Warumi 6:14 - Pokomo

¹⁴ Koro nabvise ntai nguvu kawii dzuu yenu kwa kwamba ntamukwaa nsii ya *Sharia, ela mwaa nsii ya t̯ei ya Muungu.

Warumi 6:14 ပူးပေါင်းရင်းမြစ်များ

Matayo 1:21

Maria kadzavyaa mwanamuyume nawe kudzamumpa sari, kudzamuhana Yesu. Koro jeje kadzawapfonya wantuwe kuyawana na nabvise zao.”

Yohana 1:14

Huyu eyeakihanwa Chuuwo kawa mwanaad̯amu na kaishi kahi yehu. Huuona uwezowe mukuu, yani uwezo eo nao dza Mwana jeje heket̯u jwa huyu Baba. Kahuyanga winji wa matsakoye kwehu na kahupfa kumanya kula kintu dzuu ya Muungu.

Yohana 1:17

Muungu kaiyavya hi *Sharia kuchiiya na kwa Musa, ela matsakoye na kula kintu dzuuye kachiyanga kuchiiya na kwa Yesu *Kirist̯o.

Yohana 8:36

D̯ubva huyu Mwana akimufunguya akimuweka huru, munawa huru hachi!

Warumi 11:6

Muungu nkakuwatsana kwa dzambo ḍya mahendo yao mema, ela kawatsana kwa dzambo ḍya t̯eiye. Koro t̯ambere Muungu anatsana wantu kwa dzambo ḍya mahendo yao mema weyonahenda, ḅasi hat̯a hi t̯eiye eyonafwiya wantu ntaindeewa t̯ei ya ḍugha meshi.

Warumi 4:16

Ndiyo maana kumuhikiza Muungu ndiḍyo dzambo muhimu. Muungu kaihuwekea hi ahad̯iye ḅure, ndookomu ni ahad̯i iyo na uhakika. Hi hii ahad̯i si ya hawaḍe weo na *Sharia t̯u, ela nza hat̯a hawaḍe wasio na Sharia wamuhikiziyeo Muungu dza Iburahimu. Koro Iburahimu ndiye huyu baba jwa wonse weonamuhikiza Muungu.

Warumi 5:17

Nabvise ya muntu mumodza iyeha kufwa kwa lumwengu yuzima. Ela kuchiiya na kwa muntu mumodza yungine, yani Yesu Kirist̯o, hawaḍe waipfokeeyeo hi t̯ei nkuu ya Muungu ne t̯olaye ya kuwahendeza wahachi, hao wadzaishi maisha ya kuunga na yuungo.

Warumi 5:18

Ḅasi na dza vya nabvise ya muntu mumodza iyeheyevyo hukumu kwa wantu wonse, ndivyo vya hendo modza ḍya hachi ḍihendejweḍyo ni Yesu Kirist̯o ḍivyokuwahendezani wantu wonse kuwa wahachi usoni kwa Muungu na kuwapfa maisha.

Warumi 6:12

Ndookomu namutseiyatsa nabvise iit̯awale kawii hi mii yenu ya kufwa. Namutseiyatsa imuhendeze mukidzit̯oseza haḍya zenu nzuka nzuka za kimwii.

Warumi 6:15

Ikimaawa kwamba hi t̯ei ya Muungu ihuweka huru hutseewa wahumwa wa Sharia, d̯ubva ni kunena kwamba hunaweza kugija kudzihendea nabvise ḅasi? Moro sivyo hat̯a!

Warumi 8:12

D̯ubva wandugu zanguni, ntahu ruhusa ya kuishi maisha ya kimwii kawii, ela ni had̯i huishi kwa kuuḅa hivi vya huyu Ruhu jwa Muungu evyonatsaka.

Warumi 8:2

Koro kuchiiya na kwa Yesu Kirist̯o, hizi nguvu za huyu Ruhu jwa Muungu eyenamumpa maisha ya kuunga na yuungo zisakumuweka huru kuyawana na hi sharia ya nabvise iyonayeha kufwa.

Wagalatia 3:23

Hwiiwa nsii ya Sharia dza wafungwa hat̯a ngera hudzeyohukipfenwiijwa kwamba, hukimuserefat̯a Kirist̯o hunawa na maisha.

Wagalatia 4:21

T̯aḅeni nimuuze chuuwo bve, nywinywi mwiwonatsaka kuwa nsii ya hi Sharia ya Musa: Hayo hayo yorejweyo ni Musa mwakuyaimukani yevyokunenani?

Wagalatia 5:18

D̯ubva, ikiwa kwamba huyu Ruhu kakumuyongowani, ntamukwaa nsii ya Sharia.

Tito 2:14

Jeje kadziyavya maishaye kwa dzambo ḍyehu, ahupfonye na mazuka yonse na kuhudheresa na nabvise zehu, huwe wantuwe jeje heket̯u weo na hamu ya kuhenda mambo mema.

Waeburania 8:10

Hiḍi ḍamano nidzeḍyowekeana na nyumba ya Isiraeli ni hiḍi: Nsiku zizokudzani, nazyora sharia zangu myojoni mwao, na naziweka akilini mwao. Mimi nawa Muungu jwao, nao wanawa wantu wangu.