Warumi 3:5 - Pokomo

⁵ Ikiwa kwamba mazuka yehu yanayanga namuna ya Muungu aivyo muhachi epfonahuhukumu, d̯ubva aswi hwambedze? Hwambe kakuhuoneani? Nyakunenani hivi koro ndivyo vya wantu wangine wevyonat̯ara.

Warumi 3:5 ပူးပေါင်းရင်းမြစ်များ

Warumi 12:19

Watsakwa, manyani mutseipfa halo kwa yuḍejwonse. Halo imuyatsiyeni Muungu, koro vyoregwa matsoroni kwamba, “Ḅwana Muungu kamba, ‘Halo nzangu. Mimi naipfa halo kwa kula muntu ahendeye mazuka.’ ”

Warumi 2:5

Ela kwa dzambo ḍya kitswacho chumu na kutsaatsaka kupfyehuza mama kwako, kwakudzifundikiani adhaḅu nkuu idzeyokudza hiyo hiyo nsiku ya Muungu adzeyowarejea wanabvise, na kuwahukumu na hachi.

Warumi 3:19

Sasa humanya kwamba hi *Sharia inawahusu Wayahud̯i, koro ndiwo waipfegejweo. Na waipfegwa ili lumwengu jwonse jutseewa na kiḍechonse cha kudzihehea nacho usoni kwa Muungu.

Warumi 3:7

Ela t̯ambere Muungu anagija kuonekana muhachi na kugija kupata shad̯u kuchiiya na hivi niivyo munsuwe, mani kut̯i amaale nahwajwa kuwa munabvise?

Warumi 4:1

D̯ubva hwambedze dzuu ya bibi jwehu Iburahimu? Muungu kamuhwaadze kuwa muhachi usoni kwakwe?

Warumi 5:8

Ela t̯ayowani namuna ya Muungu ahuyangiyevyo kwamba kahutsaka. Koro ingawa hwikiishi nabviseni, Kirist̯o kadza kafwa kwa dzambo ḍyehu!

Warumi 6:1

D̯ubva hwambedze? Hwambe kwamba hugije kuhenda nabvise amaale ili kwamba Muungu agije kuhufwiya t̯ei na kuhuyatsia zaid̯i na zaid̯i?

Warumi 6:19

Nyakumumpani mufaano wa wahumwa na maḅwana zao nangere, kwa dzambo ḍya udhaifu wenu wa kibenaad̯amu. Kae mwiiwa mudziyavya kuwa wahumwa wa mambo machafu na mwikihenda kula aina ya mazuka. Ela sasa dziyavyeni kuwa wahumwa wa kuhenda mambo yeyo ya hachi, ili mugije kuwa wantu wa Muungu ḍugha.

Warumi 7:7

D̯ubva kwa avi nineneyevyo, wangine wenu wakuimukani dza kwamba nyakwambani ai Sharia ni nzuka? Moro sikwakunenani hivyo hat̯a! Ae sokwaa ai Sharia, ami nindemanya hat̯a ya kwamba nabvise ni kintu gani le? T̯ambere hi Sharia ntaindekwamba, “Nkudzomiiye mahe cha mwenziwo,” hat̯a sindeemanya ya kwamba katsi kumiiya mahe cha muntu ni nabvise.

Warumi 8:31

D̯ubva kwa haya haya yonse hwambedze? Koro ikiwa kwamba Muungu ka yupfande jwehu, ni ga jwa kuweza kuhupfinga na ahushinde?

Warumi 9:30

D̯ubva hivi hwivyokunenani ni kwamba, hawa wantu wa vyeet̯i vingine wahenda wahachi usoni kwa Muungu. Na wahenda wahachi kwa dzambo ḍya kumuhikiza Kirist̯o, ingawa ntawekidzilachia kuwa wahachi usoni kwa Muungu.

1 Wakorint̯o 15:32

Ikiwa kwamba nijwana na binensa hapfa hapfa Efeso kwa malengo ya kibenaad̯amu t̯u, nipata? Ela ikiwa kwamba wafu ntawakwakudzafufujwa, d̯ubva, dza vya wantu wevyonanena, “Nahuḍye na kunwa, koro kufwa kwehu kunaweza kuwa ni keso keso!”

1 Wakorint̯o 9:8

Si ya kwamba haya niyokunenani ni mat̯aro ya kibenaad̯amu ḅasi hat̯a, koro hat̯a hi *Sharia nayo inena hivi hivi.

2 Wakorint̯o 6:4

Ishinu, hunayanga kwamba hu wahumisi wa Muungu kwa kula kintu hwichonahenda. Hunait̯isa muno hukwakukuntiswani d̯ina, hunait̯isa kwa maisha momu momu na kwa kula aina ya d̯ina.

2 Wakorint̯o 7:11

Hu tsungu wenu wiwa ni miro ya Muungu kwenu. T̯ayowani namuna umuhendezeyevyo mukiperuka! Ntamukugala wantu wahiḍu t̯u, ela mugala hat̯a na hamu ya kuniyanga kwamba ntamu tsowa ḍiḍeḍyonse. Haya yahendekeeyo ntayakumutsakiza hat̯a kachuchu, ishinu yamungiza oga kwa haya yadzeyohendeka. Nywinywi ntamukutsaka kuniona t̯u, ela mwiiwa hat̯a na hamu ya kunihehea na kumuadhiḅu huyu mutsovi. Mudziyanga na kula njia kwamba nywinywi ntamu tsowa dzuu ya hiḍi dzambo.

Wagalatia 2:18

Ikiwa kwamba nivikuḅali kawii hiviḍe nivyovidziza, kwamba muntu anawa muhachi kwa Muungu kuchiiya na kwa kuuḅa Sharia, nawa nyakuhendani nabvise.

Wagalatia 3:15

Wandugu, natsaka kumuhwaiya mufaano mumanyiyeo. Wantu wakiḍamana vyuuwo na wakyoreana hat̯i ya haya maḍamano, ntaku jwa kuyavunza ambu kuperuya chuuwo kiḍechonse jeje heket̯u. Na ndivyo viivyo hat̯a kwa hi ahad̯i ya Muungu.

Upfenuo wa Yohana 15:3

Hawa hawa wantu wekikwimba wiya wa huyu Mwana Mbuzi na Musa muhumisi jwa Muungu. Hu wiya unakwamba, “E Ḅwana Muungu mwenye nguvu zonse, mahendoyo ni makuu na ya kumakisa! Wewe wiye Haju jwa vyeet̯i na vyeet̯i, njiazo zonse nza hachi na nza ḍugha!

Upfenuo wa Yohana 18:20

Ela tsekeani muno nywinywi mwiwokukaani mbinguni kwa kwamba Babeli isakugiswa! Tsekeani muno nywinywi mwiwo wantu wa Muungu, *ntumi na manabii, koro Muungu kesakuihukumu Babeli kwa dzambo ḍyenu!