Warumi 7:15 - Pokomo

¹⁵ Haya mambo niyonahenda, mimi mwenye sikae na kuyaimuka. Koro haya niyonatsaka kuyahenda siyahende, ishinu yayaḍe nisiyotsaka kuyahenda, ndiyo niyonayahenda.

Warumi 7:15 ပူးပေါင်းရင်းမြစ်များ

Luka 11:48

D̯ubva mu mashaahiḍi, koro mukuḅaliana na mahendo ya wabibi zenu. Wao wawayaga hawa manabii anywi muzimbaka hizi mbeera zao.

Yohana 15:15

Simuhane wahumisi kawii, kwa kwamba muhumisi nkambijwe yonse ya huyu ḅwana jwakwe eyonayo. Mimi nyakumuhanani nywinywi waḅamu zangu, maanaye kula cha Baba anyambiiyecho, nisakuchimwambia.

Warumi 12:9

Hiḍi tsako ḍyenu naḍiwe tsako ḍya ḍugha. Ni had̯i muwe wantu wa kukeva kuhenda mazuka, na meshi mujwanie kuhenda mambo mema.

Warumi 14:22

Ndookomu, hikiḍe uhikiziyecho wewe mwenye kwamba ni sawa, nakiwe siri yako na Muungujo. Kadzawa na tsekea iyodze huyuḍe ahikiziye kwamba hivi evyokuhendani ni sawa, na nkakwaa kuhukumikani mojoni mwakwe!

Warumi 7:16

Na kwa kwamba nakaa na kuhenda haya nisiyotsaka kuyahenda, ḅasi vinayanga wazi kwamba nikuḅali kwamba hi Sharia ni nyema.

Wagalatia 5:17

Koro hivi vya hizi t̯amaa zehu za kimwii zivyonahwambia sivyo vya huyu Ruhu evyonatsaka. Na hivi vya huyu Ruhu evyonatsaka sivyo vya hizi t̯amaa zehu za kimwii zivyonahwambia. Hizi nguvu zombii zakupfinganani, hat̯a ntamuwezi kuhenda hiviḍe mwivyonatsaka kuhenda.

2 Timoteo 2:19

Ela Muungu kaḍisumamisa hiḍi tsanganiko ḍyakwe dza musinji mumu gu usiosukusika. Na hu musinji woregwa hivi vyuuwo hivi: “Ḅwana kamanya weo wakwe.” Na kawii woregwa hivi: “Yuḍejwonse ambiye njwa Ḅwana, ni had̯i ayayatse mazukaye.”

Waeburania 1:9

Wewe kutsaka hachi na kukeva mazuka. Ndiyo maana mimi Muungujo, nikuhiiya mafuha nikutsana, na nikuhendeza uwe na tsekea ya kuhilwa, tsekea iyo nkuu kuchia hi ya hawa wenziwo.”

Yakobo 3:2

Gula ni ḍugha, kwamba wantu wonse hunakaa hukahenda matsowa kut̯wa, ela hawaḍe weonaweza kuzit̯unza hizi nyiimi zao, wao wangora na wanaweza kudzimiza kwa kula hali.

Yud̯a 1:23

Wangine wapfoweni muwapfonye kuyawana na haya makaa ya moho weyokutsakani kunjia. Kuna na wangine weo wanabvise mwiwonamala kuwafwiya t̯ei, ela chimizani watsekudzamuhendeza mugwe nabviseni munjie t̯amba zuka.