Warumi 3:27 - Pokomo

²⁷ D̯ubva at̯i hunaweza kudzivunia kwamba huhenda kiḍechonse kimuhendezeyecho Muungu ahuhwae kuwa wahachi usoni kwakwe? Ntaku kiḍechonse! Na ni kwa dzambo ga ntaku kintu? Ni kwa kwamba ntahuwezi kuwa wahachi usoni kwakwe kwa kuuḅa Sharia. Ela hunahwajwa kuwa wahachi kwa dzambo ḍye faro yehu hwiyonayo kwa Yesu Kirist̯o.

Warumi 3:27 ပူးပေါင်းရင်းမြစ်များ

Marko 16:16

Huyuḍe adzeyehikiza na akit̯opyegwa anapfonywa, ela asiyehikiza anahukumigwa.

Yohana 3:36

Kula amuhikiziye huyu Mwana ana maisha ya kuunga na yuungo. Ela kula asiyemut̯ii huyu Mwana, huyo nkawezi kuwa na maisha ya kuunga na yuungo, ishinu hukumu ya Muungu imukaiya.”

Warumi 10:5

*Nabii Musa kora kwamba, muntu eyenalacha kuwa muhachi kwa kuuḅa hi Sharia, anaishi kwa kuiuḅa hi Sharia.

Warumi 11:6

Muungu nkakuwatsana kwa dzambo ḍya mahendo yao mema, ela kawatsana kwa dzambo ḍya t̯eiye. Koro t̯ambere Muungu anatsana wantu kwa dzambo ḍya mahendo yao mema weyonahenda, ḅasi hat̯a hi t̯eiye eyonafwiya wantu ntaindeewa t̯ei ya ḍugha meshi.

Warumi 2:17

Wewe unadziona kwamba u Muyahud̯i na ukadzihwaiya kwamba at̯i nku untu kwa dzambo kuimanya hi Sharia ya Musa. Unadziona kwamba u jwa Muungu

Warumi 2:23

At̯i unakaa na kudziona kwamba kuimanya hi Sharia ya Muungu. Munamba nkukwakuonani hat̯a kwamba avi wivyokuvunzani Sharia kwakuḍihendezani hiḍi sari ḍya Muungu ḍinjie kubalifigwani?

Warumi 3:19

Sasa humanya kwamba hi *Sharia inawahusu Wayahud̯i, koro ndiwo waipfegejweo. Na waipfegwa ili lumwengu jwonse jutseewa na kiḍechonse cha kudzihehea nacho usoni kwa Muungu.

Warumi 3:26

Na kwehii ngera ya yeo, Muungu kayanga wazi tswee kwamba jeje ni muhachi. Na hawaḍe wanabvise wamuhikiziyeo Yesu, jeje anawahwaa kuwa wahachi usoni kwakwe.

Warumi 4:2

T̯ambere Muungu andeewa kamuhwaa Iburahimu kuwa muhachi kwa dzambo ḍya mahendoye mema, ḅasi Iburahimu andeewa na kintu cha kudzivunia. Ela nka saḅaḅu ya kudzivunia usoni kwa Muungu.

Warumi 7:21

Ndookomu naona kwamba vinikaiya dza sharia ya kwamba kula ninkitsaka kuhenda mema, haya mazuka ndiyo niyonatsana kuhenda.

Warumi 7:23

Ela nyakuonani kwamba kuna sharia ingine iyokuhendani kazi mwiini mwangu. Ni sharia iyokuipfingani hi sharia ya hi akili yangu ibarat̯iyeyo, na inakaa na kunihendeza mufungwa jwa hi sharia ya nabvise iyokuhendani kazi mwiini mwangu.

Warumi 7:25

Ela namuyaviza ḍuḍa Muungu, koro ananipfonya kuchiiya na kwa Ḅwana jwehu Yesu Kirist̯o! Ndookomu munaona namuna viivyo. Humu mojoni mwangu natsaka kuit̯ii hi Sharia ya Muungu, ela kwa dzambo ḍya hu ubenaad̯amu wangu, nigala muhumwa jwa hi sharia ya nabvise.

Warumi 8:2

Koro kuchiiya na kwa Yesu Kirist̯o, hizi nguvu za huyu Ruhu jwa Muungu eyenamumpa maisha ya kuunga na yuungo zisakumuweka huru kuyawana na hi sharia ya nabvise iyonayeha kufwa.

Warumi 9:11

Ela hangu hawa wana wepfokuwa ntawadzavyajwa, na wepfokuwa ntawadzahenda dzambo ḍiḍeḍyonse dzema ambu zuka, Muungu kanena na mama jwao kamwamba, “Kyeet̯i cha huyu mukuu, kidzahumikia kyeet̯i cha huyu muḍoḍo.” Ndookomu vinayanga tswee kwamba Muungu anamutsana muntu kuuḅana na hiviḍe evyonapanga mwenye. Nkamutsane muntu kwa dzambo ḍya mahendoye.

Warumi 9:31

Ela hawa Waisiraeli weowakidzilachia kuwa wahachi usoni kwa Muungu kwa kuuḅa hi Sharia, ntawakuweza kuit̯imiza na wawe wahachi.

Warumi 9:32

Kut̯i ntawakuweza kuwa wahachi? Ni kwa kwamba wekidzilachia kuwa wahachi usoni kwa Muungu kwa kuuḅa hi Sharia na kuhenda mahendo mema, ḅad̯ala ya kuwa na faro kwa Kirist̯o. Ndookomu wakolasika na hiḍi iwe ḍiḍyonakolasa wantu.

1 Wakorint̯o 4:7

Akuhendezeye wewe kuwa na maana kuchia wangine ni ga? Muungu siye akupfiye kula kintu wichonacho? Mani d̯ubva, aku kudziona dza kwamba nkukuvipfegwa ni Muungu, nkwa?

Wagalatia 2:16

Kenge humanya ya kwamba Muungu anamuhwaa muntu kuwa muhachi kuchiiya na kwa kumuserefat̯a Yesu Kirist̯o t̯u, si kwa kuuḅa hi Sharia. Ndiyo maana hat̯a naswi, humuserefat̯a Kirist̯o Yesu hupate kuwa wahachi kwa Muungu kuchiiya na kwa faro hwiyonayo kwa Kirist̯o, ela si kwa kuuḅa hi Sharia. Koro Muungu nkanamuhwaa benaad̯amu yuḍejwonse kuwa muhachi kwa dzambo ḍya kuuḅa hi Sharia.

Wagalatia 3:22

Ela haya matsoro yamba kwamba, lumwengu yuzima jwaa kifungoni mwa nabvise. D̯ubva Muungu kaweka ahad̯i ya huyu Ruhu kwa hawaḍe wamuserefat̯iyeo Yesu Kirist̯o.