Yohana 1:50 - Pokomo

⁵⁰ Yesu kamwambukuya kamwamba, “Niukwamba niwa nikuona ukiwa nsi ya mutini. Dze, kuhikiza kwa dzambo ḍyevyohivyo t̯u? Ḅasi unaona mambo makuu kuchia hayo!”

Yohana 1:50 ပူးပေါင်းရင်းမြစ်များ

Matayo 13:12

Koro huyuḍe eye na kintu na akikitumia, huyo anakwongezejwa zaid̯i na zaid̯i. Ela huyuḍe asiye na kintu, ḅasi hat̯a hakaḍe kachuchu ekonako pia anakapfokwa.

Matayo 21:19

Kaona muhi wa mutini wiwokuwa geri ye njia, d̯ubva kawendea hafufi akayowe kwamba anaweza kupata matunda yaḍeyonse. Ela epfoufika nkakuona kintu, ishinu kaona magomba mahupfu. Ndookomu Yesu kawamba hu mutini, “Silani utsevyaa tunda hat̯a modza kawii!” Na pfapfo huḍe mutini unyuuka.

Matayo 25:29

Koro huyuḍe eye na kintu na akikitumia, huyo anakwongezejwa na anawa na vya kumut̯osa. Ela huyuḍe asikintu na akitsaawa muhikizika, ḅasi hat̯a hakaḍe kachuchu ekonako anakapfokwa.

Luka 1:45

Tsekea nzako, awe userefat̯ie kwamba haya wambiijweyo ni Ḅwana yadzat̯imia ḍugha!”

Luka 7:9

Yesu epfosikia haya kamaka. Ndookomu kachiperukia hichi kit̯aro chichochikimuuḅa kachamba, “Sidzaona muntu awee na faro nkuu dza hi hat̯a kahi ya Waisiraeli!”

Yohana 1:49

Natanaeli kamwamba, “Mwaalimu, hakika wewe u Mwana jwa Muungu ḍugha! Wewe u Haju jwa Isiraeli!”

Yohana 1:51

Makisa Yesu kongeza kunena kamba, “Hachi nyakumwambiani, mudzaziona hizi mbingu zikipfenuka, na malaika wa Muungu wakipfaa mbinguni na kusuka kwangu mimi Mwana jwa Ad̯amu.”

Yohana 11:40

Yesu kamwambukuya kamwamba, “Marit̯a, mimi sikukwambia ya kwamba ukihikiza unaona namuna ya uwezo wa Muungu uivyo?”

Yohana 20:29

Yesu kamwamba, “Wewe kuhikiza kwa dzambo ḍya kwamba kuniona. Heri hawaḍe wahikiziyeo pfasipfo kuniona.”