Warumi 8:3 - Pokomo

³ Hi *Sharia ntaikuweza kuhuweka huru kwa dzambo ḍya udhaifu wehu wa kibenaad̯amu. Ela Muungu kahuweka huru kwa kumuhuma huyu Mwanawe jeje mwenye, adziye akivyajwa na mwii wiwo dza hi mii yehu ya nabvise. Kadza lumwenguni kahukumigwa ili azihunwiiye nabvise zehu.

Warumi 8:3 ပူးပေါင်းရင်းမြစ်များ

Marko 15:27

Na pia hawa asikari wapfatsika wevi wawii pfamodza na Yesu. Mumodza wamupfatsika mukono kuyume wa Yesu, na yungine wamupfatsika mukono tsonso.

Yohana 1:14

Huyu eyeakihanwa Chuuwo kawa mwanaad̯amu na kaishi kahi yehu. Huuona uwezowe mukuu, yani uwezo eo nao dza Mwana jeje heket̯u jwa huyu Baba. Kahuyanga winji wa matsakoye kwehu na kahupfa kumanya kula kintu dzuu ya Muungu.

Yohana 9:24

Kisa hawa wakuu wa Kiyahud̯i wamuhana mweedha wa pfii huyu muntu apfonyejwe na wamwamba, “Nena hiḍe ya hachi ya kumushooga Muungu. Swiswi humanya ya kwamba huyu muntu akupfonyeye ni munabvise.”

Warumi 3:20

Koro ntaku yuḍejwonse eyenahwajwa kuwa muhachi usoni kwa Muungu kwa dzambo ḍya kuiuḅa hi Sharia, kwa kwamba kazi ya hi Sharia ni kuwayanga wantu kwamba ni wanabvise.

Warumi 6:6

Na humanya kwamba hu ubenaad̯amu wehu wa d̯ura upfatsikwa hapfaḍe muhini mwa mpatsa pfamodza na Kirist̯o, ili kwamba nabvise itseewa na nguvu kawii maishani mwehu. Ntahukwaa wahumwa wa nabvise kawii.

Warumi 7:18

Nimanya kwamba ntaku dzema ḍiḍeḍyonse ḍiḍyo kuzimuni mwangu kwa dzambo ḍya hu ubenaad̯amu wangu. Koro ingawa kuzimuni mwangu nakaa na kudzisikia kuhenda mema, inanga siyahende.

Warumi 8:32

Huyu Mwanawe jeje mwenye t̯u, Muungu nkakumuhofea, ela kamuyavya dza mvuugiya kwa dzambo ḍya nabvise zehu hwonse. D̯ubva ikiwa kwamba huyu Mwanawe t̯u, kamuhupfa dzevihivi, dze, nkawezi kuhupfa mema yonse hat̯a?

Warumi 9:3

kwa dzambo ḍya hawa wandugu zangu, Waisiraeli. Hat̯a nat̯amani kwamba heri Muungu andeniḍuwa mimi mwenye na anit̯anye na Kirist̯o kafu, t̯ambere hiḍyo hiḍyo ḍindeweza kuwapfonya!

2 Wakorint̯o 5:21

Kirist̯o nkakuhenda nabvise iḍeyonse, ela Muungu kamuhendeza kuwa mvuugiya ya nabvise zehu, ili kwamba, kwa njia ya Kirist̯o, Muungu ahuhendeze kuwa wadheru, dza vyakwe jeje aivyo mudheru.

Wagalatia 3:13

Ela Kirist̯o kahukombowa kuyawana na hiḍi ḍuo ḍye Sharia epfoḍidzihwaiya kwa dzambo ḍyehu. Koro vyoregwa kwamba, “Yuḍejwonse apfatsikijwe muhini, Muungu kamuḍuwa.”

Wagalatia 3:21

Dze, ni kunena kwamba ai Sharia nezi ahad̯i za Muungu vyakupfinganani? Moro, ntavikwakupfingani hat̯a! Koro t̯ambere hi Sharia indeweza kupfa wantu maisha ya kuunga na yuungo, Muungu andemuhwaa muntu kuwa muhachi kwa dzambo ḍya kuuḅa hi Sharia.

Wafilipi 2:7

Kwa kutsaka kwakwe jeje mwenye, hayo hayo yonse kayajibat̯a. Kadziweka dza muhumisi, na kawa dza mwanaad̯amu.

Waeburania 10:12

Ela ae Kirist̯o kadziyavya mweedha mumodza t̯u dza mvuugiya ya kuhunwiiya nabvise zehu ngera zonse, kisa kakaa mukono kuyume wa Muungu.

Waeburania 10:14

D̯ubva kwa kudziyavya dza mvuugiya mweedha mumodza t̯u, jeje kawakamilisha maishi hawaḍe eokuwahendezani kuwa wadheru.

Waeburania 2:14

Kwa dzambo ḍya kwamba hawa wana wa Muungu ni wanaad̯amu waumbijweo na mwazi na nyama, Yesu nae kawa dzao. Kahenda hivi ili kwamba, kwa kufwakwe aweze kumunanga-nanga Shaat̯ani eye na nguvu za kuyaga wantu.

Waeburania 2:17

Ndiyo maana iwa imumala kuwa dza wanaad̯amu wangine wonse kwa kula namuna, ili apate kuwa *Mukohani Mukuu jwao eye mut̯ei na eyenahikizika kwa uhumisiwe kwa Muungu, ili kwamba hawa wantu wapate kuyatsijwa nabvise zao.

Waeburania 4:15

Na huyu Mukohani Mukuu jwehu ni muntu aumanyiye udhaifu wehu. Jeje kaḍemegwa dzaswi na kula njia, ela nkakugwa nabviseni.

1 Pet̯ero 2:24

Jeje mwenye kazipfagaaza nabvise zehu mwiini mwakwe epfofwa hapfaḍe muhini mwa mpatsa, ili kwamba hutseewa wahumwa wa nabvise kawii, ela huishi udheruni. Kwa kumad̯aiswa kwakwe hupata kupfowa.