Warumi 9:1 - Pokomo

¹ Haya niyokutsakani kunena nza ḍugha, koro mimi ni jwa *Kirist̯o na siwezi kunena nsuwe. Hat̯a haya mat̯aro yangu yeyokuyongojwani ni huyu Ruhu Mudheru, nayo pia yakunimpani uhakika kwamba sikwakunenani nsuwe.

Warumi 9:1 ပူးပေါင်းရင်းမြစ်များ

Warumi 1:9

Hat̯a Muungu mwenye, huyu niyenamuhumikia na mojo wangu wonse kwa kuyasumwiiya haya Maagu Mema dzuu ya huyu Mwanawe, kamanya kwamba nakaa nakumukumbuka nyonse

Warumi 2:15

Hii inayanga kwamba hivi vye Sharia ivyonatsaka, wavimanya myojoni mwao. Hat̯a hizi mama zao zinayanga tswee kwamba hiḍi hiḍi dzambo ni ḍugha. Koro akili zao zinawapfa kumanya kwamba dzambo siku ni dzema ambu ni zuka.

Warumi 8:16

Ndookomu huyu Ruhu jwa Muungu pfamodza na hizi ruhu zehu vyakuyavyani ushaahiḍi kwamba hu wana wa Muungu ḍugha.

Warumi 9:2

Hachi mojoni mwangu nina ngiru na tsungu mwinji usiosia,

2 Wakorint̯o 1:12

Hwichonadziona nacho na hwicho na uhakika nacho ni kwamba, maisha yehu humu lumwenguni na uhusiano wehu nanywi, wiwa mbwa kuhikizika na wa kwambiana dza vya Muungu evyonatsaka. Hivi hivi huvihenda kwa nguvu za matsako ya Muungu, na wala si kwa mvidhyo ya kibenaad̯amu.

2 Wakorint̯o 1:23

Muungu ni shaahiḍi jwangu kwamba, sikudza Korint̯o kwa kwamba sikitsaka kumujumuiya d̯ina zingine.

2 Wakorint̯o 11:10

Nyakunenani hachi ya Kirist̯o kwamba, ḍyimbo zima ḍya Akaya, ntaku muntu jwa kunivingira kudzishad̯ia hiḍi hiḍi dzambo.

2 Wakorint̯o 11:31

Huyu Muungu, Baba jwa Ḅwana Yesu nashad̯we maishi na maishi! Jeje ndiye amanyiye, kwamba sikwakunenani nsuwe.

2 Wakorint̯o 12:19

Waḅamu zangu watsakwa, namutset̯ara kwamba hangu iiḍe hwakuḍemani kudzihehea usoni yenu hat̯a! Muungu ndiye shaahiḍi, kwamba, hwakunenani hi ya hachi dza wantu wamuhikiziyeo Kirist̯o. Yonse hwiyokuhendani, hwakuyahendani kwa dzambo ḍya kumumbaka nywinywi.

Wagalatia 1:20

Nyakumuyapfiyani usoni kwa Muungu kwamba, haya niyokworani si ya nsuwe, nza ḍugha!

Wafilipi 1:8

Hat̯a Muungu mwenye kamanya kwamba nyakunenani hachi, nikyamba nimutsaka na tsako dza hiḍiḍe ḍya Kirist̯o Yesu mwenye.

1 Watesalonike 2:5

Nywinywi wenye mumanya, na Muungu nae ni shaahiḍi, kwamba, hwipfokudza kwenu kumusumwiiya, ntahukumudzia na vyuuwo vya nsuwe ambu vya kumuhalahala hupate kufaiḍi kuyawa kwenu.

1 Timoteo 1:5

Na maana ya hi hii amuri ni kuhuhendeza swiswi na swiswi hutsakane na mojo mumodza. Ni had̯i hutsakane na myojo iyo na faro ya ḍugha na iyonahuhendeza humanye yeyo mema na mazuka.

1 Timoteo 2:7

Ndiyo maana nitsanijweyo dza *ntumi na mwaalimu jwa wantu wa vyeet̯i vingine, niwasumwiiye haya maagu ye faro ya hachi. Na haya niyokunenani ni ḍugha, si nsuwe hat̯a!

1 Timoteo 5:21

Nyakukuamuruni usoni kwa Muungu, usoni kwa Kirist̯o Yesu na kwa malaika wadheru, uzigije hizi amuri pfasipfo kuyatsa hat̯a modza. Na wala nkudzohende mambo kimwana abo na kimwana ano.