Warumi 8:23 - Pokomo

²³ Na si hivi viumbe t̯u, ela hat̯a swiswi hupfegejweo Ruhu Mudheru dza hakikisho ḍya haya marembo hudzeyopfegwa ḅaad̯aye, naswi pia hunakaa na kuuguya. Hwakuuguyani na kuindiiya na hamu muno hiyo hiyo nsiku ya Muungu adzeyohuhendeza wanawe kaḅisa, yani nsiku adzeyohuweka huru kuyawana na hi mii yehu.

Warumi 8:23 ပူးပေါင်းရင်းမြစ်များ

Luka 20:36

Ntawakudzafwa kawii koro wadzawa dza malaika. Wanawa ni wana wa Muungu kwa kwamba wafufujwa kuyawa kwa wafu.

Luka 21:28

Mudzepfoona mambo haya yaḍabva kuhendeka, wani na tsekea koro mupfonyo wenu wa hapfa nkumbi na matso.”

Warumi 5:11

Na si hivyo t̯u, ela sasa huna tsekea nkuu muno kwa Muungu kwa dzambo ḍya kwamba kuchiiya na kwa Ḅwana jwehu Yesu Kirist̯o swiswi hupatanishwa na Muungu.

Warumi 5:3

Na zaid̯i ya hayo, hat̯a hukiwa mad̯inani pia hunatsekea, koro humanya kwamba mad̯ina yanahuyongweeza kuit̯isa.

Warumi 5:5

Na haya haya madzikwat̯yo hwiyonayo ntayanahungiza yutswani, koro Muungu kahuyanga matsakoye makuu kuchiiya na kwa Ruhu Mudheru jwakwe. Muungu kamuhukakanyia huyu huyu Ruhu myojoni mwehu dza t̯ola yakwe ahupfiyeyo.

Warumi 7:24

E mimi nya d̯inani t̯i! Ni ga jwa kunipfonya na haya haya maisha ya kuningiza kufwani?

Warumi 8:19

Koro kula kiumbe cha Muungu aumbiyecho chakuindiiyani na hamu muno hiyo hiyo nsiku ya Muungu adzeyowayanganya hawa wanawe.

1 Wakorint̯o 1:7

ndookomu nanywi ntamudzapfungukijwa ni t̯ola iḍeyonse ya kiruhu mala mwiyokuyoweeyani na hamu kudza yupfii kwa Ḅwana jwehu Yesu Kirist̯o.

2 Wakorint̯o 1:22

na kahungiza gubva ya kuyanga kwamba hu wakwe, na kamuhungiza huyu Ruhu jwakwe myojoni mwehu, dza hakikisho ḍya haya adzeyohuhendea.

2 Wakorint̯o 7:5

Hat̯a hwipfofika Makedonia ntahukupata nsoho. Hukunta d̯ina za kula namuna na kutsowana na wantu wangine, na myojo yehu ihunjia yuhangaiko.

Wagalatia 5:5

Ela aswi, huyu Ruhu anahupfa uhakika wa kwamba Muungu anahuhwaa kuwa wahachi kwa dzambo ḍya faro yehu kwa Kirist̯o.

Waefeso 1:14

Muungu kamuhupfa huyu huyu Ruhu dza dhamana ya kudzahupfa hayaḍe mema yonse ahuahid̯iiyeyo. Haya haya mema kadzayahupfa swiswi hwiwo wantuwe ngera adzeyohuweka huru kaḅisa. Na hivi vinawahendeza wantu wamushad̯e Muungu.

Waefeso 4:30

Namutsemusikit̯isa huyu Ruhu jwa Muungu. Koro huyu Ruhu ndiyo alama ya Muungu amungiziyeyo kuyanga kwamba mu wantuwe. Anakaa kuzimuni mwenu hat̯a nsiku ya Muungu adzeyomuweka huru kaḅisa kuyawana na mazuka.

Waefeso 5:9

Maanaye muntu eyekuishini muyangani anawa muntu mwema, anahenda mambo yeyonamutsakiza Muungu na anawa muntu muhachi.

2 Timoteo 4:8

Na sasa hiḍi t̯ubvo ḍya kushinda kwangu ḍyakuniindani. Naḍyo ni t̯ubvo ḍya kwamba niweza kuishi maisha ya udheru. Ḅwana, muhukumu jwa hachi, kadzaḍinimpa hiyo hiyo nsiku ya mwiso. Na nkakudzaḍinimpa mimi t̯u, ela na hawaḍe wonse weokuyoweeyani na hamu kuuja kwakwe.

Tito 2:13

huku hukiindiiya hiyo Nsiku ya tsekea hwiyokuieghat̯ani. Hiyo hiyo Nsiku, marembo ya Muungu jwehu mukuu na mupfonya jwehu Yesu *Kirist̯o yanaonekana.

Waeburania 9:28

Kirist̯o nae kayavigwa dza mvuugiya mweedha mumodza t̯u, ya kunuya nabvise za wenji. Kadzakudza mweedha wa pfii kuwapfonya hawaḍe weokuyoweeyani kudzakwe, nkakwakudza kawii kutsukuya nabvise za wantu.

1 Pet̯ero 1:7

Haya maḍemo yadza t̯u, kuzipima hizi faro zenu kuyanga kwamba mumuserefat̯a Muungu ḍugha. Dza vya dhahaḅu ivyonapimwa na kudhereswa na moho, ndivyo vya faro zenu zivyokupimwani na kudhereswa, kuchiiya na kwa haya maḍemo. Na faro zenu kwa Muungu zina thamani kuchia dhahaḅu ambayo nsiku modza idzanangwa. Ndookomu ikiwa kwamba faro zenu zionegwa kwamba ni karit̯u, mudzapata shad̯u, marembo na hila nkuu, nsiku ya Yesu Kirist̯o adzeyokudza.

1 Yohana 3:2

Watsakwa, hi saasambi hu wana wa Muungu, ela ntavidzahuyangaiya ya kwamba hudzawa wantu ga. Humanyiyecho t̯u ni kwamba, *Kirist̯o adzepfokudza, hunawa dzae, kwa dzambo ḍya kwamba hunamuona jeje dza aivyo haswa!