Warumi 9:4 - Pokomo

⁴ Wao ni Waisiraeli, na ni wantu watsanijweo kuwa wana wa Muungu. Muungu kawayanga namuna aivyo na kahenda maḍamano nao na pia kawapfa hi *Sharia yakwe. Wao wanamuyomba jeje Muungu jwa hachi na ndiwo wapfokeeyeo hizi ahad̯i za Muungu.

Warumi 9:4 ပူးပေါင်းရင်းမြစ်များ

Matayo 21:33

Yesu kagija kunena kamba, “T̯asikiiyani hiḍi inganyo ḍingine hiḍi: Kwiwa muntu mumodza eyekuwa na nkonde ya mizabibu. Kairinga na katsimba pfantu pfa kuelekanyia mvinyo, kisa kambaka na kilili cha kwamiiya. Akisa kaikoḍisha hi nkonde kwa wantu wangine waiime, kisa jeje kanjia charoni kenda nsi ingine.

Yohana 1:17

Muungu kaiyavya hi *Sharia kuchiiya na kwa Musa, ela matsakoye na kula kintu dzuuye kachiyanga kuchiiya na kwa Yesu *Kirist̯o.

Yohana 1:47

Yesu epfomuona Natanaeli kakumudziani, kamba, “Huyu ni Muisiraeli kindindi. Jeje nka makulekule yaḍeyonse!”

Mahendo 2:39

Koro ahad̯i ya Muungu iwa iwekwa kwenu na kwa vivyazi vyenu, na kwa wonse weo kuye, na kwa wonse wa Ḅwana Muungu jwehu ahaniyeo kwakwe.”

Warumi 3:2

Kuwa Muyahud̯i kuna maana kwa kula njia. Cha d̯ura ni kwamba Wayahud̯i ndiwo wantu wa Muungu awakaḅidhiyeo haya maaguye.

Warumi 8:15

Kwa kwamba Muungu nkakumumpa Ruhu jwa kumuhendeza wahumwa woga kawii, ela kamumpa Ruhu jwa kumuhendeza wana wa Muungu. Na huyo huyo Ruhu ndiye eyenahuwezesa hukwakumuyombani Muungu hukamuhana Baba jwehu.

Warumi 9:6

Sikwakunenani kwamba Muungu kayatsa kuit̯imiza hi ahad̯i awekeyeo kwa Waisiraeli hat̯a. Koro si kula eye Muisiraeli kwamba ni mutsanwa jwa Muungu!

2 Wakorint̯o 11:22

Wakyamba wao ni Waeburania, nami pia ni Mueburania. Wakyamba wao ni Waisiraeli, nami pia ni Muisiraeli. Wakyamba wao ni kivyazi cha Iburahimu, nami pia ni kivyazi cha Iburahimu.

Wagalatia 3:16

Muungu kamumpa ahad̯i Iburahimu na kit̯ukut̯ukuche. Haya matsoro ntayakwamba “na vit̯ukut̯ukuvyo,” dza kwamba yakuneneani dzuu ya wantu wenji na wenji, ela yamba “kit̯ukut̯ukucho,” kuyanga kwamba yakuneneani dzuu ya muntu mumodza t̯u, nae ni Kirist̯o.

Waefeso 2:12

Kumbukani kwamba mwiiwa ntamumudzi Kirist̯o kwamba ni ga. Na ntamwiiwa wantu wa kyeet̯i cha Muungu atsaniyecho, mwiiwa dza wageni. Ntamwiiwapfo kwa haya maḍamano ya Muungu ahendeyeyo na wantuwe akiwapfa ahad̯i ya kuwapfonya. Muishi humu lumwenguni pfasipfo madzikwat̯yo yaḍeyonse, na wala ntamwimumanya Muungu.

Waeburania 9:1

Hiḍi ḍamano ḍya d̯ura ḍiwa na masharia ya kuyanga namuna ya kumuyomba Muungu, na ḍiwa na pfantu pfa kuyombea pfaelekanyijwepfo ni wanaad̯amu.

Waeburania 9:10

Haya haya masharia ni dzuu ya kuḍya na kunwa na maad̯a yangine garagara ya kudzidheresa. Haya ni masharia yawekejweyo, yasiyohora mojo wa muntu. Yakutumikani mumpaka ngera ya Muungu adzepfoperuya mambo yonse kuwa mapfya.

Waeburania 9:3

Kisa kuwekwa yukangadzi. Ukichia huju yukangadzi unanjia hichi chumba cha pfii chichochikihanwa Pfantu Pfadheru pfa Mwiso.

Waeburania 9:5

Hapfa dzuu ya hiḍi sand̯uku, kwiwa kumiminwa viumbe viwii vya dhahaḅu vivyo dza makeruḅi, kuyanga kuwapfo kwa Muungu. Hizi mbawa zao zigonzokea dzuu kupfavinga hapfa pfantu pfa wantu pfa kuyatsijwa nabvise zao. Ela hapfa si haḍya ya kuhadza kula kintu.

Waeburania 9:6

Hivyo ndivyo vya kula kintu chivyokaa humuḍe kuzimu. Hawa wakohani wekinjia na kuyawa hapfa pfantu pfadheru kut̯wa, wakihenda hayaḍe yeyowamala kuhenda.