Warumi 4:17 - Pokomo

¹⁷ Dza vya matsoro yaneneyevyo yakyamba, Muungu kamwamba Iburahimu, “Nikuhendeza kuwa baba jwa vyeet̯i vinji.” Epfoakiyambijwa haya haya, Iburahimu ewa usoni kwa Muungu na kayahikiza. Huyu ndiye huyu Muungu eyenawafufuya wafu, na hat̯a mambo yasiyodzahendeka akayahwaa dza kwamba yesakuhendeka.

Warumi 4:17 ပူးပေါင်းရင်းမြစ်များ

Matayo 3:9

Na wala namutsedzit̯aria kwamba mu wadheru usoni kwa Muungu kwa kwamba mu kivyazi cha Iburahimu. Koro hachi nyakumwambiani, Muungu anaweza kuyahwaa haya mawe haya, na ayapfyehuze kuwa yuvyee jwa Iburahimu.

Yohana 5:21

Na dza hiviḍe vya huyu Baba evyonawafufuya wafu akawapfa maisha, huyu Mwana nae pia anawapfa maisha hawaḍe atsaniyeo.

Yohana 5:25

Hachi nyakumwambiani, ngera zakudzani na hat̯a zimaafika, ambapfo hawaḍe wafwiyeo kiruhu wanaisikia saut̯i yangu mimi Mwana jwa Muungu. Na hawaḍe wadzeoisikia na kuit̯ii, wanaishi.

Yohana 6:63

Eyenapfa wantu maisha ni huyu Ruhu jwa Muungu. Mwanaad̯amu nka echonacho. Na hivi vyuuwo nineneyevyo mvya huyu Ruhu na vinawapfa wantu maisha.

Mahendo 15:18

Hivi ndivyo vya Ḅwana aneneyevyo. Jeje aihendeye hi ahad̯i ikimanyikana hangu kae.’ ”

Warumi 3:29

Ambu munat̯ara kwamba Muungu ni Muungu jwa Wayahud̯i ḅasi? Dzaambia siye Muungu jwa wantu wa vyeet̯i vingine pia? Ndivyo, Muungu ni Muungu jwa wantu wa vyeet̯i vingine pia.

Warumi 4:18

Hi hiḍe ngera, Iburahimu ewa na chima cha myaka gana. Ela nkakufwa mojo, kagija kumuserefat̯a Muungu t̯u hat̯a ingawa edzimanya kwamba kamaawa jarisa ghogho, na mukaziwe ewa ni nd̯at̯a. Muungu epfomuahid̯i Iburahimu kwamba anawa baba jwa vyeet̯i vinji, na kwamba yuvyeejwe junawa yukuu dza hizi nyoha, Iburahimu kamuserefat̯a Muungu, ingawa dzambo dzaḍyo ḍinaonekana kwamba ntaḍiwezi kuhendeka. Na Iburahimu kadzakawa baba jwa vyeet̯i vinji ḍugha.

Warumi 4:2

T̯ambere Muungu andeewa kamuhwaa Iburahimu kuwa muhachi kwa dzambo ḍya mahendoye mema, ḅasi Iburahimu andeewa na kintu cha kudzivunia. Ela nka saḅaḅu ya kudzivunia usoni kwa Muungu.

Warumi 8:11

Na kwa kwamba huyu Ruhu jwa huyu Muungu amufufwiiye Kirist̯o Yesu kuyawa kwa wafu ka kuzimuni mwenu, ḅasi yuyuḍe amufufwiiye Kirist̯o anamumpa maisha mapfya nywinywi mwiwo na mii ya kufwa. Nevihivi anavihenda kuchiiya na kwa huyu Ruhu jwakwe eye kuzimuni mwenu.

Warumi 9:11

Ela hangu hawa wana wepfokuwa ntawadzavyajwa, na wepfokuwa ntawadzahenda dzambo ḍiḍeḍyonse dzema ambu zuka, Muungu kanena na mama jwao kamwamba, “Kyeet̯i cha huyu mukuu, kidzahumikia kyeet̯i cha huyu muḍoḍo.” Ndookomu vinayanga tswee kwamba Muungu anamutsana muntu kuuḅana na hiviḍe evyonapanga mwenye. Nkamutsane muntu kwa dzambo ḍya mahendoye.

Warumi 9:26

Na pfapfaḍe pfantu niwambiiyepfo, ‘Ntamukwaa wantu wangu,’ ḅasi ndipfo pfantu wadzepfohanigwa, ‘Wana wa Muungu eye mojo.’ ”

1 Wakorint̯o 1:28

Muungu kawatsana hawa weonabalifwa na kunyirwa ni lumwengu, wakionegwa dza kwamba ntawakwaa kintu, apate kuwatsovya maana hawa weonahwajwa ni lumwengu kuwa na maana.

1 Wakorint̯o 15:45

Koro haya matsoro yamba, “Huyu muntu jwa d̯ura, yani Ad̯amu, kawa kiumbe chicho mojo.” Ela huyu Ad̯amu jwa mwiso, ndiye huyu Ruhu eyenawapfa wantu maisha ya kuunga na yuungo.

1 Timoteo 6:13

Na nyakukuamuruni usoni kwa Muungu, eyenapfa viumbe vyonse maisha, na usoni ya Kirist̯o Yesu, ayaviye ushuhuḍa wa hachi usoni ya Pontio Pilato:

Waeburania 11:12

Ingawa ewa kajara na hat̯a ewa dza muntu afwiye, kuyawana nae jeje muntu mumodza, kuyawa yuvyee jwa wantu wenji na wenji dza nyoha za yuwinguni. Wewa wenji dza mutsanga wa ḅahari.

Waeburania 11:3

Faro ndiyo ihupfiyeyo kuimuka kwamba, huju lumwengu juumbwa kwa chuuwo cha Muungu. Ndookomu hivi vivyonaonekana, viumbwa kuyawana na hiviḍe visivyoonekana na matso.

Waeburania 11:7

Kwa kwamba Nuhu ewa kamuserefat̯a Muungu, kauḅa hayaḍe ya Muungu amwambiiyeyo dzuu ya mambo yadzeyohendeka, asiyodzayaona na matso. Kaelekanya safina ya kuipfonyea nyumbaye dza vya Muungu amwambiiyevyo. Kwa faroye, Nuhu kayanga uzuka wa wantu wa huju lumwengu, na Muungu kamuhwaa dza muntu muhachi kwa dzambo ḍya faroye.

1 Pet̯ero 2:10

Kae ntamwiiwa wantu wa Muungu, ela sasa mumaawa wantu wa Muungu. Kae ntamwiimanya t̯ei ya Muungu, kenge sasa mumapata t̯eiye.

2 Pet̯ero 3:8

Ela wandugu zangu, hichi kintu kimodza hichi namutsechaarerwa: Kwa Ḅwana nsiku modza ni sawa na myaka elefu modza, na myaka elefu modza ni sawa na nsiku modza.