jwehu. Yesu kamuhendeza muwe na faro iyo na thamani dza hi ahupfiyeyo swiswi kwa dzambo ḍya wemawe.

1 Yohana 5:4

kwa dzambo ḍya kwamba, kula mwana jwa Muungu anajushinda huju lumwengu. Na kujushinda huju lumwengu, hunakaa na kujushinda kwa faro yehu.

Yud̯a 1:3

Watsakwa, gula ninkitsaka muno kwamba nimworeye dzuu ya hu mupfonyo huupatiyeo hwonse. Ela niona kwamba ni urembo nimworeye kwamba muyaheheye haya *Maagu Mema muyahikiziyeyo. Hi hachi ya haya haya Maagu Mema, Muungu kaiyavya kwa hawaḍe wonse weo wakwe na ntaiperuke meshi.

Upfenuo wa Yohana 13:10

Huyuḍe apangijwee kuhwajwa maheka, huyo anahwajwa maheka. Na huyuḍe apangijwee kuyagwa na mundu, huyo anayagwa na mundu. Kwa hali dzehii, hawa wantu wa Muungu wanamala kuit̯isa na kuzigija faro zao na nguvu.