Warumi 6:23 - Pokomo

²³ Koro t̯ubvo ḍya kuhenda nabvise ni kufwa. Ela hi t̯ola ya Muungu ayaviyeyo ni maisha ya kuunga na yuungo kuchiiya na kwa Kirist̯o Yesu Ḅwana jwehu.

Warumi 6:23 ပူးပေါင်းရင်းမြစ်များ

Matayo 25:46

Ndookomu hawa wantu wazuka wadzangizwa pfantu pfa adhaḅu isiyosia. Ela wahachi wadzangizwa pfantu pfa maisha ya kuunga na yuungo.”

Yohana 10:28

Weo wangu nawapfa maisha ya kuunga na yuungo na ntawawezi kwaara. Ntaku yuḍejwonse adzeeweza kuwanipfoka kuyawa mikononi mwangu.

Yohana 17:2

Wewe kunimpa mamulaka dzuu ya kula muntu, ili kwamba hawaḍe wonse unimpiyeo, niweze kuwapfa maisha ya kuunga na yuungo.

Yohana 3:36

Kula amuhikiziye huyu Mwana ana maisha ya kuunga na yuungo. Ela kula asiyemut̯ii huyu Mwana, huyo nkawezi kuwa na maisha ya kuunga na yuungo, ishinu hukumu ya Muungu imukaiya.”

Yohana 4:14

Ela eyenanwa haya madzi niyonapfa wantu, nkagijwe ni nchiu kawii meshi. Haya madzi yanawa dza tsana iyokuvuhani kuzimuni mwakwe iyonamumpa maisha ya kuunga na yuungo.”

Yohana 4:36

Na hawa wavunai wamaakuipfwani kwa kazi yao weyokuhendani. Wechokuvunani ni hawaḍe wantu weokuhikizani, wadzeopfokea maisha ya kuunga na yuungo. Ndookomu hangu huyu eyenaima hat̯a eyenavuna, wonse wadzatsaika pfamodza.

Yohana 5:24

Hachi nyakumwambiani, huyuḍe eyenasikiiya vyuuwo vyangu na akimuserefat̯a huyuḍe anihumiye, huyo ana maisha ya kuunga na yuungo. Muntu dzae nkawezi kuhukumigwa, koro kesakuyawa kufwani na kanjia kuishini maisha yasiyosia.

Yohana 6:27

Nywinywi namutsehangaikia chakuḍya chichonanangika! Ishinu hangaikiani chakuḍya kisichonangika, chichonapfa wantu maisha ya kuunga na yuungo. Mimi *Mwana jwa Ad̯amu naweza kumumpa hicho hicho chakuḍya, koro Muungu Baba jwangu kanimpa mamulaka ya kuhenda dzavyo.”

Yohana 6:40

Koro Baba anatsaka kwamba, kula anihambwiiye mimi dza Mwana jwa Muungu na akinihikiza, huyo awe na maisha ya kuunga na yuungo. Nami nidzamufufuya nsiku ya mwiso.”

Yohana 6:68

Ela Simioni Pet̯ero kamwambukuya kamwamba, “Ḅwana, hunanuka hunakwenda kwa ga? Wewe ndiwe wiye na vyuuwo vivyonapfa wantu maisha ya kuunga na yuungo.

Warumi 1:32

Hawa hawa wantu wamanya tswee kwamba, wantu weonahenda mambo mazuka mazuka dzayo, Muungu anawahukumu kufwa. Ela wao ntaviwamud̯e! Wanagija kuhenda mazuka nangere na kuwangiza mojo na wangine wagije kuhenda mazuka.

Warumi 2:7

Hawaḍe weonagija kuhenda mema na kulacha kwamba Muungu awakuzye na kuwahendeza wapfegwe hila na kuwa na maisha yasiyosia; wantu dzao, Muungu anawapfa maisha ya kuunga na yuungo.

Warumi 5:12

Kae nabvise injia lumwenguni kwa dzambo ḍya muntu mumodza. Na hiyo hiyo nabvise ahendeeyo iyeha kufwa. Ndookomu kufwa kunamufikia kula mwanaad̯amu kwa kwamba wonse wahenda nabvise.

