Warumi 6:4 - Pokomo

⁴ Hwipfot̯opyegwa, ni dza kwamba hufwa na huzikwa pfamodza na Kirist̯o. Hivi vihendeka ili kwamba naswi huweze kuishi maisha mapfya, dza vya Muungu Baba jwehu amufufwiiyevyo Kirist̯o kuyawa kwa wafu kwa uwezowe mukuu.

Warumi 6:4 ပူးပေါင်းရင်းမြစ်များ

Yohana 11:40

Yesu kamwambukuya kamwamba, “Marit̯a, mimi sikukwambia ya kwamba ukihikiza unaona namuna ya uwezo wa Muungu uivyo?”

Yohana 2:11

Hiḍi ḍiiwa ndiḍyo dzambo ḍya d̯ura ḍya kumakisa ḍya Yesu ahendeyeḍyo. Kaḍihenda mudzi wa Kana wiwokuwa ḍyimbo ḍya Galilaya. Na kwa kuhenda hivi, Yesu kayanga uwezowe mukuu eokuwa nao, ndookomu hawa wanafund̯iwe wamuhikiza.

Mahendo 2:24

Ela Muungu kamufufuya kuyawa kwa wafu. Kamunwiiya tsungu wa kufwa, kwa dzambo ḍya kwamba kifo ntachindeweza kumuweka mufungwa.

Mahendo 2:32

D̯ubva Muungu kamufufuya yuyo Yesu kuyawa kwa wafu, naswi hwonse humuona na matso yehu wenye.

Warumi 6:19

Nyakumumpani mufaano wa wahumwa na maḅwana zao nangere, kwa dzambo ḍya udhaifu wenu wa kibenaad̯amu. Kae mwiiwa mudziyavya kuwa wahumwa wa mambo machafu na mwikihenda kula aina ya mazuka. Ela sasa dziyavyeni kuwa wahumwa wa kuhenda mambo yeyo ya hachi, ili mugije kuwa wantu wa Muungu ḍugha.

Warumi 6:3

Munamba ntamudzi hat̯a kwamba hwonse hwipfot̯opyegwa huunganywa na *Kirist̯o Yesu, na ni dza kwamba hufwa pfamodza nae?

Warumi 6:8

Na kwa kwamba hufwa pfamodza na Kirist̯o, huhikiza kwamba hudzaishi pfamodza nae kawii.

Warumi 6:9

Koro humanya kwamba Kirist̯o kafufujwa kuyawa kwa wafu na nkafwe kawii meshi. Kufwa ntaku nguvu kawii dzuu yakwe.

Warumi 7:6

Kenge sasa hwisakuwa huru kuyawana na hi Sharia. Iwa ihuweka dza wafungwa, ela sasa hwaa huru na ntahukwakumuhumikiani Muungu kwa njia ya kuuḅa Sharia ya kworegwa pfantu dza d̯ura. Ela hwakumuhumikiani kwa njia mpya, yani kuchiiya kwa Ruhu jwa Muungu.

Warumi 8:11

Na kwa kwamba huyu Ruhu jwa huyu Muungu amufufwiiye Kirist̯o Yesu kuyawa kwa wafu ka kuzimuni mwenu, ḅasi yuyuḍe amufufwiiye Kirist̯o anamumpa maisha mapfya nywinywi mwiwo na mii ya kufwa. Nevihivi anavihenda kuchiiya na kwa huyu Ruhu jwakwe eye kuzimuni mwenu.

1 Wakorint̯o 6:14

Kwa nguvuze, Muungu kamufufuya Ḅwana kuyawa kwa wafu, na hat̯a naswi kadzahufufuya.

2 Wakorint̯o 13:4

Hat̯a ingawa Kirist̯o kapfatsikwa muhini mwa mpatsa kwa dzambo ḍya kutsowa nguvu, sasa kakuishini kwa nguvu za Muungu. Hat̯a naswi, ntahu nguvu, ela hunaishi kwa nguvu za Muungu kumuhumikia nywinywi.

2 Wakorint̯o 5:17

Muntu yuḍejwonse akinjia hariani mwa Kirist̯o, kagala kiumbe kipfya. Hayaḍe ya kae yasia, kunjia maisha mapfya.

Waefeso 4:17

Mimi nyakumukanyani muno dza muhumisi jwa Ḅwana, mutsekaiya kuishi dza hivi vya hawa walumwengu wevyonaishi. Wao mat̯aro yao ni mafu.

Waefeso 5:8

Koro d̯ura mwiiwa mwa kizani, ela sasa hangu mukimaawa wantu wa Ḅwana, munjia muyangani. D̯ubva ishini dza wantu mwiwo muyangani.

Wakolosai 4:1

Nywinywi mwiwo na wahumwa, wahendeyeni wahumwa wenu yeyo hachi usoni kwa Muungu, namutsewakaiya chihako. Kumbukani kwamba hat̯a nanywi mu wahumwa wa huyu Ḅwana eye mbinguni.

1 Pet̯ero 3:21

Haya madzi ye zuruwa yayanga mufaano wa kut̯opyegwa kwenu kwa hizi hizi ngera. Kut̯opyegwa si kudheresa nongo ḍya mwii hat̯a; ela ni hukuḍe kuahid̯i na mojo mumodza kudziyavya kwa Muungu. Huku kut̯opyegwa kunamupfonya kuchiiya na kufufuka kwa Yesu Kirist̯o.

1 Yohana 2:6

Yuḍejwonse ambiye kakuishini Muunguni, ni had̯i aishi dza viviḍe vya Yesu Kirist̯o aishiyevyo.