Warumi 5:3 - Pokomo

³ Na zaid̯i ya hayo, hat̯a hukiwa mad̯inani pia hunatsekea, koro humanya kwamba mad̯ina yanahuyongweeza kuit̯isa.

Warumi 5:3 ပူးပေါင်းရင်းမြစ်များ

Luka 21:19

Mukiit̯isa munapata maisha ya kuunga na yuungo.”

Mahendo 5:41

Hawa ntumi wanuka hapfaḍe gasani wakiwa na tsekea nkuu, ya kwamba Muungu kawatsana wakuntiswe d̯ina kwa dzambo ḍya sari ḍya Yesu.

Warumi 5:11

Na si hivyo t̯u, ela sasa huna tsekea nkuu muno kwa Muungu kwa dzambo ḍya kwamba kuchiiya na kwa Ḅwana jwehu Yesu Kirist̯o swiswi hupatanishwa na Muungu.

Warumi 8:23

Na si hivi viumbe t̯u, ela hat̯a swiswi hupfegejweo Ruhu Mudheru dza hakikisho ḍya haya marembo hudzeyopfegwa ḅaad̯aye, naswi pia hunakaa na kuuguya. Hwakuuguyani na kuindiiya na hamu muno hiyo hiyo nsiku ya Muungu adzeyohuhendeza wanawe kaḅisa, yani nsiku adzeyohuweka huru kuyawana na hi mii yehu.

Warumi 9:10

Na si hivyo t̯u, ela huyu huyu mwana, yani bibi jwehu Isaka, epfokuya kamuhwaa Rebeka na kavyaa nae mpatsa ya wanawayume wawii.

2 Wakorint̯o 4:17

Hizi d̯ina hwizokukuntani si d̯ina za muḍa muyeya, na hukiziinganya na haya yadzeyokudza, si d̯ina nkuu za kwambadze. Koro zinahuyehea marembo makuu ya kuishi na Muungu maishi.

2 Wakorint̯o 8:19

Na si hivyo t̯u, jeje katsanwa ni haya matsanganiko agijane naswi, huipfiike Yerusalemi hi mvuugiya ya matsako hwiyokuhwaani. Hiḍi dzambo ḍinamuyehea shad̯umea Ḅwana na ḍinayanga kwamba swiswi huna mojo wa kupfa wenzehu ugijo.

Waefeso 3:13

D̯ubva, nyakumuyombani mutseefwa mojo mudzepfosikia dzuu ya hizi d̯ina nizokukuntiswani kwa dzambo ḍyenu. Ishinu dzivuniyeni hizi d̯ina nizokukuntiswani kwa faiḍa yenu.

Wafilipi 1:29

Koro hi hii namfasi maalumu mupfegejweyo, ntamukuipfegwa kwa kumuhikiza Kirist̯o t̯u, ela hat̯a na kwa kukuntiswa d̯ina kwa dzambo ḍyakwe.

Yakobo 1:12

Heri muntu eyenapatwa ni maḍemo na akait̯isa! Koro akiit̯isa hat̯a akiyashinda, Muungu anamumpa t̯ubvo ḍya maisha ya kuunga na yuungo. Hiḍi ni t̯ubvo ḍya Muungu aahid̯iyeḍyo kuḍiwapfa hawaḍe wonse wamutsakiyeo.

1 Pet̯ero 3:14

Kenge hat̯a ikiwa kwamba mukuntiswa d̯ina kwa dzambo ḍya kuhenda mema, tsekeani muno! Namutseshooga kiḍechonse, nolawe kuhangaika myojoni mwenu.