Warumi 5:17 - Pokomo

¹⁷ Nabvise ya muntu mumodza iyeha kufwa kwa lumwengu yuzima. Ela kuchiiya na kwa muntu mumodza yungine, yani Yesu Kirist̯o, hawaḍe waipfokeeyeo hi t̯ei nkuu ya Muungu ne t̯olaye ya kuwahendeza wahachi, hao wadzaishi maisha ya kuunga na yuungo.

Warumi 5:17 ပူးပေါင်းရင်းမြစ်များ

Matayo 25:34

Makisa kadzanena na hawaḍe weo mukono wakwe wa kuyume kadzawamba, ‘Nywinywi muvodhyejweo ni Baba jwangu, nzoni. Nzoni munjie Uhajuni mwa Muungu muuelekanyizijweo hangu kuumbwa kwa lumwengu.

Yohana 10:10

Mwivi nkadziye ḍingine, kaziye ni kukwiwa, kunanga-nanga na kudziyagia ḅasi. Ela mimi nidzia kuwapfa wantu maisha ya ḍugha, kisa wawe nayo hat̯a na kufwachaa!

Warumi 5:12

Kae nabvise injia lumwenguni kwa dzambo ḍya muntu mumodza. Na hiyo hiyo nabvise ahendeeyo iyeha kufwa. Ndookomu kufwa kunamufikia kula mwanaad̯amu kwa kwamba wonse wahenda nabvise.

Warumi 5:15

Ela kuna ugaragara kahi ya hi nabvise ya Ad̯amu ayeheeyo, na hi t̯ola ya kuyatsijwa nabvise iyehejweyo ni Yesu Kirist̯o. Koro kuchiiya na kwa nabvise ihendejweyo ni muntu mumodza, yani Ad̯amu, wantu wenji wanjia kufwani. Ela huyu yungine, yani Yesu Kirist̯o, kahendeza wenji wapate kuyatsijwa nabvise zao kuchiiya na kwa t̯ei ya Muungu aikakanyiyeyo kwa wenji.

Warumi 5:20

Hi Sharia ipfoyehegwa, injipfisa mazuka, ela kula pfa wantu wagijiyepfo kuhenda nabvise, Muungu kagija kuwafwiya t̯ei zaid̯i na zaid̯i.

Warumi 6:14

Koro nabvise ntai nguvu kawii dzuu yenu kwa kwamba ntamukwaa nsii ya *Sharia, ela mwaa nsii ya t̯ei ya Muungu.

Warumi 6:23

Koro t̯ubvo ḍya kuhenda nabvise ni kufwa. Ela hi t̯ola ya Muungu ayaviyeyo ni maisha ya kuunga na yuungo kuchiiya na kwa Kirist̯o Yesu Ḅwana jwehu.

Warumi 8:39

Ntaku kiḍechonse chicho mbinguni dzuu ambu lumwengu jwa wafu, wala kingine kiḍechonse kiumbijwecho, chichonaweza kuhut̯anya na namuna ya Muungu ahutsakiyevyo kuchiiya na kwa Kirist̯o Yesu.

1 Wakorint̯o 15:49

Na, dza hivi hwivyo na umbo ḍihwaananiyeḍyo na huyu muntu aumbijwe na mutsanga, ndivyo hudzevyowa na umbo ḍihwaananiyeḍyo na huyu muntu jwa kuyawa mbinguni.

1 Wakorint̯o 4:8

Mwakut̯arani ya kwamba mumaawa na kula kintu mwichonatsaka! Mwakut̯arani ya kwamba mumaawa majabva! Mwakut̯arani ya kwamba mumaawa mahaju, hat̯a ingawa si pfamodza naswi! Bo, ni mala ya kwamba muweye mahaju ḍugha ili naswi hupate kut̯awala pfamodza nanywi!

Wafilipi 3:9

Mimi si haḍya kawii ya kudzihwaa kuwa muhachi kwa dzambo ḍya kuiuḅa hi Sharia, koro sasa nahwajwa kuwa muhachi kwa njia ya kumuhikiza Kirist̯o. Hivi ndivyo vya Muungu evyonahuhendeza wahachi kwa kuwa na faro.

1 Timoteo 1:14

Ḅwana kanifwiya t̯ei muno na kaniyanga kwamba kanitsaka. Kanihendeza nimuhikize na mojo na kanimpa kuwatsaka wahikiza wenzangu, koro hwonse hwakuishini hariani mwa Kirist̯o Yesu.

2 Timoteo 2:12

Ikiwa kwamba hugija kuit̯isa, pia hudzat̯awala pfamodza nae. Ikiwa kwamba humukana jeje, nae pia anahukana.

Yakobo 2:5

Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo.

1 Pet̯ero 2:9

Kenge nywinywi mu kyeet̯i kidheru cha wantu watsanijweo ni Muungu. Kamuyavya kizani kamungiza muyangani muwe wakohani wa hila nkuu, ili muweze kulalabva haya mafara yakwe ya kumakisa.

Upfenuo wa Yohana 1:6

Kahuhendeza huwe wantu wa Uhajuwe na wakohani wa kumuhumikia Muungu Babajwe. D̯ubva jeje Yesu nashad̯we na kukuzwa maishi na maishi. Amina.

Upfenuo wa Yohana 20:4

Kisa niona viti vya kihaju, na hawaḍe wavikaiyeo wapfegwa mamulaka ya kut̯awala. Niona ruhu za hawaḍe wakentejweo vitswa wakiyagwa kwa dzambo ḍya chuuwo cha Muungu na ushuhuḍa wao dzuu ya Yesu. Hawa ni hawaḍe wasiomuyomba huyuḍe binensa wala sanamuye, na wakidziza kubigwa muhuri vidhangoni mwao ambu mikononi mwao. Hawa wafufuka na wat̯awala dza mahaju pfamodza na *Kirist̯o kwa myaka elefu modza.

Upfenuo wa Yohana 20:6

Wadzawa na tsekea iyodze hawaḍe weo watsanwa wa Muungu wapatiyeo kufufujwa d̯ura! Hao kufwa kwa pfii ntakuwezi kuwapata. Ela wadzamuhumikia Muungu na Kirist̯o dza wakohani, na wadzat̯awala dza mahaju pfamodza nae kwa myaka elefu modza.

Upfenuo wa Yohana 22:5

Hukuḍe ntakuwe siku, na hawaḍe weo humuḍe mudzini ntawahit̯aḍyi muyanga wa tsaa wala wa dzuwa, koro Ḅwana Muungu jeje mwenye anawa ndiye hu muyanga wao. Nao wadzat̯awala dza mahaju maishi na maishi.

Upfenuo wa Yohana 3:21

Na kula adzeyeshinda, namumpa kukaa pfamodza nami kwa kiti changu cha kihaju dza hiviḍe vyangu nishindiyevyo nikikaa pfamodza na Baba kwa kitiche cha kihaju.