Warumi 5:17

Nabvise ya muntu mumodza iyeha kufwa kwa lumwengu yuzima. Ela kuchiiya na kwa muntu mumodza yungine, yani Yesu Kirist̯o, hawaḍe waipfokeeyeo hi t̯ei nkuu ya Muungu ne t̯olaye ya kuwahendeza wahachi, hao wadzaishi maisha ya kuunga na yuungo.

Warumi 5:21

Cha mwiso ni kwamba kae nabvise iwa ijut̯awala lumwengu kwa kuwangiza wantu kufwani. Ela sasa hi t̯ei ya Muungu ndiyo iyokuhut̯awalani kwa kuhuhendeza kuwa wahachi usoni kwa Muungu na kuhupfa maisha ya kuunga na yuungo. Na hivi hunavipata kuchiiya na kwa kumuhikiza Ḅwana jwehu Yesu Kirist̯o.

Warumi 6:16

Dzaambia ntamukumanya kwamba mukidziyavya kumut̯ii muntu, ḅasi mu wahumwa wa huyo huyo muntu? Munaweza kutsana kuit̯ii nabvise na mwisowe munjie kufwani, ambu munaweza kutsana kumut̯ii Muungu na muwe wantu wa kuhenda yeyo ya hachi usoni kwakwe.

Warumi 6:21

Mwikihenda mambo mazuka mazuka ya kwamba hat̯a yakihadzwa saambi munaona yutswa. Ela kisa mupata kintu ga? Ntamukupata kiḍechonse! Koro haya haya mambo mwisowe yanangiza wantu kufwani.

Warumi 8:13

Koro mukiishi maisha ya kut̯awaligwa ni mambo ya kimwii, hachi munafwa. Ela ikiwa kwamba kwa nguvu za Ruhu Mudheru muyatsa kuhenda mambo mazuka kaḅisa, ḅasi munaishi.

Warumi 8:38

Koro nina hakika kwamba ntaku cha kuhut̯anya na hiḍi tsako ḍya Kirist̯o ahutsakiyeḍyo. Si kufwa kwehu wala kuishi kwehu, si malaika wala nguvu ziḍezonse za mpepfo nzuka zizonaweza kuhut̯anya na tsakoḍye. Na hat̯a mambo yeyopfo ambu yadzeyokudza ntayawezi kuhut̯anya na tsakoḍye.

Warumi 8:39

Ntaku kiḍechonse chicho mbinguni dzuu ambu lumwengu jwa wafu, wala kingine kiḍechonse kiumbijwecho, chichonaweza kuhut̯anya na namuna ya Muungu ahutsakiyevyo kuchiiya na kwa Kirist̯o Yesu.

Warumi 8:6

Huyuḍe eyenaiyatsa hi akili yakwe ikat̯aria mambo ya kimwii, anadziyeheya kufwa. Ela huyuḍe eyenadziyatsia kuyongojwa ni huyu Ruhu jwa Muungu, Muungu anamumpa maisha mapfya na naghea.

Wagalatia 3:10

Hawaḍe wonse weonadzikwat̯ya kuuḅa hi Sharia wa nsii ya ḍuo. Koro vyoregwa kwamba, “Yuḍejwonse asiyegija kuuḅa kula chorejwecho humu Shariani, huyo kaḍujwa.”

Tito 1:2

Hi hii hachi inahupfa madzikwat̯yo ya kupata maisha ya kuunga na yuungo. Muungu ndiye ahuahid̯iiye swiswi haya haya maisha hangu lumwengu ntajudzaumbwa. Na jeje nkanene nsuwe.

Yakobo 1:15

Muntu akisakumiha t̯amaa nzuka, hizi t̯amaa zinavyaa nabvise. Na hi nabvise ikikuya hat̯a ikyenda ikingora, inavyaa kufwa.

1 Yohana 2:25

Na cha Kirist̯o mwenye aahid̯iyecho kuhupfa, ni maisha ya kuunga na yuungo.

Upfenuo wa Yohana 21:8

Ela woga, wasiohikiza, wantu weonahenda mambo machafu machafu, wayaji, waḅari, watsawi, weonayomba masanamu na wansuwe wonse, hukumu yao wadzafat̯ulwa humuḍe mwa hiḍi ziwa ḍiḍyonawaka moho wa maḅiliḅili. Na huko ndiko kufwa kwa pfii.”