Yohana 18:20 - Pokomo

²⁰ Na Yesu kamwamba, “Mimi nikisumwiiya wazi wazi tswee, na kula muntu ekinisikia. Nikikaa na kuyongweeza masunagogini na Hekaluni, kuntu kwa Wayahud̯i wonse wekonakaa na kutsanganika. Sidzanena kiḍechonse sirini.

Yohana 18:20 ပူးပေါင်းရင်းမြစ်များ

Matayo 24:26

Ndookomu yuḍejwonse adzeemwamba, ‘Huyu Kirist̯o ka hukuḍe yuwandani,’ wala namutsemufwanya. Ambu akimwamba, ‘Huyu Kirist̯o ka humu chumbani,’ namutsemuhikiza.

Matayo 26:55

Makisa Yesu kanena ne t̯ut̯a idziyeyo kumugija kamba, “Munidzia na myundu na mambuku, dza kwamba mudzia kugija mwivi? Kula na nsiku nikikaa na kuyongweeza humuḍe Hekaluni, ela ntamukunigija.

Matayo 26:65

Pfapfo huyu Mukohani Mukuu kaḍihararuya hiḍi vwaziḍye na kanena na idzwi kuu kamba, “Kakukufuruni! Kuna haḍya ga ya mashaahiḍi amaale? Nywinywi wenye mumusikia akwakukufuruni!

Matayo 4:23

Yesu kazinga ḍyimbo ḍyonse ḍya Galilaya, akyenda na kuyongweeza masunagogini na kusumwiiya haya *Maagu Mema dzuu ya Uhaju wa Mbinguni. Na pia kapfonya wantu wenji na wenji weokuwa na majwazi na nd̯wari za kula namuna.

Matayo 9:35

D̯ubva Yesu kenda midzi yonse na vidzidzi vye hiḍe ḍanda, akiyongweeza masunagogini na kusumwiiya haya *Maagu Mema dzuu ya Uhaju wa Mbinguni. Na pia kawapfonya wantu wenji na wenji weokuwa na majwazi na nd̯wari za kula namuna.

Marko 8:32

Haya mambo Yesu kayanena wazi wazi tswee. Ndookomu Pet̯ero kamukuntia geri kaḍabva kumukanya atsenena mambo dzayo kawii.

Luka 21:37

Ndookomu kula nsiku, Yesu ekiyongweeza na musikahi humuḍe Hekaluni, na siku ukinaa ekyenda Murima wa mihi ya Mizeituni na kuyaa.

Luka 4:15

Kayongweeza masunagogini, na wonse wamushad̯a kwa mayongweezoye.

Yohana 18:21

D̯ubva sikaiye kuniuza mimi maswali, wauze hawaḍe weowakinisikiiya. Wao wanakwambia hayaḍe niyonikiwayongweeza.”

Yohana 6:59

Haya haya mambo, Yesu ewa kayanena epfoakiyongweeza *sunagogini hukuḍe Kaperinaumi.

Yohana 7:14

Hi jila ihendeka mumpaka hizi nsiku ze jila zipfohunika nusu, Yesu kenda Hekaluni kaḍabva kuwayongweeza hawa wantu.

Yohana 7:26

Haya t̯amuyoweni, siye ayu kakuyongweezani wekeani tswee? Kut̯i ntawadzamwambukuya chuuwo? Ambu munamba wamahambuya kwamba ndiye ayu *Masiya ḍugha?

Yohana 7:28

Yesu kagija kuyongweeza humuḍe Hekaluni kisa kawalalabvia hawa wantu kawamba, “Nywinywi munakwamba munimanya mumpaka niyawiyeko! Ela mimi sikudziyeha mwenye hat̯a. Huyu Muungu anihumiye ni muhikizika, ela nywinywi ntamumudzi.

Yohana 7:4

Muntu eyenatsaka kumanyikana, mamboye nkayahende mfitsoni hat̯a! Ikiwa kwamba unaweza kuhenda mafara ya kumakisa ḍugha, juyange huju lumwengu waone.”

Yohana 8:2

Kisa chamukoche, magura mapfema, kauja kawii hukuḍe Hekaluni. Iyo saa kut̯uut̯aa wantu wenji na wenji, nae kakaa chihako kaḍabva kuwayongweeza.

Yohana 8:26

Kuna menji niyonaweza kunena dzuu yenu, na kuna menji niyonaweza kumuhukumu nayo. Ela mimi najwambia huju lumwengu hayaḍe nisikiiyeyo kuyawa kwa huyu anihumiye t̯u. Na haya eyonanena jeje nza ḍugha.”

Mahendo 26:26

Haju Agiripa, nanena nae pfasipfo kumufitsa chuuwo, kwa dzambo ḍya kwamba haya ni mambo amanyiyeyo. Nina hakika ya kwamba haya mambo kayamanya modza kwa modza, koro ntayakuhendeka mfitsoni.