Warumi 9:16 - Pokomo

¹⁶ Ndookomu kutsanigwa kwa muntu, ntakudze kwa muntu kudzihendea hiḍu jeje mwenye ambu kwa kutsaka kwakwe jeje mwenye, ela ni kwa t̯ei ya Muungu.

Warumi 9:16 ပူးပေါင်းရင်းမြစ်များ

Matayo 11:27

Makisa Yesu kamba, “Baba kanimpa mawezo dzuu ya kula kintu. Ntaku yuḍejwonse amumanyiye huyu Mwana, lamud̯a Baba jeje heket̯u. Na ntaku yuḍejwonse amumanyiye huyu Baba lamud̯a huyu Mwana na hawaḍe wonse wa huyu Mwana atsaniyeo kumuyanganya huyu Baba kwao.”

Matayo 4:8

Makisa Shaat̯ani kamuhwaa Yesu kawii kamupfiika dzuu ya murima mukuu, na kamuyanga nsi zonse za lumwengu na mad̯ahaye yonse.

Luka 10:21

Iyo saa Ruhu Mudheru kamungiza Yesu tsekea, nae kamushad̯a Muungu kamba, “Nakuyaviza ḍuḍa e Baba, wiye Haju jwa mbingu na nsi yonse. Nakuyaviza ḍuḍa kwa kwamba hi hachi kuiwafitsa hawaḍe weonadzihwaa kwamba ni makaro na wamanyi, na kuiwapfenwiiya wantu weo dza wana vichuchu! Ndivyo Baaba, kuona vyema kuhenda hivi hivi koro vikutsakiza.”

Yohana 3:8

Huyu Ruhu ndiye eyenahendeza wantu wavyajwe yupfii. Jeje ka dza hi mpepfo. Koro hi mpepfo inabiga kwenda kuḍekwonse ikonatsaka kwenda. Unaisikia t̯u ikwakubigani, ela nkumanye iyawiyeko wala ikokwendani.”

Warumi 9:11

Ela hangu hawa wana wepfokuwa ntawadzavyajwa, na wepfokuwa ntawadzahenda dzambo ḍiḍeḍyonse dzema ambu zuka, Muungu kanena na mama jwao kamwamba, “Kyeet̯i cha huyu mukuu, kidzahumikia kyeet̯i cha huyu muḍoḍo.” Ndookomu vinayanga tswee kwamba Muungu anamutsana muntu kuuḅana na hiviḍe evyonapanga mwenye. Nkamutsane muntu kwa dzambo ḍya mahendoye.

Wagalatia 2:2

Nyenda kwa dzambo ḍya kwamba Muungu ewa kayanga kwamba nyende. Na nipfokwenda, niwaimusya hawa wayongozi wamanyikaniyeo t̯u hi Injili niyonasumwiiya kwa wantu wa vyeet̯i. Nihenda hivi ili kwamba haya niyokuhendani na hayaḍe niyohenda, yatsekudzatsovyegwa maana.

Waefeso 2:8

Mupfonywa kwa t̯ei ya Muungu t̯u kwa kwamba mumuhikiza Kirist̯o. Ela ntamukupfonywa kwa dzambo ḍya mema yaḍeyonse muhendeyeyo. Hu mupfonyo mupatiyeo ni t̯ola ya Muungu amumpiyeyo. Ndookomu nakutseewa jwa kudziona.

Wafilipi 2:13

Koro Muungu ndiye eyekuhendani kazi kuzimuni mwenu, apate kumumpa mojo na nguvu za kuhendea hayaḍe yeyonamutsakiza jeje.

Yakobo 1:18

Kwa miroye mwenye, kahupfa kuvyajwa upfya kuchiiya na kwa hichi chuuwoche cha hachi. Kahenda hivi ili kwamba, kahi ya vyonse aumbiyevyo, swiswi huwe ndiswi viumbe vya maana vya mwiso kwakwe.