Warumi 9:20 - Pokomo

²⁰ Ela wewe mwanaad̯amu, hivi hivi nawe u ga, hat̯a uweze kumwambukuya Muungu? Kuna nyungu ga iumbijweyo iyonaweza kumuuza huyu muntu aiumbiye ikamwamba, “Kut̯i wewe kuniumba dza avi niivyo?”

Warumi 9:20 ပူးပေါင်းရင်းမြစ်များ

Matayo 20:15

Munamba ami si hachi ya kuhenda aviḍe nitsakiyevyo na hali ezi fwedha nzangu? Ambu kwakuonani wivu kwamba nina mojo mwema?’ ”

Luka 12:14

Yesu kamwambukuya kamwamba, “Aniwekeye t̯oibi jwenu ambu mugawa ḍala kahi yenu nyowii ni ga?”

Warumi 14:4

Koro awe u ga, hat̯a uwaone hawa wahumisi wa Muungu kwamba wana matsowa? Ni dzuu ya huyu Ḅwana jwao kuhuna kwamba wakuhendani matsowa ambu hat̯a. Na wanawa sawa kwa kwamba Ḅwana ndiye jwa kuwawezesa kuhenda yeyo ya sawa.

Warumi 2:1

D̯ubva wewe mwenzangu, ikiwa kwamba unawanena wangine kwamba wanahenda mazuka, ḅasi umanye kwamba hat̯a nawe nkuwezi kudzihehea hat̯a kachuchu. Koro ukwakuwahukumuni wangine, kwakudziyeheani hukumu wewe mwenye, kwa dzambo hat̯a nawe kwakuyahendani yayaḍe mambo wiyokuwanenani nayo wenziwo kwamba wakuyahendani.

Warumi 2:3

Wewe ukwakuwanenani kwamba hawaḍe weonahenda mambo dzayo wanamala kuhukumigwa, na hali nawe pia kwakuyahendani, unat̯ara kwamba e hukumu ya Muungu inakusaza?

Warumi 9:21

Hangu d̯ura muntu eyenaumba vija vya haka, nkakwaa na hachi ya kuutumia au haka kuumbia kiḍechonse echonatsaka? Kuyawana na lingole modza ḍya haka, anaweza kuumba vija aina garagara. Vingine vinawa vya kutumika kwa mambo ya hila na vingine vinawa vya matumizi ya kawaiḍa.

Warumi 9:22

Ḅasi hat̯a kwa Muungu vyaa dzevihivi. Ingawa Muungu ekitsaka kuiyanga hi ngoroye na ayange uwezowe eokuwa nao, kawaindiiya na kuwait̯isia hawaḍe eowarejea, yani hawaḍe weonamala kunangwa-nangwa.

1 Wakorint̯o 1:20

D̯ubva awa wantu weo na mvidhyo, weo wasomi ambu weo mad̯ubat̯a wa huju huju lumwengu, wanawa ku? Muungu kayanga kwamba mvidhyo ya wantu wa huju huju lumwengu ni uḍyura muhupfu!

1 Wakorint̯o 7:16

Wewe muke Mukirist̯o, kumanyadze kwamba pfangine unaweza kumupfonya mumeo? Ambu wewe muyume Mukirist̯o, kumanyadze kwamba pfangine unaweza kumupfonya mukaziwo?

1 Timoteo 6:5

na kuḍaat̯iana kusikosia. Haya yonse yanayawana na wantu weo na akili zifwiyezo na wasioimanya hi hachi. Wanat̯ara hat̯a ya kwamba ḍini ni njia ya kumuhendeza muntu awe jabva.

2 Timoteo 2:20

Kuzimuni mwa nyumba nkuu, kunakaa kukiwa na vija vya namuna garagara. Vingine vinaelekanywa na fwedha ambu dhahaḅu, na vingine vikawa vya muhi ambu vya haka. Vija vingine vinatumika byeka kwa mambo ya hila, na vingine vikatumika kwa mambo ya kawaiḍa.

Tito 2:9

Wambe hawa weo wahumwa, wawat̯ii maḅwana wao na wawatsakize kwa kula kintu. Ntawa ruhusa ya kwambukuyana nao

Yakobo 2:20

E ḍyurawe! Nkwaimuka hat̯a kwamba muntu akiwa na faro kisa akitsahenda mema, hiyo faro yakwe ntai maana?