Warumi 8:7 - Pokomo

⁷ Ndookomu muntu eyenat̯aria ḅasi mambo ya kimwii ni nyabva jwa Muungu. Muntu dzae nkawezi kuit̯ii Sharia ya Muungu hat̯a kachuchu.

Warumi 8:7 ပူးပေါင်းရင်းမြစ်များ

Matayo 12:34

E nywinywi kivyazi cha nyoka! Au uzuka mwiwonao, munat̯ara kwamba munaweza kunena kintu chema kiḍechonse? Cha muntu echonanena kinayanga hiviḍe vya hu mojowe uivyo!

Matayo 5:19

Ndookomu yuḍejwonse adzeyeivunza hat̯a hiḍe amuri ndoḍo ya mwiso, na akiwayongweeza na wangine wahende dzavyo, ḅasi muntu dzae anawa muntu jwa nsii jwa mwiso Uhajuni mwa Mbinguni. Ela yuḍejwonse adzeyeit̯ii hi Sharia na akiwayongweeza na wangine kuhenda dzavyo, ḅasi muntu dzae anawa mukuu Uhajuni mwa Mbinguni.

Yohana 7:7

Anywi le wantu wa huju lumwengu ntawa saḅaḅu ya kumukevea, ela mimi wanikeva kwa kwamba nakaa na kuwambia haya mazuka weyonahenda.

Warumi 1:28

Kwa kwamba wadziza kumuhambuya Muungu, nae Muungu kawayatsa wakidzit̯aria haya mat̯aro yao mazuka mazuka, ili kwamba wakidzihendea ḅasi haya mambo wasiyomala kuyahenda.

Warumi 1:30

na kunenea wantu mazuka. Ni wantu wamukeveyeo Muungu na weo wat̯iriri, weonadziona na kudzishad̯a. Ao meshi wakulachani njia mpya mpya za kuhendea mazuka, na ni wantu wasiowasikia wavyazi wao.

Warumi 3:31

D̯ubva avi hwivyokungiziani mukazo dzuu ya kuwa na faro, ni kunena kwamba hwakuihendezani e Sharia kutsaawa na maana? Moro, sivyo hat̯a. Hivi hwivyokunenani hwakuingiziani mukazo hi Sharia.

Warumi 5:10

Hivi hivi huna uhakika navyo kwa dzambo ḍya kwamba hwipfokuwa nyabva na Muungu, hupatanishwa nae kawii kuchiiya na kwa hichi kifo cha huyu Mwanawe. Na sasa hukimapatanishwa na Muungu, ḅasi huna uhakika kwamba hunapfonywa, koro huyu Mwanawe ka mojo.

Warumi 7:22

Humu mojoni mwangu nakaa nikitsekezwa ni hi Sharia ya Muungu.

Warumi 8:4

Muungu kahenda hivi ili kwamba swiswi husiokuwa kuuḅani mambo ya kimwii, hwiwokuyongojwani ni huyu Ruhu jwakwe, huweze kuhenda yeyo ya hachi, dza hivi vye Sharia ivyonatsaka.

1 Wakorint̯o 2:14

Ela muntu asiyekuwa na huyu Ruhu anazidziza hizi t̯ola zizonayawa kwa Ruhu jwa Muungu. Kwakwe haya haya ni uḍyura muhupfu, na nkayaimuke, kwa dzambo ḍya kwamba yanaimukika kwa ugijo wa Ruhu t̯u.

1 Wakorint̯o 9:21

Na nikiwa kahi ya hawa wantu wasiokuwa Wayahud̯i, siuḅe Sharia za Kiyahud̯i. Ela hat̯a vivyo, sikwakunenani kwamba nayatsa kuuḅa hi Sharia ya Muungu, koro nya nsii ya sharia ya Kirist̯o. Naishi dza muntu asikwaa Muyahud̯i, nipate kuwanuha kwa Kirist̯o hawa wantu wasiokuwa Wayahud̯i.

Wakolosai 1:21

Nanywi nywinywi wenye, d̯ura mwiiwa ntamuhwaiyane moho na Muungu kwa dzambo ḍya mat̯aro yenu na mahendo yenu mazuka mazuka.

Wakolosai 2:18

Namutsekulwakulwa ni wantu weonaona urembo kuyomba malaika na kudzihendeza kuwa wampowe. Wao wanadzishad̯a kwamba wanakaa na kuona maono, na mat̯aro yao mazuka yanawahendeza wadzione na mambo yasiyo maana.

2 Timoteo 3:4

Wadzawa wantu wasiohikizika, weo na musindiiyo na weo na kudziona kwinji. Wadzatsaka raha, zaid̯i ya kumutsaka Muungu.

Waeburania 8:10

Hiḍi ḍamano nidzeḍyowekeana na nyumba ya Isiraeli ni hiḍi: Nsiku zizokudzani, nazyora sharia zangu myojoni mwao, na naziweka akilini mwao. Mimi nawa Muungu jwao, nao wanawa wantu wangu.

Yakobo 4:4

Nywinywi mwiwo dza wake waḅari! Ntamudzi kwamba kutsaka lumwengu ni kudziwekea uad̯ui na Muungu? Ndivyo, yuḍejwonse atsakiye kuwa ḅamu jwa huju lumwengu, huyo anawa ad̯ui jwa Muungu.

2 Pet̯ero 2:14

Hawa ni wantu waḍuijweo, koro ntawa kazi ingine, kazi yao ni kwendea wake mashudha t̯u! Ntawafurume kuhenda nabvise maishi, koro myojo yao ibarat̯a uhamile. Wanawasarat̯a hawaḍe weonaheeka kiurahisi na wakawagisa nabviseni.