Yohana 6:37 - Pokomo

³⁷ Hat̯a vivyo, hawaḍe wonse wa Baba eonanimpa wanakudza kwangu. Nami hawaḍe wonse weonakudza kwangu siwezi kuwafat̯ula meshi!

Yohana 6:37 ပူးပေါင်းရင်းမြစ်များ

Matayo 11:28

Yesu kagija kunena kamba, “Nzoni kwangu nywinywi nyonse mwiwokuhangaikani na muzihopfejweo ni mizigo, nami namumpa kusoha.

Matayo 24:24

Koro kudzat̯upuka manabii wa nsuwe na wantu wadzeodzihana Kirist̯o. Wadzahenda mafara ya kumakisa na kuyanga vihambwiizo garagara, ili t̯ambere indewezekana waweze kuwaarya hat̯a hawa watsanwa wa Muungu.

Yohana 17:11

Mimi nyakunukani lumwenguni nyakudzani kwako, ela wao amaale waa lumwenguni. E Baba jwangu wiye Mudheru, nakuyomba uwamiye kwa ziziḍe nguvu unimpiyezo, yani nguvu za sariḍyo. Wamiye ili waweze kuwa na umodza dza hivi vyangu nawe hwivyo kintu kimodza.

Yohana 17:2

Wewe kunimpa mamulaka dzuu ya kula muntu, ili kwamba hawaḍe wonse unimpiyeo, niweze kuwapfa maisha ya kuunga na yuungo.

Yohana 17:24

Baaba, natsaka hawaḍe uwanimpiyeo wawe pfamodza nami hapfaḍe nidzepfowa, ili wanione maremboni mwangu. Kuningiza humu humu maremboni kwa kwamba wiwa kunitsaka hangu lumwengu ntajudzaumbwa.

Yohana 17:6

Mimi hawa wantu unimpiyeo kuyawana na huju lumwengu niwasumwiiya dzuu yako. Wao wewa mbwako, ela wewe kuwanimpa na wakigija hichi chuuwocho.

Yohana 6:39

Na miro ya huyu anihumiye ni kwamba, hawaḍe wonse awanimpiyeo nitseyatsa hat̯a mumodza jwao aare, ela nidzeniwafufuye nsiku ya mwiso.

Yohana 6:65

Kisa kawamba, “Ndiyo maana niyonena nikyamba, ‘Muntu nkawezi kudza kwangu ikiwa kwamba nkakuwezeswa ni Baba.’ ”

Yohana 9:34

Ela wao wamwamba, “Hangu kuvyajwani kwako wewe u munabvise jwa kafu! Sasa nawe unatsaka kuhuyongweeza kintu ga?” Ndookomu wamuyavya sunagogini.

Warumi 5:20

Hi Sharia ipfoyehegwa, injipfisa mazuka, ela kula pfa wantu wagijiyepfo kuhenda nabvise, Muungu kagija kuwafwiya t̯ei zaid̯i na zaid̯i.

Wafilipi 1:29

Koro hi hii namfasi maalumu mupfegejweyo, ntamukuipfegwa kwa kumuhikiza Kirist̯o t̯u, ela hat̯a na kwa kukuntiswa d̯ina kwa dzambo ḍyakwe.

1 Timoteo 1:16

Ela kwa hiḍi hiḍi dzambo, Muungu ewa mut̯ei kwangu. Na kanipfonya ili kwamba Kirist̯o Yesu aweze kuwayanga wantu wangine namuna aivyo mwema na mumpowe. Na kwa dzambo ḍya kwamba mimi ndimi niyekuwa munabvise mukuu jwa mwiso, nikaa dza mufaano wa kuyanga kula muntu, kwamba yuḍejwonse adzeyemuhikiza Kirist̯o anapata maisha ya kuunga na yuungo.

2 Timoteo 2:19

Ela Muungu kaḍisumamisa hiḍi tsanganiko ḍyakwe dza musinji mumu gu usiosukusika. Na hu musinji woregwa hivi vyuuwo hivi: “Ḅwana kamanya weo wakwe.” Na kawii woregwa hivi: “Yuḍejwonse ambiye njwa Ḅwana, ni had̯i ayayatse mazukaye.”

Waeburania 4:15

Na huyu Mukohani Mukuu jwehu ni muntu aumanyiye udhaifu wehu. Jeje kaḍemegwa dzaswi na kula njia, ela nkakugwa nabviseni.

Waeburania 7:25

Ndookomu jeje anaweza kuwapfonya kut̯wa hawaḍe wonse weonamwendea Muungu kuchiiya kwakwe, kwa kwamba jeje anakaa maishi kuwayombea kwa Muungu.

1 Yohana 2:19

Hawa hawa wantu weonamupfinga Kirist̯o wayawa kahi yehu, ela haswa haswa, ntaweewa wantu wa kit̯aro chehu, na ndiyo maana wayawananiyeo naswi. T̯ambere wandeewa mbwa kit̯aro chehu ntawandeyawana naswi. Ela wayawana naswi kuyanga ya kwamba ntaku hat̯a mumodza jwao eyekuwa jwa kit̯aro chehu.

Upfenuo wa Yohana 22:17

Huyu Ruhu na huyu Ḅiḅi Harusi wamba, “Nzoo!” Na yuḍejwonse avisikiiye hivi hivi nambe, “Nzoo!” Yuḍejwonse eye na nchiu nadze! Atsakiye madzi yeyonapfa wantu maisha yasiyosia, nadze anwe ḅure!