Warumi 8:27 - Pokomo

²⁷ Na Muungu, huyu aimanyiye myojo ya wantu kamanya hivi vya huyu Ruhu evyonanena, kwa dzambo ḍya kwamba huyu Ruhu anawayombea wantu wa Muungu kuuḅana na hivi vya Muungu evyonatsaka.

Warumi 8:27 ပူးပေါင်းရင်းမြစ်များ

Matayo 6:8

Manyani mutseewa dzao, koro Baba jwenu jwa mbinguni kazimanya haḍya zenu hat̯a kaḅila ntamudzamuyomba.

Luka 16:15

Ela Yesu kawamba, “Ndinywi mwiwonadzihendeza kuwa wahachi usoni ya wantu, ela Muungu kamumanya hat̯a myojo yenu. Koro cha wantu wechonahwaa dza kintu chikuu, ni t̯ukio usoni kwa Muungu.”

Yohana 14:13

Nywinywi yombani kiḍechonse kwa sari ḍyangu, nami nachimuhendea. Na kwehii namuna Baba anapata kumanyikana namuna aivyo mukuu kuchiiya na kwa huyu Mwanawe.

Yohana 21:17

Makisa Yesu kamuuza Pet̯ero ḍya hahu kamwamba, “Dze Simioni mwana jwa Yohana, kunitsaka?” Pet̯ero kasikia tsungu kwa dzambo ḍya hivi vya Yesu amuuziyevyo mweedha wa hahu kwamba kamutsaka ambu hat̯a. Nae kamwamba, “Ḅwana, wewe kumanya kula kintu. Wewe mwenye kumanya ya kwamba mimi nikutsaka!” D̯ubva nae Yesu kamwamba, “Haya, zit̯ikise mbuzi zangu.

Mahendo 1:24

Makisa wayomba wamba, “Ḅwana, kumanya myojo ya wantu wonse. D̯ubva, huyange huyu umutsaniyee kahi ya hawa wantu wowii,

Mahendo 15:8

Na Muungu, amanyiye myojo ya wantu kayanga matsakoye kwa hawa wantu wa vyeet̯i vingine kwa kuwapfa Ruhu Mudheru dzaswi.

Warumi 8:34

Na ntaku yuḍejwonse jwa kuhuhukumu koro Kirist̯o Yesu ndiye afwiye, akifufuka na akikaa mukono kuyume wa Muungu, na jeje ndiye eyenahuyombea kwa Muungu.

Warumi 8:6

Huyuḍe eyenaiyatsa hi akili yakwe ikat̯aria mambo ya kimwii, anadziyeheya kufwa. Ela huyuḍe eyenadziyatsia kuyongojwa ni huyu Ruhu jwa Muungu, Muungu anamumpa maisha mapfya na naghea.

Waefeso 2:18

Na kwa dzambo ḍya hivi vya Kirist̯o ahendeyevyo, hwonse hupata njia ya kumwendea Muungu Baba jwehu, hukigijiijwa ni yuyo Ruhu mumodza.

1 Watesalonike 2:4

Kusumwiiya kwehu hunasumwiiya dza wantu wa Muungu atsakizijweo nao. Jeje kahuona wantu wahikizika na kahupfa kazi ya kusumwiiya *Maagu Mema dzuu ya Yesu *Kirist̯o. Naswi hukwakusumwiiyani, ntahusumwiiye kutsakiza wantu, hunasumwiiya kumutsakiza Muungu aimanyiye hi myojo yehu.

Waeburania 4:13

Ntaku chichonaweza kufitsika kwa Muungu. Jeje kula kiumbe kakuchionani tswee. Na ndiye hudzeeyamuparia hayaḍe yonse huhendeyeyo maishani mwehu.

Yakobo 5:16

D̯ubva, nywinywi namutsefitsa kwambiana nabvise zenu na namutseyatsa kuyombeana ili Muungu apate kumupfoza. Mayombo ya muntu muhachi yana nguvu na yanahenda mambo makuu.

Upfenuo wa Yohana 2:23

Wonse weokuuḅani mayongweezoye nawayaga tswee! Na matsanganiko yonse yanamanya kwamba mimi ndimi nimanyiye mojo wa kula muntu na mat̯aroye. Nami kula mumodza jwenu namuipfa kuuḅana na mahendoye.