Warumi 6:17 - Pokomo

¹⁷ Hat̯a vivyo namuyaviza ḍuḍa Muungu, koro kae mwiiwa wahumwa wa nabvise, makisa mudzamuyat̯ii na mojo mumodza haya mayongweezo ya hachi muyongweezejweyo.

Warumi 6:17 ပူးပေါင်းရင်းမြစ်များ

Mahendo 11:18

Wepfosikia hivi, wayatsa hizi alano zao na wamushad̯a Muungu wakyamba, “D̯ubva Muungu kawapfa kupfyehuza mama hat̯a na wantu wa vyeet̯i vingine wapate kukaa mojo!”

Mahendo 28:15

Hawa wandugu wa Rumi wepfohupata maagu, wangine wadza wahut̯angera na hapfa pfa hu mudzi wiwonahanwa Marikiti ya Apiyo na wangine wadza wahut̯angera na hapfa pfa hu mudzi wiwonahanwa Nyumba ntahu za wageni. Paulo epfowaona, kamuyaviza asant̯a Muungu, na kanjia mojo.

Warumi 1:5

Kuchiiya na kwa Yesu, Muungu kanivodhya niwe ntumi jwakwe, ili kwa dzambo ḍyakwe niwahendeze wantu wonse wasiokuwa Wayahud̯i wamuhikize na kumut̯ii jeje.

Warumi 1:8

Nguzi cha d̯ura namuyaviza ḍuḍa Muungu jwangu kwa dzambo ḍyenu nyonse, kuchiiya na kwa Yesu Kirist̯o. Koro faro yenu mwiyonayo kwa Yesu Kirist̯o yakusumwiijwani lumwengu yuzima.

Warumi 15:18

Nami siwezi kunena kintu kingine kiḍechonse, lamud̯a hivi vya Kirist̯o ahendeevyo kwa wantu wa vyeet̯i vingine kuchiiya na kwangu. Kwa maagu niwasumwiiyeyo na hiviḍe nihendeyevyo kahi yao, Kirist̯o kaniwezesa niwahendeze hawa wantu wa vyeet̯i vingine wamut̯ii Muungu.

Warumi 16:26

Dza vya matsoro ya manabii yat̯aḅiriyevyo hangu kae na kae, sasa haya haya maagu yapfenujwa ili kula mumodza aweze kuyasikia na kuyaimuka. Huyu Muungu eyenaishi maishi na maishi, kahuamuru swiswi ntumi wakwe huyawasumwiiye wantu wa vyeet̯i vyonse, ili kula muntu aweze kumuhikiza na kumut̯ii Yesu Kirist̯o.

Warumi 2:8

Ela hawaḍe weo na umimi, weonayatsa haya mambo ya hachi wakauḅa mazuka, ngoro ya Muungu idzawasukia.

1 Wakorint̯o 1:4

Nakaa nikimuyaviza Muungu ḍuḍa kut̯wa kwa dzambo ḍya hizi mvoni amumpiyezo nywinywi mukiwa hariani mwa Kirist̯o Yesu.

1 Wakorint̯o 14:6

D̯ubva wandugu, nikidza kwenu na nikikaiya kunena na lugha ngeni, nawa na maana ga kwenu? Siwe na maana yaḍeyonse, lamud̯a nidze na mambo ya Muungu aniyangiyeyo, ambu umanyi musiku, ambu Maagu ya Muungu, ambu nidze na mayongweezo masiku.

2 Wakorint̯o 2:14

Ela Ḅwana ashad̯we! Swiswi hwiwo hariani mwa Kirist̯o, Muungu kahuweka dza maheka wa Kirist̯o. Kahuhendeza humuuḅe Kirist̯o dza maheka akwakuyangani ushindi wakwe. Muungu kakuhutumiani swiswi kusumwiiya haya maagu dzuu ya Kirist̯o kula pfantu, yakad̯achaa dza manunkanto.

Waefeso 1:16

mimi sidzayatsa kumuyaviza ḍuḍa Muungu kwa dzambo ḍyenu. Nakaa nikimuyombea kwa Muungu kut̯wa.

1 Watesalonike 3:9

Ntahuwezi hat̯a kumugalichiza Muungu ḍuḍa ya kut̯osa kwa dzambo ḍya tsekea muhungiziyeyo!

2 Watesalonike 1:3

Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i.

2 Timoteo 1:13

Vigije na nguvu hivi vyuuwo vya hachi nikuyongweezeyevyo. Hivi vyuuwo navikae dza mufaano wako wa kuuḅa na ugije kumuhikiza Kirist̯o na kuwatsaka wangine, koro hwaa hariani mwa Kirist̯o Yesu.

Filemoni 1:4

Ndugu Filemoni, kula nipfonawa kukuyombeani nakaa na kumuyaviza ḍuḍa Muungu jwangu,

Waeburania 11:8

Kwa kwamba Iburahimu ewa kamuserefat̯a Muungu, Muungu epfomwamba anuke na kwao ende hiḍe nsi aahid̯iyeyo kuimumpa, Iburahimu kat̯ii na kenda, hat̯a ingawa ewa nkaidzi hiḍe nsi.

Waeburania 5:9

Na epfoit̯imiza hi kaziye kawa ndiye muntu jwa kuwapfonya maishi hawaḍe wantu wonse weonamut̯ii jeje.

1 Pet̯ero 1:22

Na sasa, kwa dzambo muit̯ii hi hachi, mudhereswa kuyawana na nabvise zenu, na muwatsaka na mojo hawa wahikiza wenzenu. D̯ubva tsakanani na mojo ḍugha,

1 Pet̯ero 2:9

Kenge nywinywi mu kyeet̯i kidheru cha wantu watsanijweo ni Muungu. Kamuyavya kizani kamungiza muyangani muwe wakohani wa hila nkuu, ili muweze kulalabva haya mafara yakwe ya kumakisa.

1 Pet̯ero 3:1

Dza vivyo, nywinywi wake, ni had̯i mudziweke nsii ya mamulaka ya wayume wenu, hat̯a ikiwa kwamba wangine wao si wahikiza wa chuuwo cha Muungu. Koro wakiona namuna mwiivyo kukaani nao na hila na kuwahendea mahendo mema, wananuhika kuwa wahikiza, hat̯a pfasipfo nywinywi kuwambukuya chuuwo.

1 Pet̯ero 4:17

Koro ngera ya hukumu imafika, na hawa wantu wa Muungu ndiwo wa kuḍabva kuhukumigwa d̯ura. D̯ubva ikiwa kwamba ijwakuḍabva naswi, au mwiso unawadze kwa hawaḍe wasiohikiza aya Maagu Mema ya Muungu?

2 Yohana 1:4

Ami niwa na tsekea hii, nipfokudza nikiwaona wangine wa hawa wanao wakuishini hachini, dza viviḍe vya Baba ahuamuriyevyo!

3 Yohana 1:3

Ami ninjijwa ni tsekea hii kwipfokudza wangine wa hawa wandugu, wakidza wakisumwiiya namuna ugijiyevyo kusumama hachini, dza nikumanyievyo ya kwamba u muntu wiyenaishi hachini!